خذاني الحب في عينك

البارت الثاني

قامت مناير من النوم وكانت الساعه ٦ قامت شافت باقي البنات نايمين راحت وتروشت ولبست لها جلابيه و ضفرت شعرها لليل ونزلت تشوف جدتها ام رعد على الراديو حقها ولابسه نظاراتها وجنبها الجده ام حسن تنتظر ام رعد تخلص
مناير: صباح الخير وش تسون
الجده ام رعد : تعالي يا بنيتي نفداك شغلي لي قرآن ما لقيته قد كان هنيه بس ما لقيته
مناير : هاتي عنك يا جده بحط لك
الجده ام حسن : الله يوفقك يا بنتي
مناير : امين ، سم ياجده شيء ثاني
الجده ام رعد : لا حبيبتي وين رايحه
مناير : بنزل عند الحلال بشوفه وبحلب البقر امس ما امداني اشوف البقر
الجده ام رعد : الله يحفظك يا بنتي بالله جيبي معك كم غرض من البقاله
مناير : ابشري وانتي يا جده ام حسن وش اجيب لك
ام حسن : لا حبيبتي تسلمين
مناير : مع السلامه برجع وبسوي الفطور
راحت مناير وجداتها يدعون لها اخذت البرقع حقها والشيله على رأسها ونزلت للبقر احلبتها و وراحت للبقالة و جابت لجدتها أغراضها وطلعت لجدتها خبزت خبز على التنور وحطت سمن وعسل بالنحت وحطته عند جدتها و افطرو وصارو يقومون واحد واحد وهي نزلت للحوي ( حوش البقر و الخرفان و الثور ) وأخذت ثلاث من الخرفان الصغار معها ولبست برقعها وراحت على طول للمزرعه ومعها سكين دخلت للمزرعه وجلست تحت شجرة رمان كبيره وجلست تحت ضلال الشجر وجلست تقطف رمان وتقطعه و تأكله وتأخذ كتابها وجلست تقراء وتشوف خرفانها تلعب وجلست تضحك على ثنين جالسين يتهاوشون و واحد جمبها هادي وقامت تضحك تذكرت رغد و وعد لما يتهاوشون الا وشوي وتشوف وعد راكبه فوق الجدار تبي تدخل المزرعه ( طبعا باب المزرعه مقفل بحديد وما يقدرون يفتحون الا من داخل )
مناير بضحكه : وعد يا خبل اهجدي وش انتي مسويه
وعد : وانتي هنا وانا ورغد اندورك
مناير : ما سمعتكم
وعد : اقول بس لا يكثر خلينا نروح نفتح الباب لرغد تنتظر
مناير : يلا يلا
رغد بصوت العالي : يا بنااات الحقوني
راحو البنات يركضون و شافو سياره جايه ونسو يفتحون الباب ركبو فوق الجدار وامسكو يد رغد و يوم شافو السياره قربت وعد فكت يد رغد وقامت تركض تحت الشجره و مناير يوم شافت وعد هربت هربت وراها وطاحت رغد على التراب وتغطي وجها ما تبي راعي السياره يشوفها و عرفت انه عمها سلمان و كانت متأكده انه بيعرفها لاكن من حسن حظها ما عرفها وجلست تبكي ومناير و وعد ما سكين الضحكه وطلعو يشوفون رغد
مناير بضحكه : وش فيك تبكين
وعد بمزح : شكلك شفتي عمي سلمان
رغد بصوت باكي : ايه عمي سلمان هو راعي السياره
وعد و مناير انصدمو وقرروا يسكتون يوم عرفو انه العم سلمان ما عرفها وجلسو يمشون السالفه وخذت كل وحده خروفها وجلسو يمشون وهم ما شيين شافو ابو مناير رعد و مطلق جايين للمزرعه وقامو يركضون و ركبو فوق الجدار و رعد يصيح عليهم
رعد : يا بنت لا تطحين انتي وياها مناير يا بنت
والبنات يركضون اقوى ما عندهم الى ان وصلو البيت وعرفوا ان وعد ما لحقتهم وجلسو يضحكون ويسمعون صياح ابو مناير على وعد
رعد : خبل انتي وياها تركبون فوق الجدران كنكم قرود
و وعد ساكته و ابو مناير يخاصمها ويهدد في مناير و رغد و مطلق ماسك الضحكه و وعد ساكته ودها تنط فوق مطلق علشان تخلي يضحك زي الناس
رعد : مطلق
مطلق بضحكه مكتومه : هلا يبه
رعد : وصل البنت البيت والحقني بسرعه
وعد : ما يحتاج يا عم افضل الموت على ان ذا يوديني للبيت
( وجلست تأشر على مطلق من فوق لتحت )وراحت وهي مقهوره و ابو مناير خلا مطلق يلحقها ويتأكد انها توصل البيت وهي تمشي بخطوات سريعه ولا تدري من الي يلحقها و دقت على مناير وتقول راقبيني مع الطاقه و مطلق كان ملثم و طلعت مناير مع الطاقه وتصور بجوال رغد وتكلم وعد وهي خايفه الا وتشوف وعد جايه وتلمح وراها واحد وجلست تكلم وعد
وعد : بنت ها في احد وراي
مناير بصوت خايف : ايه رجال ملثم
وعد صقط قلبها وهي خايفه ومناير شافت الرجال يقرب من وعد وجلست تصيح على وعد
مناير : وعد بنت اركضي بسرعه
و وعد جلست تصيح وتركض و مطلق ميت ضحك وجلس يركض ورا وعد علشان تخاف زياده ومناير تصيح و وعد تصيح وركضت مناير اخذت المصواط( عصا يسون بها العصيده ) وقامت تركض لباب البيت وخذت برقعها وتشوف وعد التصيح وتركض و مناير الغبيه سكرت الباب من الخوف وجلست هي برا و وعد تصيح و تشوف مطلق الي جاي ركض و هو ميت ضحك وارتاحت يوم شافته جلست تصيح وتلعن مطلق ومطلق طاح على الارض من الضحك و وعد انفجرت بكاء يوم عرفت مطلق من ضحكته صوت شهقاتها يتعلى وسمعها مطلق وتقطع قلبه يوم جلس يسمع شهقاتها القويه
مطلق : افا تبكين يا الوعد والله انه مو قصدي
مناير : شفت يا مطلق ترا ما يضحك بغى يصقط قلبي وقلب البنت
مطلق : والله انه مو قصدي بس ابوي قال لي الحقها الى ان توصل البيت
وعد بصوت باكي : ايه بس مو كذا
مطلق : والله اني اسف
وعد : انقلع وش اسوي بأسفك انا ها
وراح مطلق وهو ندمان وكان هدفه بس الضحك بس ما توقع ان ذا الشيء بيخوفهم وراح عند ابوه وهو يفكر كيف يراضي البنات وراح عند ابوه وهو يفكر كيف يراضيهم و ما كان عنده فكره وقرر ينفذها
رعد : ولد مطلق وش تفكر به
مطلق : يبه وش رايك نطلع للعزبه وانام هناك يومين ثلاث حن والعايله
رعد : والله فكره حلوه بس خلنا نسأل البنات
مطلق : خلاص كلم البنات
رعد : الا يا ولدي وش جاب ذي الفكره لراسك
مطلق الي ما كان يبي يعلم ابوه عن وعد لانه بيضربه
مطلق : ابد يبه انا غلطت على مناير وزعلتها وقلت افرحها بذي التمشيه
رعد : ليه وش سويت لها
مطلق : خوفتها وزعلت
رعد : غريبه مع أن مناير تزعل على مزحكم لاكن معليه
مطلق : يبه لا تعلم احد عن التمشيه اول شيء ودي اطلب منك طلب
رعد : وش تبي اهرج
مطلق : ودي انك تسأل مناير وش ودها به وعلمها عن الطلع ولا وافقت خلاص نطلع
رعد : ابشر اهم شيء لا عاد تزعلها مع اني مو مصدق انها ازعلت علشانك خوفتها بس يا ولدي خل الطلعه بعد اول ثلاثة ايام العيد
مطلق : الي تبيه يبه
وأذن الظهر و بعد الصلاة راحو الرجال معزومين للغداء والحريم تغدو وخذو قيلوله وما اذان العصر الا والكل قام و وضوء وراحو للمسجد وصلو البنات كلهم في المسجد وطلعو والحريم زهبو جلستهم عند باب المشب و مجهزين الفشار و الشاهي و القهوه و القدوع ( صحن تمر و زبيب ) و حب دوار الشمس وشوي الا وتمطر وشلو أغراضهم ودخلو المشب و البنات فرحانين بالمطر وطلعو فوق الجبل يصورون الا وتشوف مناير زل احمر وخطرت في بالها فكره وقررت تحط الزل تحت المطر وخذت زلين وحطتها تحت المطر وكان راس الجبل مسطح وجنبه نازل زي الزحليقا وتملت الفرشه ماء
مناير : بنات عندي لكم فكره
فوزيه : والله وجتكم ام الأفكار
وعد : هاتي وش عندك
مناير : وش رايكم نتزحلق من فوق الجبل
عزيزه : بس كيف ما نقدر
مناير : كل شيء عندي بس من يبي
وعد و فوزيه و الهنوف و بدور بحماس : تم
رغد : مدري خايفه بس تم
عزيزه : والله ما اخليكم لحالكم
امل : اسمحو لي انا ما اقدر لاكن بصوركم اذا تبون
بدريه : تم
نوف : بنات وش تسون هنيه ادخلو من المطر
مناير : خاله تاتين معنا
نوف : تم بس وين
مناير : بنتزحلق
نوف : والله اني معكم يلا قدام
وكان توزيعم كالآتي
مناير و وعد و عزيزه و فوزيه في فرشه
نوف و بدور و رغد و الهنوف في فرشه
وتسحلقو مجموعة نوف بالأول وكل البنات يصيحون من مجموعة نو و من مجموعة مناير ومن امل وأمل تصورهم وهي تضحك وجاء دور مجموعة مناير والبنات فكو جزمهم ( أكرمكم الله ) وحطوها تحت الجبل ويتزحلقون و يصارخون كلهم بصوت عالي ويضحكون ونزلو من الزل وهم يضحكون و لبسو براقعهم ويصفا الجو وهم يضحكون الا ومن سوء حظهم جوهم الرجال ركض وكل واحد معه عصا و الجد ابو رعد ما عاد قدر يتحرك من خوفه على البنات ومناير اول ما شافت الرجال اخذت جزمتها ( أكرمكم الله ) وقامت تركض والبنات سوو مثلها وركضو من ورا الضيافه ويركضون و ضحكهم عالي وكل وحده راحت مكان الي راحت بيت الجد ابو رعد و الي راحت بيت الجد ابو حسن والي راحت مع نوف بيت زوجها وكل وحده ميت ضحك والي كان أكثر واحد رايق فيهم امل شافت الرجال يركضون ورا البنات ونزلت مع الدرج بشويش من دون ما احد يشوفها وما كانت شايفه العيال الي كانو مع الجد ابو رعد و شافها الجد وجلس يناديها ولفت وشافت جدها والعيال وتقدمت من جدها وسلمت عليه و السحى ماكلها
الجد ابو رعد : كيفك يا بنتي امل
امل بصوت خافت : بخير يا جدي وانت
الجد ابو رعد : وش وش قلتي ارفعي صوتك يا بنتي
امل : بخير بخير ياجد وانت كيفك
الجد ابو رعد : ابخير بس وش ذا الصياح حق البنات
امل : والله يجدي اننا كنا نلعب تحت المطر ويوم سمعنا صوتكم جلسنا نصايح على بعض
الجد ابو رعد : الله يصلحكم و روحي للبيت لا يجيك برد
امل : ابشر يا جد
عبدالله ابو نواف : امل بنتي وش جابك هنا
امل : كنت مع البنات يبه
عبدالله : وين امك تهاني
امل : في البيت ما كانت معنا
عبدالله : اها يالله يالله روحي البيت لا تمرضين
امل : ابشر يبه
وما بين امل تنزل مع الطلعه الا تشوف البنات جايين من ورا الضيافه من الجهه الثانيه و جالسه تضحك على منظرهم ولحقتهم للبيت
_____عند بيت ابو متعب _____
نوف : الله يقلع مناير ما كان له داعي نهرب
الهنوف : ايه والله
فوزيه بضحكه : اقول بس ما شفتو مناير وهي تركض بنعالها( أكرمكم الله )
الهنوف بضحكه: ايه والله عاد حن قلدناها وركبنا وراها
ههههههه
_____عند بيت الجد ابو رعد ______
مناير : اه انقطع نفسي وانا اركض
وعد : ايه والله
رغد : الله يلع^نك يا مناير ماكان له داعي نركض
مناير بضحكه: محد طلب منكم تركبون انتو الي ركضتو ولحقتوني
وعد بضحكه: ايه ما كان له داعي انقلدها حتى بش الجزم ( أكرمكم الله ) وقامو يضحكون وهم يتذكرون أشكال بعض
_____عند بيت الجد ابو حسن _____
عزيزه : والله ان حن استانسنا
حصه : هييي ( شهقه 😂 ) بنت عزيزه وش فيك كلك مويه
عزيزه : كنا نلعب بالمطر يامه
حصه : انا ماقد قلت لك لا عاد تلعبين هاذي الألعاب بذات مع ذولا البنات خليك مع امل يا زينها وحلاتها وفوق هاذا اخوها بيصير مهندس
عزيزه : وانتي قلتيها يا بيصير يعني انا باقي ما قد صار واذا صار عاد على ذاك الوقت خير
حصه : اقول بلا كلمه زياده روحي زيني نفسك والبسي شيء يشفيك لا تمرضين
عزيزه : ابشري يامه
وخلصت عزيزه من كلامها الا و يدخلون بدور وبدريه وجلسو شوي وجت من بعدهم امل وهي تضحك وكانت ناسيه ان جوالها كان باقي يصور وعلى طول دخلو البنات وبدور وبدريه بترجعين بيت جدهم ابو رعد وكانو يرجفون وهم راجعين وقابلو في طريق رجعتهم وعد و رغد وشو وكل الطرفين يرجف و يضحك وأذن المغرب وكل البنات تروشو ولبست لبس دافئ وكل وحده راحت تصلي وكل وحده اخذت لها مشروب حار يدفيها وعزمتهم مناير يجونها السمره الليله وأذن العشاء والكل صلى وعشاء( طبعا يأذن العشاء عندهم الساعه ٨ و عندهم بالديره تعتبر السمره من بعد صلاة العشاء إلى الساعه ١٠ ) كل وحده طلعت من بيتها وبيدها صينية اكل الي جايبه مكرونه با بشميلو الي جايبه سلطة فتوش و الي جايبه علبة عصير عايله شاني والي جايبه صنية حلا و الي جايبه مكسرات وكل وحده جايبه شيء
اما مناير كانت عند اخوانها وتنبهم انه لا احد يطلع لهم في الدور الي فوق ( طبعا ابو رعد معه بيت بالديره بس العيال بينامون عند بيت جدهم وأم مناير و فوزيه و الهنوف و نوف نايمين في بيت ابو مناير و معهم حسن و حسين و فيصل و ابو مناير معهم في مجلس وأما بيت الجد مطلق الي نايم مناير و مطلق و صقر و خالد وعبدالرحمن وأما بيت الجد سعيد عياله كلهم الا سعود و بيت ابو متعب الي نايم فيه متعب و محمد و سعود ) ابو مناير كان في بيت ابوه وقبل لا يطلع مسك مناير وكلمها
ابو مناير : مناير بنتي
مناير : لبيه يبه
ابو مناير : اسمعيني للآخر م دون لا تقاطعين طيب
مناير : ابشر يبه
ابو مناير : مطلق اليوم قال لي كل شيء صار والي سواه فيك وانك زعلتي منه ( مناير كانت مستغربه وش سوا فيها مطلق علشان تزعل منه )ابو مناير : انا اليوم قلت له يوصل بنت عمه وعد للبيت من دون ما تحس به وانه بعد ما وصلها شافك وحب يمزح معك وخوفك وانك زعلتي منه وهو الحين يبي يراضيك بس مايدري وش تبين وقال انه بيطلعك كشته ثلاث ايام او يومين للعزبه و نطلع كلنا وانام و ش رايك هاذا يرضيك
مناير عرفت ان مطلق قصده يراضي وعد والي سواه فيها
مناير : يبه انا بفكر بالموضوع وبشوف بس بالله كلم العيال انهم لا يطلعون لدوري لان البنات بيجوني
ابو مناير : ابشري وانتبهي على نفسك واذا تبين شيء وصي العيال وانا بقول لهم يعطونك الي تبينه
مناير : تسلم يبه
دخل ابو مناير على العيال و مناير كانت وراه وكلما ناظر لها مطلق سوت نفسها زعلانه منه ومطلق يوم شاف مناير ما تناظره زعل وحس بذنب زياده على الي سواه مع انه ما يدري ليه هي الحين زعلانه منه وانها مع الصباح عاد عندها وتسولف وتناظر فيه وتضحك وجلس ابو مناير يقول للعيال ان البنات بيجون وان لا احد يطلع لدور مناير وانه اذا بغت شيء من البقاله يجبونه لها ( طبعا في بيت الجد ثلاث أدوار والدور الاول فيه اغرض اللبن وجالس اكبار ومطبخ خاص للبن وباب يطلعهم لحوش البقر والدور الثاني غرفة الجده و مجالس للحريم و مجلس للرجال الي العيال ينامون فيه و مطبخ الجده مقفلتنه بالمفتاح علشان العيال اما الدور الثالث كله لمناير وعندها مطبخ و بلكونه و سطح و ملحق تشب في ومجلس جنب البلكونه ) وطلع ابو مناير منعدهم وراح عن بيته اما البنات كانو كلهم متخبين تحت المزرعه الي قدام بيت الجده واول ما طلع ابو مناير وراح بيته ركضو البنات وراحو عند مناير الي كانت تناظر لهم وتشوف كيف كل وحده تش أغراضه بيده وتركض واول ما وصلو حبت تمزح معهم
مناير : بنات اسمعو من دون صوت جدتي نايمه ولا تدري انكم هنا لا جدتي تدري ولا اخواني وانتبهوا لا يسمعونكم
وعد : كش عليك ليه ما تقولين على الاقل لاخوانك علشان لا يطلعون
مناير : نسيت ياخي
امل : خلاص يا بنات خلونا نطلع
مناير : فكو جزمكم ( أكرمكم الله )بالأول علشان محد يسمع وصارو البنات كل وحده تشل جزمتها ( أكرمكم الله ) بيد واليد الثانيه الاكل الي معها و مناير في المقدمه وتضحك على أشكالهم وهم يناظرون يمين يسار لا يطلع عليهم احد واول ما وصلو طاحت مناير تضحك والبنات اول ما شافوها تضحك عرفو انها كانت تكذب ويلا الي جت فوق مناير تضربها والي جلست ترمي جزمتها عليها والي ميت ضحك وهي تتذكر منظرهم وبعد هاذا مناير دخلتهم للبلكونه وشا فت كل العيال متجمعين عند جلست بيت ابو متعب وكانت البلكونه حقتها قدام بيت ابو متعب فكان لازم يغيرون مكانهم علشان العيال ما يناظرون لهم
مناير : بنات لازم نغير مكانا علشان العيال ما يناظرون لنا
رغد : طيب عادي نروح للسطح
مناير : لا هناك انا حاطه لكم مفاجئه
وعد : اقول بلا دلع عند بطاطين طوال
مناير : ايه موجوده هناك
وعد : بنات تعالو ساعدوني ابي ثلاثه معي بس مناير و رغد وانا يلا تعالو وراي والبسو شيالكم و براقعكم
وكل وحده حطة على رأسها الشيله والباقي واخذو البطاطين وجلسو يعلقونها على الحدايد الي محاوطه البلكونه وبكذا العيال ما عاد يشوفونهم وجلسو يسولفون ويلعبون نجد
____عند العيال ____
اخذ مطلق جواله بعد طلوع ابوه و دخل على قروب العيال
مطلق : عيال وش رايكم نتجمع برا مره بدري انام الحين
حسين : والله ودي بس ابوي معي انا وحسن ونلعب بلوت
خالد : ابوي يلعب معكم
حسن : ايه وبينام الحين
حسين : بكلمه واقول له ان حن بنطلع
مطلق : تمام والباقين
صقر : تم
عبدرحمن : تم
خالد : تم
سعود و متعب و محمد: تم
متعب : وش رايكم نتجمع عند جلسة بيت ابوي
مطلق : تم
نواف و سعيد : تم
فيصل : تم
وتجمعو العيال و جلسو يسولفون ولا انتبهو للبنات الي كانو با بلكونه الا بعد ما شافو البطاطين وجلسو يسولفون وكان معهم براد شاهي
خالد : ابد الجلسه مو ناقصه الا صوتك يا فيصل
صقر : ايه والله اطربنا يافيصل
وصارت اصوات العيال تتعالى يطلبون فيص يغني
فيصل : يلا يلا
انت لا تتهمني بشيء وانا برئ
من يشكك في حبي لك كذب و افترى
وين بتروح من ربي ياسر ظهري
يا حياة الشقاء ولا حياة الزرى
(العيال بصوت واحد وعالي )
احسبني
على حقي قوي وجرئ
لين
شفتك تعاما وانت عينك ترى
وانت عينك ترى
صوتهم كان عالي لدرجه البنات يسمعونهم
_____عند البنات _____
مناير : ياخي احب صوت العيال وهم يغنون بصوت وحد
بدور : تدرون توي ادري ان فيصل اخوي صوته حلو
بدريه : ايه والله حتى انا توي ادري
مناير : والله ان الي أحلاهم وهم يغنون مطلق وخالد
وعد : علشانها اخوانك
مناير : لا والله بس شوفي أشكالهم وهم مندمجين بالاغنية يجننون
وعد : ايه والله انه يهبلون لا هجدوا بس
رغد : وحتى سعود اخوي
وعد : ايه والله انك صادقه ماتوقعت ان ذا المخنز يجي في يوم حلو
(مناير كانت شايفه متعب بعد حلو بس ماتكلمت علشان البنات )
_____عند العيال_____
مطلق : عيال والله العظيم اني جايع
سعود : ايه والله حتى انا
خالد : انا بعد
حسين : انتو جوكم حار روحو اطلبو مناير تعطيكم اكل
سعود : لا انا بكلم خواتي احسن من اختكم
مطلق : بنشوف بنشوف
اخذ سعود جواله ودخل على رغد ولا ردة
متعب : ايه وين اختك ذي الي بتأكلك ها
سعود : انطم انت الثاني ترا مع اختين
متعب : يلا يلا
سعود دق على وعد ولا ردة ودق مره ثانيه وردة
وعد : نعم وش تبي مزعجني
سعود : كيفك يا وعودي
وعد : اخلص وش تبي دام فيها وعودي هاذي
سعود : انا جايع اعطيني اي شيء
جاه صوت وعد بعد صمت طويل
وعد : أي شيء
سعود : ايه
وعد : خلاص تعال تحت البلكونه
سعود : ابشري
وراح سعود وهو طاير من الفرحه ويحقر خالد ومطلق
سعود :يلا روحو اطلبو اختكم
دقت عليه وعد ورد والعيال يناظرون له وما يفصل بينهم كثير ويسمعون صوت وعد
وعد : سعود حط جوالك على الاسبكر واحط الجوال في الارض علشان تسمعني
ونفذ اسعود كلامها
وعد: شمر ثوبك وارفعه من تحت علشان تمسك الاكل
سعود : اوه شكله اكل كثير
وعد : ايييه
وسعود جلس يناظر لمطلق وخالد و يقهرهم وشوي الا ويطيح فوق راس سعود حبه وحده من حب دوار الشمس والعيال يوم شافوها وشافو وجه سعود قامو يضحكون بصوت عالي وسعود أخذها وجلس يلعن وعد وجاء دور مطلق و خالد اخذ خالد جواله و دق على مناير وجاه صوت مناير بعد دقايق
مناير : لبيه وش بغيت
خالد وهو فاتح سبيكر ودايم رافع راسه اول ما يسمع صوتها
خالد : لبيتي حاجه ابد بغيت منك تعطيني اكل جايع انا ومطلق و سعود
العيال كانو ينتظرون مناير ترفض علشان يضحكون لاكن صدمتهم مناير وهي تقول ابشر
مناير : ابشر ياخوي تعال عند الطاقه المجلس وبعطيك صينية مكرونه ب بشميل حلو
خالد : ايه حلو
شوي الا ويجيهم صوت وعد وهي تصيح
وعد : مافي يا خالد مع نفسك تسوي لك
خالد : مناير حبيبتي ابعدي هاذي الخبل من الجوال
وعد : انطم لا اجيك انا خبل
مناير : بنت خلاص اهجدي يلا اسويها واناديك
خالد : خلاص بس تسوينها ناديني
مناير : ابشر
ولفو العيال كلهم يناظرون سعود يضحكون على كيف كان فرحان وفي ثواني راح الفرح و يحكون على صياح اخته
مطلق بضحكه : خالد وش طرا لك تعزم سعود معنا
خالد : يا اخوي رحمته مسكين
نط سعود من الفرحه وهو الجوع ما كله يحب فوق راس خالد وصوت بطنه يقرقر والعيال يضحكون
خالد : اسمع يا سعود لاتنسى وش سويت فينا وحن ما سوينا مثل سواتك بالعكس حنا رحبنا بك و ما رديناك مثل ما رديتنا
سعود :والله اني اسف وحقك علي يا اخوي
مطلق جلس ساكت وهو يفكر في مناير
_____عند البنات______
جلسو يسولفون وياكلون البنات بعد العب وشوي ويسمعون صوت جوال وعد وهو يدق شافت وعد جوالها وحطته مشغول وشوي ودق جوالها مره ثانيه وأخذت وردة
وعد : نعم وش تبي مزعجني
سعود : كيفك يا وعودي
وعد : اخلص وش تبي دام فيها وعودي هاذي
سعود : انا جايع اعطيني اي شيء
وعد كانت بترفض لاكنها يوم سمعته يقول اي شيء قالت بتعطيه حب دوار الشمس وتضحك عليه وقفلت المايك وقالت ل مناير تصور العيال علشان بعدين يشوفون ردة فعلهم
وعد : أي شيء
سعود : ايه
وعد : خلاص تعال تحت البلكونه
سعود : ابشري
وراح سعود وهو طاير من الفرحه ويحقر خالد ومطلق
سعود :يلا روحو اطلبو اختكم
دقت عليه وعد ورد والعيال يناظرون له وما يفصل بينهم كثير ويسمعون صوت وعد
وعد : سعود حط جوالك على الاسبكر واحط الجوال في الارض علشان تسمعني
ونفذ العوده كلامها
وعد: شمر ثوبك وارفعه من تحت علشان تمسك الاكل
سعود : اوه شكله اكل كثير
وعد : ايييه
ورمت فوقه حبة دوار الشمس وجلسو يضحكون على ردة فعله
رغد : حرام عليك يا وعد
وعد : حرمتي في دينك
شوي ويدق جوال مناير و عرفو انه خالد
وعد : اذا طلبتك اكل ارفضي امانه
مناير بتسليك : انشاءالله
ردة مناير على خالد
مناير : لبيه بغيت حاجه
خالد : لبيتي حاجه ابد بغيت منك تعطيني اكل جايع انا ومطلق و سعود
مناير : ابشر ياخوي تعال عند الطاقه المجلس وبعطيك صينية مكرونه ب بشميل حلو
خالد : ايه حلو
وتأخذ وعد الجوال من يد مناير
وعد : مافي يا خالد مع نفسك تسوي لك
خالد : مناير حبيبتي ابعدي هاذي الخبل من الجوال
وعد : انطم لا اجيك انا خبل
مناير : بنت خلاص اهجدي يلا اسويها واناديك
خالد : خلاص بس تسوينها ناديني
مناير : ابشر
وقفلت وناظرت بسرعه لوعد وهي تضحك
مناير بضحكه: انتي خبل فيك شيء
وعد : ايه خبل وش عندك
قامت مناير للمطبخ سوت مكرونه على السريع وحطت خلطت البشمل وحطتها في الفرن ودقت على خالد
مناير : خلود ( دلع لخالد )
خالد : لبيه
مناير : تعال خذ المكرونه جاهزه
خالد : يلا جاي
مناير : اسمع انتو بس ثلاثه صح
خالد : ايه بس ثلاثه
مناير : يلا انتظرك
قفلت ونزلت للدور الثاني وراحت لمجلس الرجال وحولت تطلع الصينيه مع الطاقه ولا قدرت وشافت يد
مناير : خالد تعال من الباب مقد اطلعها من هنا
طبعا مناير ما شكت انه غير خالد لان خالد بطبعه هادي وراحت للباب وجلست تفتح الباب بشويش لانه حديد ويطلع صوت واول ما فتحت الباب دخل مطلق للبيت ومناير خافت منه لان جسم خالد و مثل جسم مطلق ومسكها مطلق
مطلق : انا مطلق ياخبل
مناير ارتاحت يوم عرفت انه مطلق وجلست تناظر فيه
مناير : وين خالد
مطلق : مع العيال ليه ؟
مناير : لا بس استغربت انه مو هو الي جاء
مطلق بصوت خافت والندم واظح فيه : زعلانه مني ؟
مناير حن قلبها عليه وعلى صوته واستغربت ليه يسألها اذا هي زعلانه منه او لا : لا لا يا عيون اختك
مطلق : طيب ليه يوم دخل ابوي علينا ما ناظرتي حتى فيني
مناير توها افهمت السالفه وتذكرت ملام ابوها
مناير : اها علشان كذا ( وجلست على الارض ) اسمعني اول يابو رعد
مطلق ابتسم يوم شافها جلست بالأرض ونادته بأبو رعد
( جلس مطلق مثلها على الارض )
مطلق : سمي يا بنت منيره
وقالت له منيره كل الي قاله لها ابوها وانها مثلت الزعل علشان ابوها ما يشك
مطلق بابتسامه ضمها لصدره : علشان كذا والله اني خفت انك زعلتي
مناير : لا وش دعوه ، اسمع صح انك بتطلعنا البر علشان تراضي وعد
مطلق : ايه والله مع أن ذيك الملسونه ما تستاهل
مناير : والله انها طيبه لاكنها تبي تطلع قويه علشان ما احد يستغل طيبتها
مطلق : ادري وادري ان البنات احن من الرجال بمية مره وتراني ما امزح معها إلا لاني اعرفها زين يعني انا ما اقدر امزح بدو او بدريه وهم بنات عمي مثل ما امزح معها صح
مناير : صح
شوي الا ويدخل عليهم خالد
خالد : لا نفداك اجلسو زياده ابد ماني ميت جوع انا وسعود والبرد مو ما كلنا ترا
شوي ويدخل العم عبدالرحمن
عبدالرحمن: ودكم احط عندكم المكرونه تاكلونها مره وحده
مطلق : وانت وش دخلك انت مو ماكل معنا
عبدالرحمن بحده : استح على وجهك ياولد انا عمك
مطلق قام بسرعه ويمثل الخوف و الرجفه
مطلق : اسف يعمي ( شوي وتغيرت ملامح مطلق للاستهزاء )
اقول بس وخر من قدامي وين سعود
شوي وسعود يبي يدخل
مطلق : وين وين يالطيب محارمنا غط عيونك
سعود بفهاوه : انت ناديتني
مطلق بمزح : بس ماقلت لك ادخل خلاص شفته الله لا يوفقك شفته علي الطلاق اني لا اذبحك
سعود : يا ولد استهدي بالله ما له داعي كل ذا
مطلق : يعني فوق ما عادني ما قد تزوجت تبيني اتزوج وأطلق علشانك خلني اذبحك افضل لي
سعود : طيب خلني اكل بالأول بعدين اذبحني
مطلق ناظر حوله ما لقى العيال
مطلق : وين العيال راحو
عبدالرحمن : دخلو ينامون
خالد : يالله ياخي جايع
صقر : اما انا ابغى انا ماني فاضي لكم
وراح صقر ينام وهو رايح لفراشه لقى مناير ميته ضحك على الارض
صقر : يا مطلق تعال شف اختك ماتت على الرض من الضحك وجلس صقر يضحك على مناير الي تتدحرج على الارض وماسكه بطنه من الضحك
دخل مطلق وخالد وعبدالرحمن وشافو مناير وراحو معها في الارض شوي ويسمعون صوت ضحك بنت من الصاله وضحكت البنت تضحك وقامو كلهم اضحكوا وسعود عند الباب يضحك منهم شوي ويطلع عليهم الجد ابو رعد بالعصا وشافت مناير واشر لها تسكر باب البيت وقامت وسكرت الباب والعيال انصدمو وشافوها تهرب ويجي من وراها جدهم بالعصا والي يصيح
مطلق : والله يجدي انه عبدالرحمن
عبدالرحمن : انا يكذب كذابه انه صقر ( وجاء يبي يأشر على صقر شافه نايم في فراشه )
الجد ابو رعد : وتكذب علي يا عبد الرحمن هاذي آخر تربيتي فيك
وضرب الجد عبدالرحمن واول ما ضرب عبدالرحمن هربو كلهم حتى عبدالرحمن ومطلق فوق الكنب ومعه مخده ويحطها في وجه جده
مطلق : تفكى ياجد تفكى ( طبعا هاذا مو خطأ املائي يمديكم تقولون انه من الخوف معرف وش يقول )
وخالد الي يدور وكلما دار دعس صقر
وصقر حابس الضحكه وعبدالرحمن ورا مطلق وضربها الجد كل واحد ثلاث ضراب وجا دور خالد
كان خالد في امان الله يدور ورافع ثوبه ويصيح كذا فجاءه لقى جده في وجهه وعلى يمين جده عبدالرحمن ويسار الجد مطلق
الجد ابو رعد: مطلق عبدالرحمن امسكوه
وخالد ماحس بنفسه الا ومطلق وعبدالرحمن فوقه وميت ضحك والجد ضربه وبعدها ضرب مطلق وعبدالرحمن مره ثانيه
مطلق : افا ياجد ليه تضربنا مره ثانيه
الجد ابو رعد: علشان المره الثانيه تعرفون كيف تغدرون خويكم
وقام خالد وطلع لسانه ويضحك ولف عليه الجد يبي يضربه وركض وطاح فوق صقر
صقر : اااااه قم قم نقمه تنقم ضلعك
صقر ما كان يدر انا جده وراه
صقر : انا اهرب من جدي وانت جاي تكسر ضهري و ماحس بنفسه الا وتجيه ذيك الضربه من الجد والجد جلس يضربهم الى ان تعب
الجد ابو رعد: وجع ما يخلون الواحد ينام زين
واول ما راح جلسو العيال يضحكون على أشكالهم شوي ويجيهم واحد يطق الطاقه قام مطلق فتح الطاقه الا ويلاقي سعود في فمه ملعقه ويقول
سعود : اه الطاقه الغلط على بالي جولييت
مطلق : اوه روميو
سعود : جوليت جوليت
خالد دف مطلق وجاء مكانه
خالد : افا يا ذا العلم وذي اخر بلاويك تجي مع الطاقه تعال وادخل مع الباب واجلس كلم حبيبتك
سعود بضحكه : افتح افتح الباب
فتح خالد الباب لسعود وهم يضحكون وجلوس ياكلو المكرونه
_____عند مناير_____
مناير اول ما هربت من عند العيال صقعت في وعد الي كانت موجوده وسمعت كل شيء صار وهي ميته ضحك مناير اول ماشافتها اخذت جوالها وراحت تصور العيال وهم ينجلدون
ورجعت لوعد وهي ميته ضحك وطلعت عند البنات وورتهم المقطع وماتو ملهم من الضحك
مناير : الا امل وين مقطع اليوم حق الجبيل
امل ايه لحظ واعطتهم امل المقطع وجلسو يضحكون على أشكالهم وبعد هروبهم شافو امل وهي تنزل مع الدرج
مناير : عادك تصورين
امل : ما استوعبت الا لما وصلت البيت
وشافو اشكالهم وهم طالعين من ورا الضيافه وماتو ضحك
مناير : ايه صح بنات ترا مطلق يقوله انه يبي يطلعنا البر بعد ثلاثة أيام العيد وهاذا اليوم الثاني وبكره الثالث وبعد الثالث بنطلع للبر
البنات بصوت واحد : ييسسس
مناير : بنات تعالو في السطح
وقامو البنات يروحون للسطح وشافو السمعات وشغلوها وجلسو يضحكون الي اول ما سمعو شيلة قبيلتهم انقزو كلهم يغنون ويرقصون ويغنون بصوت عالي و واحد
اضرب بعرض نجيك طول
في ذمتي انك ما تضيق
(وبصوت اعلى من الي قبله)
قحطاان قحطان الوفاء
قحطان سيسان الفخر
قحطان قومن بالوفاء
والطيب والطالة ربو
وجلسو يشغلون اغاني ويرقصون ويلعبون وكل وحد اخذت أغراضها وهم نازلين راحت مناير تفتح الباب واول ما فتحته لقت حمارين وسكرت الباب بسرعه والبنات خافو او ما شافو الحمار
عزيزه : وش بنسوي كيف بنطلع
وعد : عادي يا بنت الحلال خلونا نطردها مثل ماكن نسوي وحن صغار
مناير : ايه والله و وعد صادقه وخلونا نعلم امل وعزيزه دام انهم ماكانو معنا وحن صغار
وعد : ايه والله قدام
راحت مناير تجيب عصي علشان يطردون الحمير وكل وحده البست عبايتها وشيلتها و البرقع بيدها بحكم انه كل العيال
مناير : انا ابغى الحمار البيض بلبسه وازينه واحط بالعزبة حقتنا الله والله انه يجنن
وعد : وانا الحمار الاسود انتبهو له
نامو و راحت مناير و وعد وبدور يطردون حمار و رغد وبدريه على الحمار الثاني ويجون مناير و وعد وبدور
نزلو حمارهم اما بدريه و رغد عاد حمارهم يتمشى ويروح الحمار عند باب بيت ابو مناير ويحصرونه رغد وبدريه بالعصا وفجاءه تفتح باب البيت الهنوف ومعها عصى اول ما شافت الحمير وقفت الحمار على جهة رغد و صاحت رغد وجلست تركض والحمار وراها يلحقها و البنت تركض اقوى ما عندها وأمل و عزيزه يصيحون وفي ذا الوقت مناير و وعد و بدور نزلو الحما حقهم وسمعو صياح رغد وركضو وشافو رغد تركض بجهة امل و عزيزه و يصيحون عليها لا تجيهم وترفع عزيزه يدها لوجها و امل جلسة بالأرض تضم ركبها وتصيح وتجمدو ذولا الثنتين وراحت مناير و وعد ركض لهم وهم ميت ضحك ويطردون الحمار و طاحو عند باب البيت ضحك و عزيزه عادها خايفه مع هاذا اجلست تضحك ورغد كانت ميته خوف وترجع وتتذكر كيف الحمار جلس يلحقها واما امل عادها متجمده و مو مصدقه الي صار والبنات ميتن ضحك على أشكالهم وراحت العمه الهنوف بيتها
مناير : الله لا يوفقكم حماري الأبيض المزيون راح
وعد : وانا حماري الاسود يحسبني عليه
امل : انتو همكم حميركم وحن خايفين نطلع للبيت
رغد : والله ما اطلع لبيت جدي
وعد : يا بنت الحلال تعالي انا معك
امل : حبيبتي وعد حتى انا ماني طالعه
عزيزه : ايه والله حتى انا لو طلع لنا حمار ثاني تبيني اموت
رغد : مناير حبيبتي قومي واحد من خوانك يطلعنا
امل وعزيزه : ايوه ايوه نفداك
مناير : طيب لحظه
وتدخل مناير وتشوف كيف اخوانها نايمين الا وتشوف معهم معهم سعود وقامت تضحك على أشكال نومهم وطلعت على طول وأخذت عبايتها وشيلتها و برقعها علشان لاقام سعود دخلت مناير
على العيال وراحت عند مطلق
مناير بصوت خافت بحيث ما يسمعها الا مطلق : مطلق قوم
مطلق : مناير وش فيك قايمه الحين
مناير : والله ياخوي لقينا حمير وطردناها والبنات خايفين يطلعون ويلاقون حمير وما عندنا الا انت بالله قوم وصلهم
مطلق : ابشري بس قولي لهم يلبسون وادعيني
مناير : يلا
راحت مناير للبنات و قالت لهم يتغطون وان الي بيوصلهم مطلق
مناير : مطلق يلا تعال
طلع مطلق وعند الباب
وعد : اسمعو غيرت رأيي
مطلق : في ايش غيرتي رايك
وعد : مالك شغل ، بنات غيرت رأيي بنام مع مناير
مطلق طلع السانه: ماني مهتم اصلا
مناير بحماس : تتتم
رغد : خلاص بقول لأمي لشفتها قايمه
وراحو البنات و مناير و وعد افرشو فرشهم بالبلكونه ومطلق رجع نام وسكر باب البيت ونامو كل اهل الحاره

وعد : مناير بنت نمتي
مناير : ها
وعد : نمتي
مناير : ايه وش تبين
وعد : جايعه
مناير : وانتي بغي تاكلين نامي نومك بقعى
وعد : طيب جايعه
مناير بعصبيه : خذيلك من المطبخ
وعد : كنت امزح ماني جايعه بس ابيك تسولفين معي
مناير بلا رد
وعد: انا الغلطانه انام معك ، طيب الحين حماري الاسود وش صار فيه
مناير قامت وبكت وبكت معها وعد وبدت عليهم ام مناير
مناير : راح راح حماري الأبيض
وعد : وانا لولي ولدي راح
لفت مناير على وعد
مناير : من ولدك
وعد ببكي: حماري الاسود
منابر : ااااه ياعيال راحو مني
وجلسو على ذا الحال إلى أن نامو