Wonderful Promise

Ep 5 (Z)

ထည်ဝါ အိမ်ပြန်ရောက်လို့ ရေချိုးပြီးကတည်းက ခုတင်ပေါ်မှာ မှောက်ကာ ခုထက်ထိ မတည်ငြိမ်နိုင်သေးသော စိတ်တို့ကို ထိန်းချုပ်နေရသည်။

ကိုကို...

ကိုကိုက တကယ်ကြီးပြန်ရောက်လာခဲ့သည်။ အမှန်တိုင်း ဝန်ခံရလျှင် ကိုကိုဆိုတာ ထည်ဝါ US မသွားခင်အထိက ထည်ဝါ့အိမ်မှာ အဒေါ်တွေ စနောက်စရာ နာမ်စားတစ်ခု... ထည်ဝါ့အံဆွဲထဲက ကိုကို့ဓာတ်ပုံဟာ ဖေဖေ့ကို စနောက်စရာ ပစ္စည်းတစ်ခုထက် မပိုခဲ့ပါ။

သို့ပေမဲ့ US ရောက်တော့ တက္ကသိုလ်ကျောင်းသား သဘာဝ ထည့်ဝါ့ကိုချဉ်းကပ်လာကြသည့် ကောင်လေး ကောင်မလေးတွေ ရှိလာခဲ့သည်။ ထည်ဝါကလည်း သူငယ်ချင်းတွေနှင့်အတူ လူငယ်သဘာဝ date ကြတာမျိုးတွေရှိခဲ့ပေမဲ့ တကယ့် serious relationship ကိုသွားဖို့အတွက်က ထည်ဝါ့လည်ပင်းမှ စိန်လက်စွပ်သေးသေးလေးက အမြဲတမ်း အဟန့်အတားတစ်ခုလို ဖြစ်ခဲ့ရသည်။

ဝီလျံနှင့် တေဇတို့က ကောင်မလေးတွေထည်လဲ တွဲနေကြသော်လည်း ထည်ဝါက ဘယ်သူနှင့်မှတွဲချင်စိတ်မရှိခဲ့ပါ။ အကယ်၍ ကိုကိုသာ တကယ်ပြန်ရောက်လာခဲ့ပါလျှင် ဆိုသည့်အတွေးက ထည်ဝါ့ကို အမြဲတွေဝေစေခဲ့သည်။ ကလေးဘဝက Promise ဖြစ်၍ မေ့မေ့ပျောက်ပျောက်နှင့် မတည်နိုင်ခဲ့လျှင်လည်း အပြစ်တင်မည့်သူ မရှိလောက်ပေမဲ့ ထည်ဝါက ထို Promise ကို မှတ်မိနေခဲ့သည်။ မှတ်မိနေရခြင်း အကြောင်းရင်းကလည်း အဒေါ်တွေက ကိုကိုနှင့်ပတ်သက်ပြီး ဖေဖေ့ကို အမြဲစနောက်နေကြခြင်းကြောင့်ဖြစ်သည်။ ပြီးတော့ ကိုကိုလည်း မှတ်မိနေမည်ထင်သည်။ ထည်ဝါ့ မသိစိတ်ထဲမှာလည်း ကိုကိုက သေချာပေါက် ပြန်ရောက်လာမည်ဟု ယုံကြည်နေခဲ့မိသည်။

တကယ်လည်း ပြန်ရောက်လာခဲ့ပြီ။

ပြဿနာက ခုမှစပြီ။

Promise အတိုင်း လက်ထပ်ရပါမည်ဆိုလျှင် ကိုကို့ကို ထည်ဝါ လက်ထပ်နိုင်ပါမည်လား။

ထည်ဝါ ကိုကို့ကို ချစ်လား မချစ်လား သေချာမသိပါ။ ငယ်ငယ်တုန်းကတော့ ချစ်ခဲ့သည်ဟု ထင်သည်။ ကိုကိုကျောင်းကို ရောက်မလာတော့တုန်းက ထည်ဝါငိုခဲ့သေးသည်။

ထည်ဝါ ဘောင်းဘီအိပ်ကပ်ထဲမှ ကိုကို ပေးလိုက်သော unicorn အရုပ်ကလေးကို ထုတ်ကြည့်ပြီး တွေးမိသည်။