Fic Starting Date- 24/02/2023
မှန်အပြည့်ကာရံထားသော ရုံးခန်းနံရံမှ လှမ်းမြင်နေရသည့် ရွှေတိဂုံစေတီတော်မြတ်ကြီးကို ကြည့်ပြီး ငြိမ်း ရင်ထဲမှာ ချမ်းမြေ့နေရသည်။
"မဟာကြည်ညွှန်း လုပ်ငန်းစု" က ဒီမြေနေရာကို ဝယ်ယူပြီး အထပ်၂၀ အဆောက်အဦဆောက်လုပ်ပြီးစီးခဲ့တာ မကြာသေးပေ။
So sweet က "မဟာကြည်ညွှန်း" ရဲ့ CEO နေရာကို လွှဲပြောင်းယူခဲ့ပြီးနောက်မှာ "မဟာကြည်ညွှန်း Trading " ကို "မဟာကြည်ညွှန်း လုပ်ငန်းစု" ဟုအမည်ပြောင်းလဲခဲ့ပြီး ငြိမ်းရဲ့ "N Asia Forwarding " ကိုပါ သူ့လုပ်ငန်းစုအောက်ထဲ ပေါင်းထည့်ခဲ့သည်။ထို့နောက် ရှယ်ယာရှင်တွေ ဖိတ်ခေါ်ပြီး ဆောက်လုပ်ရေး လုပ်ငန်းများအပြင် နိုင်ငံအနှံ့ 24 hours mini mart ဖွင့်နိုင်ရေး လုပ်ငန်းတွေဘက်ကိုပါ ခြေဆန့်၍ လုပ်ငန်းတိုးချဲ့ခဲ့သည်။
"မဟာကြည်ညွှန်း" အဆောက်အဦကြီးရဲ့ အထပ် ၂၀ လုံးမှာ လုပ်ငန်းစုအားလုံးရဲ့ ရုံးခန်းတွေကို တစ်စုတစ်စည်းထဲ ထားရှိပြီး ဝန်းထမ်းပေါင်းများစွာကို အလုပ်ပေးထားနိုင်ခဲ့သည်။
အလုပ်လောဘကြီးလွန်းသော So sweet က အလုပ်တွေရှုပ်နေတတ်သော်လည်း မိသားစုကို အချိန်ပေးဖို့တော့ မမေ့လျော့တတ်သဖြင့် ငြိမ်းက ကျေနပ်ရပါသေးသည်။
"အစ်ကို"
So sweet က ငြိမ်းရုံးခန်းထဲဝင်လာပြီး ငြိမ်းရဲ့ စားပွဲပေါ်မှာ ဝင်ထိုင်ကာ နဖူးကိုငုံ့နမ်းလာသည်။ ဒါက သူ အစည်းဝေးတစ်ခုခု တက်ရတော့မည်ဆို လုပ်နေကျအလုပ်။ So sweet က ကြီးကြီးမားမား ဆုံးဖြတ်ချက်ချစရာ စိတ်ရှုပ်စရာ အစည်းဝေးတွေတက်ရတော့မည်ဆိုလျှင် ငြိမ်းဆီအရင်ရောက်လာပြီး ငြိမ်းနဲ့ စနောက် စကားပြောရင်း ထွေးထွေးပွေ့ပွေ့နေတတ်သည့် အကျင့်ကစွဲနေပြီ။ သူ့အပြောကတော့ ငြိမ်းဆီက ထိုသို့အကြည်ဓာတ်လေးလာယူပြီးမှ အရာရာကို Positive vibe တွေရပါသတဲ့။
"So sweet ဒီနေ့ meeting ရှိတယ်လား"
"အင်း... နောက်တစ်နာရီမှ"
"လာ ဆိုဖာပေါ်သွားမယ်"
"အဟင်း...ဘာလုပ်ရမှာလဲ"
YOU ARE READING
Wonderful Promise
Romance(Myanmar Boy Love Fiction-OC) Match Made In Clouds (ကြည်ညွှန်း Family) ရဲ့ Season 2 ပါ Match Made In Clouds ကို အရင်ဖတ်ပြီးမှ Wonderful Promise ကို ဖတ်ပါ ဒီဇာတ်လမ်းလေးမှာတော့ မိသားစုကြီးရဲ့ နွေးထွေးမှုတွေနဲ့အတူ Youtuber ဆယ်လီလေး Wonderful နဲ့ သူ့ က...
