" ဒီနေ့က Friday individual test ဆိုတော့ မျက်နှာတွေကို ကြည့်ပါဦး ။ ကျောင်းကန်တင်းက Doughnut လောက်တောင်မကျန်တော့ဘူး "
lecture hall သို့ တက်ကြွစွာ ဝင်လာသော ဆရာမသည် မျက်နှာများ မှိုင်ထွေနေသော ယူဂျင်းတို့ အဖွဲ့ကို လှမ်းနောက်နေသည် ။ မျက်နှာမကောင်းတာကတော့ ယူဂျင်းတို့တင်မဟုတ်ပါ ။ တစ်ခန်းလုံးနည်းပါးပါပင် ။
လစဉ်လတိုင်း နောက်ဆုံးအပတ်၏ သောကြာနေ့တိုင်းဟာ သူတို့အတွက်တော့ ခေတ်သစ်ငရဲဟု အမည်ပေးထားသော ရက်တစ်ရက် ဖြစ်သည် ။ တစ်လစာ လူတွေ့ စစ်ဆေးသော စာမေးပွဲ ရှိ၍ မည်သူမျှ မပျော်ရွှင်နိုင်သော သောကြာနေ့ဆိုလည်း မမှားပါပေ ။
သည်တစ်ခေါက် စာမေးပွဲ၏ အမှတ်ပေးစည်းမျဉ်းကလည်း Premium level မို့ ခါတိုင်းလို မိမိသဘောကျ သီချင်းရွေးခွင့်လည်း မရှိပါချေ ။ ဆရာမကိုယ်တိုင် ကျပန်းရွေးပေးထားသော ဂန္တဝင် သီချင်းကြီးတွေကို ရက်ပိုင်းအတွင်း လေ့ကျင့်ထားပြီး မည်မျှ အမှားနည်းနည်းနှင့် ပြန်တီးပြနိုင်သလဲကို စစ်ဆေးခြင်းဖြစ်သည် ။ ထို့ကြောင့် ကျောင်းသားတိုင်းက အနည်းဆုံး သုံးမိနစ်စာ မှ ငါးမိနစ်အတွင်းရှိသော သီချင်းတွေကို အမှားအယွင်း မရှိဘဲ ချောချောမွေ့မွေ့ တီးခတ်ပြနိုင်ဖို့ကအရေးကြီးဆုံးပါပင် ။
သို့သော် အကဲဖြတ်ပေးမည့် ဆရာများထဲတွင် ဝါရင့် စန္ဒရားပညာရှင်တွေရှိနေမှာ ဆိုသော အသိက မူလတန်းကလေးဘဝကတည်းက စန္ဒရားရှေ့မှာ ကြီးပြင်းလာသည့် ယူဂျင်းအတွက်တောင် စိတ်လှုပ်ရှားစရာအတိ ဖြစ်နေသည် ။
အဖွဲ့ ဖွဲ့ပေးထားပေမဲ့ တကယ့် အမှတ်ပေးရာမှာတော့ တစ်ယောက်ချင်းစီ တီးပြရသည်မို့ မိမိအဖွဲ့မှ သူငယ်ချင်းတွေကိုလည်း အားကိုးလို့မရပြန်ပေ ။ အဖွဲ့ သတ်မှတ်ထားသော သဘောဟာ မည်သည့်အဖွဲ့ဟာ မည်သည့် ဆရာဆီမှာ အကဲဖြတ်ခံရမည် ဆိုသည့် ရွေးချယ်မှုအတွက် ဖွဲ့ထားခြင်းသာ ။
" မိုဟာက ကံမကောင်းတတ်ဘူးဟ ။ သူနဲ့ တစ်သင်းတည်းကျရတာ ငါတို့ပါ ဘူတော့မယ် "
YOU ARE READING
My Blue : 규진
Fanfiction김규빈 한유진 Arranged by Dalkomham_shots Start : 9/3/2023 Published date : 12/3/2023 End : 30/7/2023 ( 12:10 a.m. ) Book Cover - ARTIST : Uhmericano
