၂၀၁၅ ခုနှစ် ။
" ညတောင် နက်နေပြီပဲ ကိုကို .. ပြန်တော့မှာလားဟင် "
ဘယ်ဘက်လက်ကောက်ဝတ်မှ လက်ပတ်နာရီလေးကို ချွတ်နေရင်း သူ လှမ်းမေးလိုက်သည် ။ ကိုကိုဟာ သူနှင့် မဝေးလှသော မျက်နှာချင်းဆိုင်တိုက်မှာ နေသူဆိုသော်လည်း အမှန်တော့ မပြန်စေချင်သေးပါ ။ ကျောင်းစာတွေ ၊ သင်တန်းတွေနှင့် လုံးပန်းနေကြရသူချင်းမို့ သူတို့မှာ ငယ်ငယ်ကလို အချိန်ပြည့် တွေ့ချင်တိုင်း တွေ့ခွင့်မှမရှိတော့တာလေ ။
ပိတ်ရက်မှာတောင် အထက်တန်းကျောင်းသားကြီး ဖြစ်သော ကိုကို့အတွက် အချိန်ဇယားတွေဟာ မနည်းမနော ။ သူတို့ဟာ အတန်းလည်း မတူကြသလို ကျောင်းချင်းလည်း မတူကြသူတွေဆိုသည့်တိုင် အဆက်အသွယ်မပြတ်အောင် ကြိုးစားပေးနေသော ကိုကို့ကို ကျေးဇူးတင်ရပါမည် ။ သူကိုယ်တိုင်သည်လည်း ကိုကို့အပေါ်မှာ ဘယ်တုန်းကမှ စိမ်းကားမသွားဘဲ အချိန်ကြာလာသည်နှင့်အမျှ ပိုလို့တောင် တွယ်တာလာသည် ။
ယနေ့လို သောကြာနေ့ ညနေမျိုးဆိုလျှင် ကိုကိုဟာ ယူဂျင်းတို့အိမ်ကို သေချာပေါက် ရောက်လာတတ်သည် ။ သည်လိုမှ မဟုတ်လျှင်တော့ တစ်ခါတလေ ယူဂျင်းက ကိုကို့အိမ်ကို ရောက်သွားတတ်တာမျိုးလည်း ဖြစ်နိုင်သည် ။
သည်ရက်ပိုင်းတော့ ကြားရက်တွေမှာပါ ကိုကိုတစ်ယောက် သူ့အိမ်ကို ရောက်လာတတ်လို့ အံ့ဩနေရသည် ။ ကျူရှင်ချိန်တွေကိုလည်း အပြည့်မတက်ဘဲ ခွင့်ယူနေပုံရပါသည် ။ ကိုကို့မှာ အခက်အခဲတစ်ခုခုများရှိသလားလို့ စိတ်ပူနေရသေး၏ ။ သူ့ဘက်က မေးကြည့်တိုင်းမှာလည်း ကိုကို့ အဖြေဟာ ဘယ်တော့မှ မရေရာ ။
နောက်ပြီးတော့ ကိုကိုက ပြောတတ်ပါသေးသည် ။ ယူဂျင်းတို့အိမ်က သူ့အိမ်ထက် အများကြီး ပိုအေးချမ်းပါသတဲ့လေ ။ ထိုသို့ပြောတိုင်းလည်း ကိုကို့ဘက်က စကားလွှဲလိုသည်ဟု ယူဆ၍ ယူဂျင်း ဘာမှ ထပ်မမေးဖြစ်တော့ပေ ။ မယုံသင်္ကာ ရယ်ပြလေ့ရှိပြီး ခေါင်းခါရင်း ကိုကို စိတ်သက်သာရာရသလိုလေး နေပါစေဟုသာ တွေးဖြစ်ခဲ့သည် ။ အမှန်ဆို ကိုကို့အိမ်က အများကြီး ပိုတိတ်ဆိတ်ပြီး ပရိဘောဂများလည်း စုံလင်သည်မဟုတ်လား ။
YOU ARE READING
My Blue : 규진
Fanfiction김규빈 한유진 Arranged by Dalkomham_shots Start : 9/3/2023 Published date : 12/3/2023 End : 30/7/2023 ( 12:10 a.m. ) Book Cover - ARTIST : Uhmericano
