" အကယ်၍များ ကိုကိုသာ ကျွန်တော့်နေရာမှာဆို ဒီလိုအချိန်မှာ ချစ်တယ် ဆိုတဲ့ စကားကိုကြားရရင် ယုံနိုင်မယ်ထင်လား "
ယူဂျင်း မြင်ရခဲသော ကိုကို့ပုံစံကို မျက်စိရှေ့တွင် ရှင်းလင်းစွာ မြင်နေရသည် ။ မျက်ရည်မလွယ်တတ်သူ၏ မျက်ရည်တို့ မွတ်သိပ်နေသော မျက်ဝန်းညိုများကို မြင်ရသောအခါ ယူဂျင်းမှာ အသည်းမာချင်ယောင်ဆောင်ထားကာ မျက်ရည်ကို ထိန်းထားရပေမဲ့ နှလုံးသားက နာသည် ။
" ဖြေလေ ကိုကို "
ကိုကိုဟာ ဘယ်နှကြိမ်မြောက်မှန်းမသိသော သက်ပြင်းကို ချပြီး ခေါင်းငုံ့ကာ ဖြည်းဖြည်းချင်း ခေါင်းခါပြသည် ။
" ဒါဆို ကျွန်တော် သဘောထားမကြီးနိုင်တာကို ခွင့်လွှတ်ပေးပါ ။ ကျွန်တော့်မှာ ကိုကိုနဲ့ သူငယ်ချင်းအဖြစ်ဆက်နေဖို့လောက်အထိ သတ္တိမရှိဘူး "
ယူဂျင်း၏ စကားအဆုံးတွင် ကိုကို့ မျက်ဝန်းများ အရောင်ပြောင်းကာ စိုးထိတ်သွားဟန်ရှိသည် ။ ဝတ်စုံ၏ အိတ်ထောင်ထဲမှ အနက်ရောင် ကတ္တီပါဘူးကို ကတိုက်ကရိုက် ထုတ်နေပုံဟာ အရာရာတွင် အေးဆေးတည်ငြိမ်နေတတ်သော ကိုကိုနှင့် မတူတော့ဘဲ စိတ်ခံစားချက်များ အစွန်းတစ်ဖက်သို့ ရောက်နေခဲ့သလို မြန်ဆန်လွန်းသော အသက်ရှူသံများကိုပါ အတိုင်းသား ကြားနေရသည် ။
အနက်ရောင် ကတ္တီပါဘူးလေးထဲမှ ဆင်တူ လက်စွပ် နှစ်ကွင်း ။ HYJ နှင့် KGV ဟူ၍ ထွင်းထားသော ငွေမှင်ရောင် စာလုံး အက္ခရာများ ။
ညချမ်း၏ လေတွင် ဖုန်မှုန့်များ အဆမတန် ကပ်ငြိနေခဲ့ပုံရပါသည် ။ ယူဂျင်း ဆက်လက် ဟန်ဆောင်၍ မရတော့သည့်နောက် အောက်နှုတ်ခမ်းများကိုသာ ခပ်ကြမ်းကြမ်းကိုက်ခဲထားမိသည် ။ စိမ့်ထွက်လာသော မျက်ရည်တို့ဟာ နာကျင်နေသည့် ဝဲဘက်ရင်အုံမှ အရင်းခံသည် ။
" ကိုယ်မင်းကို လွန်ခဲ့တဲ့ ၁၀ နှစ်ကတည်းက ချစ်ခဲ့တာ ယူဂျင်း "
ယူဂျင်းသာ ထိုစကားကို အချိန်နာရီပိုင်းလောက် စောသိခွင့်ရခဲ့လျှင် အခြေအနေတွေ ပြောင်းလဲသွားနိုင်သည် ။ အနည်းဆုံးတော့ ကိုကို သူ့ကို ချစ်နေကြောင်း ရာနှုန်းပြည့် ယုံကြည်နိုင်ခွင့်ရှိလိမ့်မည် ။
YOU ARE READING
My Blue : 규진
Fanfiction김규빈 한유진 Arranged by Dalkomham_shots Start : 9/3/2023 Published date : 12/3/2023 End : 30/7/2023 ( 12:10 a.m. ) Book Cover - ARTIST : Uhmericano
