وعكة حب

الحلقة الاولى

وعكة حب

برايسيسا

الفصل الأول ~ قلوب قاحلة

1984/12/21

فأحد المستشفيات المتواجدة فالدار البيضاء.. و بالضبط فداخل غرفة التوليد.. المصباح على الرغم من لونو الأبيض إلا أنه طغا على الجو برمادية غامقة مخلي ديك اللمسة من الكآبة تغطي على الأجواء..

فوق سرير أخضر كايتسمع منو داك التكزاز كل ما اهتز.. كانت هاد المرا متسطحة على ظهرها مغطية بتوب أبيض بخطوط رقيييبقة بالأزرق و الأخضر على شكل مكعبات.. و الظاهر أنها فأرهق حالاتها النفسية و العصبية.. كاتتنهد بصوت مسموع من الألم و النفور و الحرقة.. وجهها تكونو فيه قطرات من العرق لي كايلتاصقو و يسيلو على شكل خطوط من الجبهة شاقين طرق متفرعة نازلين معا صدرها لي طالع نازل بصعوبة التنفس كاتشهق و ترجف... شعرها ولا منتوووف و بعض الخصلات لتاصقو مع وجهها.. كاضور راسها يمين و شمال و ترجع ترخي ذاتها على السرير بتنهيدة مسموعة.. و المولدة عند رجليها لي مباعدين كل شوية طل من تحت الايزار و ترجع تشجع فيها باش تزيد تدفع..

سميرة : ااااااعععععععععع.. هممم... ااااااااااااه.... اااااااااااااااااااااااااايييييي.. عععع... عييييييت هوووووف اوووف اوووف اووووف (كاتسوط بالبكا بودها تهز خنجر و تقتل داك الجنين فكرشها على و عسى يحبس من الحركة) ماااااااااا... ممم... ممم... ماا.. مابقيييي... تتشششش.. قاااااادة... اااااعععععع... حيدوووووووه.. حيدوووووووه.... (حركات يديها بيأس) اهئ...اهئ... حيدوووه من كرشي!!!!

المولدة : صبري شوية ألالة و حاولي تدفعي كثر.. (هزات حاجبها) ماشي نتي اللولة ولا اللخرة لي غاتولد!! راه حياتو غاتولي فخطر كبر يلا ماتزاااااادش فالوقت.. ولااا غاااان..

سميرة غير استشعرات أن المولدة غاتضطرها تختار العملية القيصرية و هي تقبح وجهها من فكرة أن بطنها غايتشرح و غايبقا بديك الإمارة مزوق ليها لحمها... لاقات حجبانها بغضب : الله يا ربي اناااااا فاش كاندويييييي!!! هممممم... أاااا ويااااااكم تقطعوووو ليااااا كرشي ولااااااا اهئ ولااااا تجرحوووني على قبلوووو.. اهئ (بألم غمضات عينيها و زيرات على فكها كاتشد على الحروووف) همممممممم ديرووووو أي حاجة من غير الفتيييييح و خرجوووووه... اااااااااااه.. اهئ....اااااااااااااااااااااه.. اووووووف اوووووففففففففف (كاتحاول تتنفس و ترد قوتها لي بدات تاتضعاف)..

الممرضة شدات فيد سميرة و بدات تشجعها... حيت مدة طويلة و هوما كايحاولو معاها تدفع بدون مايلقاو منها جهد مقابل.. خاصة أن هاداك هو موعد ولادتها..

سميرة : اااااااي.... همممم فففففف الله يا ربي تبليييييت بباااااااه و مالقيت فيييين نتهنى منو تا تبليييييت بولدوووووو... هممممم اااااهممممممممممم... اااااااااااي... فففففف... خرجووووووووه..