Unicode
ကားလမ်းမကျယ်ကြီးပေါ်မှာကလေးငယ်တစ်ယောက်ဖိနပ်မပါပဲပြေးလွှားလို့နေသည်။
"အီး..ဟီး...ဟီး..ကြောက်တယ် မေမေရေ ကယ်ပါဦး... ဟီး...ဟီး..ဟီး..."
ကားမှတ်တိုင်တစ်နေရာရောက်တော့ထိုကလေးလေးလည်းအမောဖြေရန် ဝင်ထိုင်လိုက်သည်။
အချိန်အားဖြင့်ည12နာရီထိုးနေပြီဖြစ်၍ လူသူလည်းပျက်လို့နေပြီး အသွားအလာလည်းသိပ်မရှိကြတော့။
ထိုကလေးလေးလည်းကြောက်၍ ကားမှတ်တိုင်လေးမှာထိုင်ကာ ငိုနေတော့သည်။
"ဟင့်...ဟင့်...မေမေရေ သားသားကိုကယ်ပါဦး သားသားကြောက်တယ်..အီး...ဟီး...ဟီး..ဟီး.."
ထိုစဥ်
ကားမဲလေးတစ်စီးလည်းထိုလမ်းမကျယ်ကြီးပေါ်အရှိန်နဲ့မောင်းနှင်လို့လာသည်။
"Jack..မြန်မြန်မောင်းကွာ ငါအရမ်းပင်ပန်းလို့နားချင်နေပြီ..."
"ဟုတ်ကဲ့ပါဆရာ..."
Jungkookတစ်ယောက် အစည်းအဝေးရှိ၍ အိမ်ပြန်နောက်ကြလို့နေသည်။
ကားနောက်ခန်းကနေ အိပ်ချင်ပြေ ဟိုကြည့်ဒီ
ကြည့်လိုက်ကြည့်နေရင်း ကားမှတ်တိုင်တစ်ခုမှာအဝတ်အစားအပြဲလေးနှင့်ဖိနပ်မပါပဲ ထိုင်ငိုနေသည့်ကလေးလေးတစ်ယောက်ကိုတွေ့သွားသည်။
"ဟင်..."
"Jack ကားရပ်လိုက်စမ်း..."
Jungkookလည်း သူ့တပည့်ကို ကားရပ်ဖို့အမိန့်ပေးလိုက်သည်။
"ဆရာ ဘာဖြစ်လို့လဲ.."
Jackလည်းJungkookကားရပ်ခိုင်း၍ ထိုးရပ်လိုက်သည်။
Jungkookတစ်ယောက် ကားရပ်တယ်ဆိုရင်ဖြင့် သူ့တပည့်စကားကိုပြန်မဖြေ ကားတံခါးဖွင့်ကာ ကလေးလေးရှိရာစီဆင်းသွားတော့သည်။
"ကလေး ဘာလို့ ဒီမှာတစ်ယောက်ထဲထိုင်ငိုနေတာလဲ မိဘတွေရော မပါဘူးလား.."
Jungkookမေးတော့ထိုကလေးလေးလည်းJungkookကိုမျက်လုံးဝိုင်းလေးတွေနဲ့မော့ကြည့်နေတော့သည်။
"ကလေး ဦးဦးမေးတာဖြေလေ တစ်ယောက်ထဲဘာလို့ထိုင်ငိုနေတာလဲလို့ ကလေးမိဘတွေရော ဘယ်မှာလဲ.."
