وفاء: يلا يمه حبيبتي قومي لا نتأخر اخوانك وابوك قامو
ملاذ: تكفين يمه ابغى انام شوي بس شويي
وفاء: اقول قوميي عشان تتجهزين الوقت راح
ملاذ: طيب طيب (وهي لسا نايمه)
وفاء: بنتت قومي لا تضحكين علي
ملاذ: خلاص والله قمت هاه شوفي
وفاء: يلا حبيبتي كلي وتجهزي عشان نمشي بدري ونعاون خالاتك بالتجهيز
ملاذ: ابشري
قامت ملاذ و تغسلت وصلت و افطرت وبدت تتجهز لعزومة بيت جدها كانت جمعة عائلية مهمه ل رجعة حفيدهم و اهله من البعثه بعد خمس سنوات
ملاذ: يمه عجزت وش البس.. بيجون ناس البس فستان ولا لمه عاديه البس أي شي خفيف ؟
وفاء: لا يمه اليوم عشاء رجعة خالتك وعيالها من المانيا يعني تزيني والبسي احلا شي عندك بيجون كل خوالك وحريمهم بعد
ملاذ: يوه عاد وحشتني خالتي غاليه بشكل ما تتخيلينه
وفاء: اي والله حبيبة قلبي هي كلنا اشتقنا لها
ملاذ: شرايك يمه بذا الفستان ؟
وفاء: ايه مره حلو البسيه
احمد: اي حلو اي بطيخ شذا اللبس الخايس يمه لا تسلكين لها مره ثيابها خايسه
ملاذ: وانت شعندك يالملقوف وش جابك غرفتي اصلاً
احمد: شدخلك جيت عند امي حبيبتي ولا لايكون ممنوع ؟
وفاء: خلاص اهجدو انتم الاثنين لا تتهاوشون الحين
ملاذ: يمه شوفيه يذم لبسي والله انه احلا من وجهه
وفاء: ماعليك منه وش فهمه بالموضه والسنع
احمد: افااا يمه تقولين علي كذا
ملاذ: وما قالت شي غلط مالك بالموضه شف ثيابك كيف تفشل
احمد: واضح الي تفشل وانتي كل يومين زارفه من عندي قطعه اظن لو افك دولابك بلاقي ملابسي كلها فيه
وفاء: خلاص انت وهي رح تجهز لا يروح علينا الوقت اذلف بسرعه
احمد: ابشري
وخرج من الغرفه ورجع بنفس اللحظه
ملاذ: نعم وش رجعك
احمد: مالك شغل.. يمه نسيت اقول لك ابوي يقول وين ثوبه السكري الي شراه الشهر الماضي
وفاء: يلاقيه معلق ورا الباب توني كاويته ومعلقته
نزل احمد وقال ل ابوه وراح تجهز و ملاذ و وفاء يتجهزون كمان
بعد ساعه ونص..
حمد: يلا يا عيال يلا الوقت راح ما خلصتو ؟؟
وفاء: جايين يا ابو احمد
حمد: يلا عجلو الوقت بيعدي علينا وتمسكنا زحمة الخط
وفاء: يلا هذاني جيت وملاذ نازله وراي
حمد: يلا ابويه احمد قوم شغل السياره و ودي اخوانك السياره على بال تجي اختك
احمد: ابشر.. يلا محمد جيب ترف معك وانا بشيل خالد
...................................................................
وقت مستقطع عشان لا تلخبطون الشخصيات بعرفكم على السريع
حمد و وفاء متزوجين وعيالهم
احمد الكبير عمره 22 سنه
محمد عمره 20 سنه
ملاذ 19 سنه
ترف 5 سنوات
خالد عمره سنتين
......................................................................
عوده للاحداث....
مشت العائله و وصلو بيت اهل وفاء ونزلو سلمو على الجميع و دخلو كل واحد يعاون ب الي يقدر عليه ملاذ و وفاء زينو القهوه و التقديمات مع بقية البنات وبخرو البيت
احمد عاون الرجال بصب القهوه و تبخير الضيوف
جميله: وفاء كلمتي اختك سألتيها وينهم قربو ولا لسا ؟
وفاء: ايه يمه اختي وئام كلمتها وتقول قربو عشر دقايق وهم واصلين بالكثير
جميلة: زين جهزو البخور الله يسعدكم و قولي ل وداد تجيب لي ريحاني بحط منه بشعري
وفاء: ابشري يمه
بين ريح البخور و اصوات الاطفال الي ملت البيت و السوالف المتداخله دق الباب وقامو كلهم على الصوت وتجمعو على الباب استقبال للدقه المنتظره من بداية اليوم فكو الباب ودخلت وعلت على دخولها التراحيب والغطاريف
جميلة: حي الله نور البيت حي الله الغاليه بنتي غاليه يا هلا ومسهلا
غاليه: هلا فيك يمه ياكثر الشوق لك ولصوتك وريحتك ياجنتي
وباست غاليه امها وسلمت على خواتها وبنات خواتها وكل الموجودين
غاليه: يا الله شكثر بفقدت اللمه ذي و فقدت وجودي معكم صدق ان مالي غناة عنكم ابد ولا يحلا يومي الا فيكم.. ماشاء الله كبرو البنات وزانو وكل وحده فيهم تقول للقمر قوم واجلس محلك يا تبارك الرحمان عليكم
وئام: والله يا اختي اننا فاقدينك كلنا ومبسوطين على رجعتك بالسلامه انتي وبناتك و ولدك
وداد: اي والله يالغاليه اننا فقدناك و فقدنا زولك بهالبيت من سافرتي وانا كل يوم اتصل عليك ولا زاح الشوق
وفاء: فوق نشبتك لها بذا الشكل لسا ناويه تنشبين عز الله الادميه هربت ولاعد رجعت
وداد: وش اسوي ذا من حبي لها
غاليه: خلوها على راحتها بعد عمري هي اخر العنقود يحق لها تتدلل وتنشب حبيبة قلبي
وفاء: ايه حبيها وانا و وئام خلينا
غاليه: يمه منك بنتك بطولك وللحين تغارين من اختك الصغيره.. قدركم غالي بقلبي اكيد
وفاء: إذا الواحد عنده اخت كبيره بحنيتك يحق له يغار العمر كله الله لا يحرمني منك يابعد عمري
وما وقفت سوالفهم ذيك الليه وضحكهم و لعبهم و الفعاليات ورا بعضها ما خلصت
بغرفة البنات
ملاذ: اشتقت لكم يا بنات والله من لمن قلتم انكم راجعات السعوديه وانا طايره من الفرحه انتظر جيتكم على احر من جمر
رؤى: والله ان مافي زيكم يا بنات خالاتي طول مانحن بالغربه ونحن فاقدينكم حييل و الود ودنا نرجع اليوم قبل بكره والحمدلله رجعنا ولمينا الشمل من جديد
شذى: الحمدلله على سلامتكم وعاد الوقت قدامنا بنحلله وبنتلاقا كثيررر لدرجة تطفشون مننا
رسيل: اي والله يا اني بنشب لكم نشبه مو طبيعيه اهم شي ازيح الشوق
رولا: يا حلاتها من نشبه بننبسط عليها انا ورؤى كثير دامهم منكم
ملاذ: ايه وش صار هات سوالفكم علمونا بكل حاجه صارت معكم كيف مدارسهم و العالم هناك كيف تعاملها
وبدت السوالف اللامتناهيه من كثر الشوق والغيبه الظاهر بيسولفون خمس سنوات بدون ما يوقفون يعوضون حق الغياب ههههه
إنتهـى .
