في مجلس الرجال
صالح: حياكم الله اقلطو على العشاء الله يحييكم
سالم: جاد الله على من تكلف
صالح: ما من كلافه هذا حقك واقل من حقك على جيتك بالسلامه و رفع ولدك رواد ل روسنا بشهادته
سالم: الله يسلمك يا عم
صالح: تفضلو سمو بالله
-
عند الحريم/
ملاذ: يمه تعالي شوي
وفاء: عن اذنكم... ايش فيه
ملاذ: يمه وصلت الكيكه و الشموع متى ودكم ننزلها
وفاء: احد شافك من بنات خالتك غاليه ؟
ملاذ: لا احمد جابها من الباب الخلفي ماحد شافني
وفاء: كويس خبيها زين وخليها ل بعد العشاء قده وصل نتعشاء و بعدين يصير خير
ملاذ: ابشري
راحت ملاذ ل الحوش الخلفي تشيل الكيكه لاتذوب ولاحد يشوفها ويخربها
ملاذ: يوه ابتلشت وين اوديها الحين
شذى: بنت وش تسوين هنا ليه تكلمين نفسك
ملاذ: الله يقلع ابليسك خوفتيني
شذى: بسم الله عليك بس وش عندك هنا
ملاذ: الكيكه وصلت وقعد ادور مكان اخبيها فيه لين بعد العشاء ماعرفت وين احطها
شذى: اصبري افكر شوي.. السرداب ما ينفع اممم.. المطبخ ما ينفع... لقيتهاا
ملاذ: ايش
شذى: جدي مسوي مطبخ لبيت الشعر بالحوش الثاني وفيه ثلاجه نحطها فيه!
ملاذ: بس كيف والرجال هناك
شذى: لا مستحيل قلطهم هناك لان المكان شوي صغير اكيد قعدو بالمجلس الكبير
ملاذ: افضل شي نتأكد من اخواننا عشان لانجيب العيد
شذى: طيب كلمي اخوانك جوالي مو معي
ملاذ: طيب
"محادثه"
- احمد
-الوو
هلا -
- وينك؟
جالس مع العيال-
ليه؟-
-في احد ببيت الشعر ؟
لا-
-تمام
...............................
ملاذ: يقول مافي احد يلا خل نروح بسرعه
شذى: يلا انا بفك الباب واراقب الدرب لا جا احد وانتي شيلي الكيكه
ملاذ: تمام
دخلو ملاذ و شذى مطبخ بيت الشعر و حطو الكيكه بالثلاجه وهم خارجين سمعو صوت خطوات على حصى الحوش وكانت كل شوي تقرب اكثر خافو يطلعون ويكون واحد من الضيوف وابتلشو
محمد: والله يا ولد الخاله لك فقده انتظرك من زمان عشان افضفض لك ماحد يسمعني غيرك
رواد: ماخذني صندوق فضفضه انت ووجهك احسبك فاقد وجودي معكم طلعت بس تبي تفضفض
محمد: يخوي شفيك امزح معك بسم الله
رواد: ادري يالحمار (وهو يضحك)
محمد: احسبها بتحز بخاطرك خوفتني
رواد: والله انك خفيف بسرعه تعتذر وتصدق (لسا يضحك)
سمعت ملاذ صوت محمد اخوها و ارتاحت احسن مايكون شخص غريب وتتورط
ملاذ: محمد
محمد: وش ذا من ينادي ؟ رواد تسمع؟
رواد: ايه كنه صوت بنت
ملاذ: محمد انا هنا بالمطبخ
محمد: ملاذ؟
ملاذ: ايه.. لا تدخل شذى واقفه معي
محمد: وش جابك هنا ؟
ملاذ: كلمت احمد قبل شوي وقال انه مافي احد ببيت الشعر وجينا نحط اغراض
محمد: ايه ما كان فيه احد بس جينا انا ورواد نمشي ونسولف
ملاذ: طيب نبغى نمشي انا وشذى نرجع جوه شوف لنا الطريق
محمد: طيب
مشى محمد جهة رواد عشان يبعدون ويطلعون البنات
رواد: مين ذي ؟
محمد: ملاذ وشذى انحشرو هنا لمن جينا.. خل نروح عشان يطلعون
رواد: طيب.. و نايف اتصل علي يقول نزلو العشاء خل نروح نتعشاء
محمد: يلا..... (لف وتكلم بصوت عالي) اطلعو يا ملاذ مافي احد
طلعو ملاذ و شذى وهم يجرون بشويش بكعوبهم على حصى الحوش
