رسيل: ابغى العبب بس ماعرف اسوقها ياخي قهر
طقت رولا على صدرها برجوليه:افا عليك احتزمي
رؤى: ابو الشباب هدي اللعب
شذى: الحماس لاعب بالاعدادت
ملاذ: طيب وش الحل الحين اغلبنا مايعرف للدبابات ذي وصراحه اخاف اغرق
رؤى: نتوزع وحده معي وحده مع رولا دامنا نعرف له والثالثه تنتظر دورها او اخوانكم يركبونكم معهم ؟
ملاذ: خلاص انا بروح مع حمودي وشذى ورسيل معكم
ركبو البنات الدبابات المائيه متخالطين مع العيال ويلعبون سوا بحدود، كانو شذى وملاذ و رؤى متحجبات بدون النقاب لان اهلهم يسمحون اما رسيل و رولا رامين العبايه بكبرها ، بينما هم يلعبون وكل واحد الادرينالين عنده متفجر من كثر الحماس والسعاده باللحظه ذيك كل واحد يغرق الثاني وكل واحد يتحدى الثاني بالسرعه وكل شوي فعاليه حللو فيها وقتهم تحليل
بضحكاتها العاليه وصرخات المتعه اردفت ملاذ: حموودي انتبه لا ننقلب
محمد: ماعليك الامور عنديي
باغتهم رواد من قدامهم وطشر عليهم المويه ومحمد يلحقه يبي يردها له وملاذ الي محتاره بين الخوف والمتعه تصيح عليه وهي تضحك : وقفف لا نطيح
محمد: والله ما اخليهه
رواد: اتحداك تلحقني بسس
تحمس محمد ولف بسرعه ب اتجاه رواد وصدم في دباب رؤى و شذى وطاحو بالبحر اربعتهم اردفت ملاذ وهي تضرب محمد على كتفه بقبضتها: ماقلت لك هدي يا حيوان هيا شوف الحينن
محمد: جاكم شي ؟
ملاذ: رؤى شذى جاكم شي ؟
رؤى: لا لكن بعض الناس بلعوني كيلوين ملح بسبب التهور
محمد: اسف حقكم علي
رواد: اسلمم هههههههه حصل خير حصل خير
ملاذ: مايضحك!!!
رواد: اسف..
محمد: ايه اجل تضحك علينا ههههههههه خذلك
شذى: انطمو اثنينكم مالي خلقكم!
طالعو كلهم ب شذى مصدومين وكاتمين الضحكه من منظرها لين ما قدرو وانفجرو ضحك
محمد: وش ذا هههههههههههه
رواد: دب الباندا حظر عندنا ولا كيف ههههههههههه
ملاذ: شكلك يذبح تكفين وش ذاا هههههه
شذى: وش فيه!
رؤى: الحمدلله اني حاطه مسكرا ضد المويا ههههه
شذى: تكفون قولو غيرها
احمد: وش صاير بسم الله
محمد: تعال شوف زوجتك المستقبليه ههههه
غطت شذى وجهها بيدها اليمين وبقيت متمسكه بالدباب بيدها الثانيه: لا تطالع
ملاذ: روح روح لا تنهار علينا هههه
رؤى: طيب بنقعد متنقعين كننا ليبتون لين متى ؟
محمد: انتم روحو مع رواد و احمد و انا بنتظر احد يجيني ماني قادر اقلب الدباب
احمد: ملاذ وشذى تعالو معي و رؤى مع اخوك
ملاذ: هات يدك
احمد: يلا بسم الله.. شذى هات يدك
مدت شذى يد وحده والثانيه لسا على وجهها
احمد: يبنتي شيلي يدك ماعليك مارح اضحك تمسكي زين بس
سحبت ملاذ يد شذى بقوه: يلا اخلصي
احمد: بس عشان كذا مغطيه! ماتدرين انك بكل الاحوال حلوه ولا كيف ؟
ملاذ: بلا سوالف متزوجين بموت من الهوا الي تصفق وانا مبلوله بمرض
احمد: ليتني مخليك تروحين مع رواد ابرك
ملاذ: حرك حرك بس.
رجعو البنات لغرفهم من بعد العشاء ونامو من التعب بعد ما تمردغو بالبحر الا ملاذ الا قعدت صاحيه ماقدرت تنام بقت على جوالها تراسل رؤيا
