قروب بنات الخالات:
رسيل: بما ان اليوم اخر يوم اختبارات لي و ل رولا و رؤى وش رايكم نتجمع و نغير جو سوا ؟؟
رولا: ايي والله يبغا لها جمعه وتغيير جو بعد كتمة الاختبارات
رؤى: معكم معكم والله احتاج اجدد النفسيه منجد
رسيل: اي وربي عاد ياحظ شذى وملاذ مخلصين من قبلنا ومعطلين
رؤى: منجد
رسيل: ها وش قلتو يا شذى و ملاذ ؟
شذى: طبعاً معكم
ملاذ: قداام وخلو الجمعه ببيتي اهلي مسافرين ثلاث ايام للرياض وبقعد بالبيت لحالي منها تباتون عندي وش رايكم ؟
شذى: ماعندي مانع واكيد امي بتوافق لي ولرسيل
رولا: انا بسأل امي وارد لكم خبر
-
في بيت سالم/
رولا: ماما ملاذ عازمتنا عندها انا و رؤى و البنات وتقول اهلها مسافرين وتبغى نبات عندها
غاليه: وين مسافرين
رولا: قالت الرياض
غاليه: اها ايه تو اذكر قالت لي خالتك.. خلاص طيب بس من يوديكم ابوكم ماهو راجع بدري اليوم
رولا: عادي اكلم رواد يجي لنا
غاليه: خلاص تمام
بغرفة البنات/
رؤى: ها وش قالت امي
رولا: وافقت بس لا رواد ولا ابوي موجودين اتصلي على رواد يجينا
رؤى: توه مكلمني يقول لي اسوي له حلا ساعه وبيجي ياخذه
رولا: حلو خل نقوم نتجهز عشان مايصير معه عذر يرفض
رؤى: يلا بقول للبنات وبقوم
..
قروب بنات الخالات:
رؤى: جايين ان شاء الله يا ملاذ امي وافقت
ملاذ: حلوو يلا لا تطولون وانا بقوم اتجهز لا تكشخون البسو خفايف وجيبو بجايمكم بنسوي بجامة بارتي
رسيل: حمااسسس تمم
..
وقامو البنات يتجهزون وكل وحده لبست وتزينت مايعيقهم شي عن التكشخ ابداً
وصلو شذى و رسيل لبيت ملاذ من بدري و جلسو ينتظرون رؤى و رولا
..
في بيت سالم/
رواد: ها خلصتو الحلا
رؤى: ايوه حطيناه بالثلاجه
رواد: وين رايحين لابسين عباياتكم ؟
رولا: معزومين واستأذنا من امي وافقت بسس
رواد: ايه بس ؟ كملي
رولا: يعني اخوي حبيبي رواد وش رايك توصلنا تعرف ابوي مو موجود و مافي احد غيرك يودينا
رواد: اقول ماني فاضي لكم وخرو عني
رولا: تكفىى رواد والله مكتومين بالبيت ومن الاختبارات ما صدقنا تخلص عشان نطلع تكفىى.. وانتي ليه ساكته قومي كلميه
رؤى: انتظر اللحظه الحاسمه عشان اتدخل واخليه يوافق ب استراتيجيتي
رواد: ايوه اتحفينا يا ام الاستراتيجيات
رؤى: سياسة المحل 😉؟
رواد: اقول اقلبي وجهك لو تعطيني الفين ما وديتكم
رؤى: اح طيب سلك لي
رولا: مالت عليك وعلى استراتيجياتك النايمه.. رواد والله اعلم امي
رواد: علميها بقول ما يمديني
رولا: ماماااا تعالي شوفي رواد
غاليه: وش فيه ليه تصارخين
رولا: امي شوفي روااد مو راضي يودينا
غاليه: رواد طلع خواتك بيت خالتك وفاء خلهم يوسعون صدورهم
رواد: اما رايحين بيت خالتي
رؤى: ايه رايحين بيتها عازمتنا ملاذ
رواد: كان قلتم من اول يشيخه انتي وهي انا اصلا رايح لهم عازمني احمد احسبكم بتروحون مكان ثاني
رولا: الحمدلله يارب كان عانينا عشان نقنعك تودينا
رواد: لا تخليني احلف ما اوديكم
رؤى: لالاالا استهدي بالله ورح السياره نحن بنجي ونجيب حلاك
رولا: ايه روح روح
