محادثه -
ملاذ - رواد...
رواد - تحسبيني بقول زي كذا صح ؟ ، لا طبعًا ، انا مو بس بعطيك اليوم وبكرا وبعده انا بعطيك عمري كله بعطيك لحظاتي كلها بنتظرك لين تقولين لي رواد انا ابغاك ، لاني احبك واهتم لك واغليك و اغار عليك من وقت خالي مني
ملاذ - خوفتنييي منجد احسبك زعلت
رواد - انا اسف يا عيوني وكل دنيتي، مستحيل ازعل منك او ازعلك وصدقيني بنتظرك بنفس الحب وزياده
-
رسيل: ملاذ طولتي يلا تعالي بنلعب آونو
ملاذ: طيبب
المحادثة -
ملاذ - بروح البنات ينادوني
رواد - في امان الله يا قلبي
-
ملاذ: يلا جيتت ، وش بنلعب
رولا: ماشاء الله وش الروقان والسعاده ذي المفاجئة
ملاذ: من اليوم مروقه بس انتي ماتلاحظين
رولا: اقصصص يدي لو ما طلع وراكم إنا انتي ورسيل
ملاذ: يللا العبي معليك
-
عند الرجال
احمد: رواد تعال نمشي برا عند البحر
رواد: جيتك
احمد: الا شلونك شلون امورك
رواد: وش طرا عليك تسأل فجأة
احمد: لا بس اسولف معك
رواد: الحمدلله طيب ، وانت كيف النفسيه يا عريس
احمد: فلل الحمدلله
رواد: الظاهر العرس سوا عمايله ياولد هاه ههههههههه
احمد: والله الحب نعمه يا رواد
رواد: وانت صادق
التفت عليه احمد: وانت وش عندك
رواد: لا بس كذا اشاركك الحديث ههههههه
احمد: لا والله اني من زمان ملاحظ في علم بس ماتبغى تقول قول قول وانا اخوك
رواد: يعني مافي شي بس لعل زهرة قلبي نبتت بعد ذبولها
احمد: يعني تقول ان فيه وحده
اردف رواد ب ابتسامة دافئه: ايه
احمد: والله الظاهر ان الوضع صعب حكيني
رواد: وش اقولك
احمد: نعرفها البنت ؟
رواد: وش السؤال ذا مافي احد نعرفه الا اهلنا لو اقول ايه بيكون واضح حدود اجابتي وين
احمد: يعني عشان لا تحسها تخوف وتكنسل تعترف هههههههه
سكت رواد شوي وبقي يمشي بصمت
احمد: يعني من سكوتك نعرف انها مننا ؟
رواد: يعني ممكن تقول ،
احمد: ذي جديده شلون يعني ، عادي قول هذا انا حبيت من اهلنا وان شاء الله زواجنا قريب
رواد: دقيقه يعني انت تزوجتها عن حب مو زواج اهل تقليدي ؟؟؟
احمد: صباح الخير ماتعرف ؟
رواد: لا والله توني ادري
احمد: يوه وصارت سالفه لمن عرفو ان بيننا حب وشكو ب علاقة بينا بس ماكان بينا علاقه حبينا بعض ونحن ساكتين بس انا بادرت وكلمتها اشاورها بالخطبه وهل بتوافق ولا لا
رواد: والله طلعت مو هين ياولد الخاله ههههههههه
احمد: افا عليك ههههههههههههههه
رواد: يلا الله يرزقنا خواتيم ما رزقكم ويتمم لكم بالخير والهناء
احمد: امين واياك يارب ، ودي اضغط عليك بالاسأله اكثر بس الواضح انك مارح تجاوب ههههههه
رواد: الاحسن تعتقني ههههههههههههه ، يلا يلا مشينا ندخل مع العيال
-
بعد يومين...
وداد: يلا اشوفكم على خير ان شاء الله
شذى: ليه ما تجين معنا مو جدي كذا ولا كذا جاي ؟
وداد: الا بنمشي بكرا بس أحتاج الم اغراضي و اكون معهم عاد
وئام: انا اقول ابوي كبر وتعب من السواقه الاحسن يجلس معاه واحد من العيال وهو الي يجيبه
غالية: اي والله الاحسن يجلس معاه احد يسليه و يساعده بالدرب
وفاء: اجل بكلم العيال اشوف من يجلس منهم
