وئام: يا هلا والله حياكم الله ب اي وقت..مع السلامه
نطت رسيل ب انفعال وحماس: وشش قالو وش
وئام: بسم الله اعقلي طيرتي عقلي
رسيل: متحمسه مره قولي شصار
وئام: جايين يخطبون بكره
رسيل: حمااسسس بيصير ببيتنا عروس بروح اقول لشذى عشان تتجهز
جرت لغرفة شذى وفكت الباب ب قوة: ششذذذىى
شذى: بسمم الله خلعتي قلبي وش فيك
رسيل: بيجون يخطبون بكره!
وقفت شذى بصدمه: ميين ؟؟؟
رسيل: يعني مين يالغبيه احمد
شذى: يويلي وش بسوي مره بدري مايمدي اتجهز وش البس كيف اسوي شعري المكياج من يحط لي وشش اسويي
رسيل: اثقلي يالخفيفه وامشي نختار ثياب من دولابك
شذى: ي الله مره يوترر
رسيل: اخلصي الوقت بيروح خل نختار لك لبس
بدو البنات يطالعون بثياب شذى كلها و للان مالقو الفستان المناسب الي تلبسه شذى
شذى: شرايك بذا حلو ؟
رسيل: حلو بس محلوب الناس حفظتك فيه البسي شي جديد.. شرايك بذا
شذى: لاااا مره خالع قصير وبدون اكمام مايجي دوري غيره
رسيل: شرايك بذا
شذى: حلو بس ما يناسب
رسيل: خلصت كل ثيابك الي بالدولاب وللحين ماعجبك شي
شذى: شسوي ياربي ببكيي مافي شي البسه
رسيل: اقول تجهزي يمدي نطلع السوق نشتري واحد جديد بكلم نواف يودينا
شذى: اوكيه
طلعت رسيل لغرفة نواف دقت الباب
نواف: ادخل
رسيل: شقاعد تسوي
نواف: وش تبغين
رسيل: تطلعنا السوق انا وشذى
نواف: وليه ان شاء الله
رسيل: ميت انت ماتدري عن العالم شكلك
نواف: وش السالفه
رسيل: السالفه ان بكره جايينا خطابين
نواف: اما مينن بيخطبون مين
رسيل: بيخطبونك
نواف: تسوقينها
رسيل: انا ادري عنك.. بيخطبون شذى عشان كذا نبغى السوق نشتري فستان
نواف: خلاص طيب تجهزو
تجهزو رسيل وشذى وطلعو للسياره مع نواف
نواف: هلا والله بالعروس حركات والله
شذى بحيا: اسكت وطالع بالخط
نواف: افاا بس ابشري نراعي ظروف الخجل
كملو طريقهم ونزلو السوق وفرت شذى المحلات كلها وللان مالقت الفستان اللذي صنع من اجلها
رسيل: والله تعبت خذي اي شي وريحيني
شذى: اخر محل والله اوعدك
رسيل: امري لله يلا امشي
دخلو المحل وتأملو الملابس قطعه قطعه
شذى: رسييل لقيته ذا يجنن مره
رسيل: والله حلو وناعم وعاد اللون الوردي يجنن عليك
شذى: خلاص باخذه عجبني مره
رسيل: الحمدلله بفتك يلا امشي نحاسب
شذى: اصبري باقي اخذ كعب ومناكير
رسيل: يا الله شكلي بموت هنا اليوم
شذى: مارح أطول اوعدك.. شوفي ذا الكعب تحت الفستان يجنن اخذه ؟
رسيل: لا وردي بوردي مو حلو خذي لون ثاني
شذى: شوفي الي بجنبه زيه بس لون بيج
رسيل: اي حلو خذيه
شذى: يلا بحاسب بعدين نروح سيفورا تمام ؟
رسيل: تمام
تقضو البنات وخلصو اغراضهم ورجعو البيت جهزت شذى أمورها ورتبت كل شي وبلغت رؤى تجيهم بكرا لانها شاطره بالمكياج و ضبطو أمورهم و استعدو للذا اليوم المهم ل احمد و شذى
