بعد اسبوع رجع صالح و اصاحبة على الديرة وصالح مافارقت افكارة ذيك البنت الي شافها ورا الباب هو يعرف انها شاغلة باله و بكل مره يبتسم لا تذكرها لكن ماهو عارف ليش ماهو عارف ايش صار له و لا هو عارف كيف يبعد هالشعور عنه..
خالد: وش مجلسك هنا لحالك
صالح: مشغول بالي بقصة مالقيت جوابها
خالد: وشهي من قصة
صالح: دامك اقرب رفاقي لي بقولك
خالد: ايه وش العلم
حكى له صالح الي صار مع تبريره الف مره انه ما كان قاصد وشافها بالغلط وكيف هو ضايع ومو فاهم سبب شعورة
خالد: بالله عليك ماعرفت علتك ؟
صالح: لا والله
خالد: السلام عليكم هذا الحب تعرف عليه
لف عليه صالح بملامح مصدومة: يرجال اي حب مستحيل
خالد: خلك لا تسمع ولا تصدق بعدين تعرف لحالك
القى صالح نفسه على الأرض متأمل للسماء والنجوم يفكر بكلام خالد معقولة يكون صادق ؟ معقولة حبيت ؟؟ انا احب ؟
مرت ثلاث ايام وصالح ما زال يفكر بالموضوع بين زحمة اشغالة زادها التفكير زحامًا حتى ادرك انه حب فعلًا وقع بالحب بدون لا يحس.. حب من اول نظرة ؟ ولا وش يتسمى ؟ دام عيني وقلبي اختاروها تملاهم فـ انا بختارها تملا حياتي بوجودها
توجه صالح لبيت امه وجلس جنبها سلم على يدها و طلبها تكلمه شوي
ام صالح: فيك شي يمه ؟
صالح: لا مافيني الا العافية بس بكلمك بشي
ام صالح: اي يمه قول
صالح: يمه تذكرين خويي عبدالله الي قلت لك عنه ؟
ام صالح: الي تعرفت عليه في جده ؟
صالح: اييه هو هذا
ام صالح: ايه وشمعه
صالح: ابغاك تتعرفين على اهله وتعرفين لي خواته
اردفت ام صالح ب استغراب مقطبه حاجبيها: ليه وش تبي فيهم ؟
اردف صالح بـ تردد: في وحده من خواته ابغاك تخطبينها لي بس ماعرف منهي بالضبط ولا اعرف اسمها عشان كذا تعرفي عليهم وشوفيهم وانا بعرف الي ابغاها لمن توصفينها لي
قطبت ام صالح حاجبها: ولد وانت منوين حطيت عينك عليها وكيف عرفتها انت لايكون وراك بلا!!
صالح: لا يمه افا عليك تشكين بتربيتك لـ ولدك ؟؟
ام صالح: اجل كيف ؟؟؟
صالح: لمن زرته ذيك المره كنت بغسل يدي وشوفي بالغلط والله بالغلط لمحتها من ورا الباب تعدي بس والله ما طالعت فيها نزلت عيوني بالارض بسرعه
ضحكت ام صالح على ولدها واردفت: يعجبني فيك انك صادق ههههههههههه ، بس ماعليك وانا امك ابشر اقرب فرصة احجز موعد لنا عندهم و نزورهم سوا.
فز صالح مبسوط يبوس رأس امه و يدينها وهو طاير فرح: تسلمين يمه مشكورهه
ام صالح: اثقل وانا امك اثقل ههههههههههههه
بعد ثلاث اسابيع وبعد تنسيقات من قِبل صالح و عبدالله للقاء اهاليهم واجتماعهم بنفس المكان من اجل التعارف أتى اليوم المُنتظر
في بيت عبدالله/
عبدالله: يالله انك تحييه تفضل
صالح: كيفك وش علومك طمنا عنك
عبدالله: الحمدلله بخير وانت عساك طيب
صالح: طبعًا طيب وانا مقابل هالوجه البشوش
عبدالله: يابعد هالقلب يا صالح تفضل تفضل
