بالمستشفى/
الدكتور: خيطنا لها سبع غُرز لان الجرح عميق شوية والحمدلله على السلامة
غالية: الله يسلمك، طيب متى نقدر نطلعها ؟
الدكتور: بس نخلص تضميد اليد وتعطيكم السستر تعليمات وتقدرون تروحون عادي
غالية: تمام يعطيك العافية دكتور
الدكتور: ولو العفو
لفت غالية على ملاذ الي جالسة تبكي على الكرسي
غالية: يا بنتي استهدي بالله الي صار باللغلط ماكنتي متعمده وكمان هي بخير شوفي خيطو الجرح وبتطلع
ملاذ: بس اكيد انها تعورت كله بسببي
محمد: يا بنت الحلال اسكتي وش الدلع ذا هذا وهو جرح صغير اجل لو انك ذابحتها
لفت عليه ملاذ بعصبيه ودقت كتفه بقوتها: بسم الله عليها!!!
نطق محمد بصدمة : بسم الله خلاص اسف اسف
غالية: انا بدخل عند رؤى واشوف السستر
ملاذ: بجي معك
غالية: يلا تعالي
دخلو ملاذ وغالية عند رؤى
غالية: الحمدلله على السلامة يا امي
رؤى: الله يسلمك
ملاذ بصوت راخي ومكتوم: الحمدلله على السلامة
رؤى: إنتي للحين تصيحين ارحمي عيونك كلها جرح ماصار شي كايد
رواد: والله اني شايفها وقت الخياطه خايفه ومرعوبة يدي بغت تنكسر من كثر ما ضغطت عليها و عيونها تدمع
رؤى: كذاب!
ملاذ: انا عارفة كله مني تعورتي
رؤى: ملاذ اخبرك حساسة بس مو للدرجة ذي تكفين والله ما صار شي تعورت شويه لكن عادي
رواد: كذابة بغت تموت من الالم
رؤى: انت بتسكت ولا انقلع برا!!
رواد: ابشري
غالية: ايه وش صار وش قالت السستر
رؤى: تقول مننوع يجيها الموية الفترة ذي و مننوع اضغط عليها وكل فترة اغير الشاش اعطتني لفة بالكيس
غالية: يلا الحمدلله هيا لا اشوفك تسبحين ولا تلعبين ماحد بياكلها غيرك
رؤى: ابشري بس يلا خل نمشي جوعانة
رواد: همها بطنها ههههههههه
رؤى: دامك أنتي عورتيني اشتري لي قهوة تعويض
ضحكت ملاذ رادفة: لو تبين اعشيك على حسابي أسبوع كامل ماعندي مانع
رؤى: الله اجل تم امشي هههههههههههه
غالية: ذي ماتعرف تقول لا تسوي نفسها اقل شي بعدين توافق ؟ ههههههههههه
رؤى: والله عرض جاني لين عندي ليه ارفضه هههههه
رواد: يلا يلا مشينا فطوركم اليوم على حسابي بس امشو
مشو كلهم ملاذ و محمد بسيارة ورواد معاه امه واخته
-
بسيارة محمد/
ملاذ: احمد يقول بسرعة تعالو عشان يمر خالتي وداد
محمد: يمرها وين ؟
ملاذ: من البيت يجيبها الشالية
محمد: خلاص قولي له نحن بنجيبها
ملاذ: تمام
اتصلت رؤى على ملاذ
رؤى: الو
ملاذ: هلا
رؤى: شفيكم غيرتم الطريق وين رايحين ؟
ملاذ: رايحين نجيب خالتي وداد
رؤى: اها تمام
ملاذ: بجيب من ستاربكس وش تبغون
رؤى: خلاص رواد قال هو بيشتري
ملاذ: لا والله انا بشتري بسرعة وش تبغون
رؤى: دامك حلفتي اجل ابغى ماتشا و دونات
ملاذ: تمام وخالتي ورواد ؟
رؤى: ملاذ تقول وش تبغون من ستاربكس
رواد: قولي لها رواد بياخذ لنا!
رؤى: قلتت ما سمعتني وحلفت عاد
رواد: اجل احسن وفرتم فلوسي انا ابغى كولد برو
رؤى: وانتي يمه ؟
غالية: ايس لاتيه وذ كراميل
