الف الصلاه والسلام عليك يا حبيب الله محمد
اعتلت صوت الغطاريف وعروسنا متجهه للكوشه بفستانها الابيض الي يكاد يجعلها اميره بخطوات صغيره وابتسامه تتخللتها الدموع تخطو نحو حياة اخرى..
وقفت العروس بشكل غريب كشرت ملامحها وهي تحاول تلقط مصدر الصوت الي تسمعه يناديها بشكل متكرر ومفجع!
..: شذى شذى بنتت شذىى
فزت عروستنا من سريرها مفجوعه تتلفت حواليها تستوعب هي وين تدور الناس و العالم الي كانو محاوطينها تطالع جسمها تدور فستانها الابيض
رسيل: بنت وشفيك لي سنه انادي فيك!
شذى: ويني انا ؟
رسيل: تستهبلين وش الي وينك الظاهر جنيتي قومي بس لاتجي امي تسطرك الضيوف شوي بيجون
شذى: اي ضيوف ؟
مدت رسيل يدها تتحسس راس شذى: منتي مسخنه غريبة شكل فقدتي الذاكرة.. يبنت الحلال من امس امي توصي فينا نقوم بدري عشان نرتب وانتي ناسيه!
فزت شذى من سريرها: ييووه نسيت
رسيل: كويس رجع عقلك
شذى بعجله وهي تدخل الحمام(اعزكم الله): وخري عني مو فاضيه لك
وقفت قدام المرايه تطالع نفسها وتحاول تستوعب الحلم الغريب..
شذى: وش ذا الحلم ياربي بسم الله احلام العصر ذي منجد وش الي تزوجت.. شكل الحلم مستبق الأحداث وانا توني ما وافقت على الخطوبه حتى
...
وقت المغرب بدو يجون الخالات وجلسو كلهم بالحوش مابين سوالف وتطمن و صياح أطفال و لعب و اجواء كثير متداخله ببعضها..
رسيل: يا الله مقدر اتحمل ازعاج البزران
ملاذ: حرام عليك والله كتاكيت وشوفي كيف يلعبون حبوبين
رسيل: يا الله يالاخت المثاليه صعب علي اتحاور معك لكن ازعاج لاحد يحاول يقنعني عكس كذا
شذى: مسويه نفسها ماتحب الازعاج وهي ازعج منهم
رولا: اوف والله قويه ذي ههههه
رسيل: شقصدككك وخري عني بس
قاطع سوالفهم تصويت وداد بصوت عالي وهي تصفق: اسمعو اسمعو
وجه الكل انظاره لها: جايتكم ب العاب وفعاليات حلوه لازم الكل يشارك بدون استثناء عشان نعيش جو ممتع مع بعض تم ؟
البنات بصوت واحد: تمم
ناظرت لهم جدتهم جميله ناقده على انفعالهم زي البزران
وفاء: وش هي من العاب عشان نعرف نشارك ولا لا
وداد: لا ماحد له قرار الكل يشارك غصب و ينبسط معنا غصب وجبت القرعه ذي تقسم الافرقه رح تنقسمون فريقين
جميلة: انا خرجوني منها بتفرج عليكم وبس لاحد يدوشني بذي الاشياء
وداد: تامرين يمه.. على كذا بتكون الافرقه مقسمه اربعه اربعه بكل فريق.. رح اطلع اول اسمين بيكونو قائدين الافرقه الاول والثاني.. نبدا بالاول بسم الله ووو.. طلع معناا وفاء.. الاسم الثاني ملاذ
وفاء: ملاذ تذكري بر الوالدين
وداد: لا لا بالالعاب التحدي تحدي والنظام نظام لا بر ولا عقوق يدخل الموضوع لا تستعلمين امور حساسه كذا هاه صدتكك
ملاذ: وهي صادقه
وفاء: والله ؟ طيب طيب يلا وزعي الافرقه خل نهزمهم ب اسرع فرصه.
وداد: اوف المنافسه حاميه من الحين الله يستر... يلا الاسماء الاولى بفريق وفاء هي وئام و غاليه و شذى والبقيه بالفريق الثاني مع ملاذ
رسيل: شذى حبيبتي بدعي لك تتخطين
غاليه: وش قصدك ما حنا عاجبينك بنفوز عليكم وتشوفين
رسيل: شدتها خالتي الحبيبه ههههه
وداد: والله المنافسه حاميه خل نعجل على الالعاب لا يطير حماسكم ذا بس سمو الافرقه
رولا: اقترح يكون اسم الفريق الثاني فريق الامهات
رسيل: لا لا المتزوجات لابق عليه اكثر
رؤى: ايه حبيته بعد
ملاذ: بس شذى داخله وسطهم عرض ماهي متزوجه هههههههه
رسيل: عادي مردها تتزوج بالمستقبل
فهمت شذى نغزة رسيل بس ماقدرت تتكلم ابتسمت ابتسامه طفيفه وعضت خدها من جوه بخفه تتوعد ب رسيل بدون ماحد يلاحظهم
