ملاذ: اخيرا خلصنا يا الله
رؤيا(صديقة ملاذ): اي والله الفرج
ملاذ: يلا خل نمشي لا نتأخر
رؤيا: نتأخر على ايش
ملاذ: مو قلت لك رسيل نشبت لي الا اقابلها اليوم و نتكلم عن الموضوع
رؤيا: يعني منجدها ملزمه تعرف ؟
ملاذ: ايه وعاد ما باليد حيله بقول لها
رؤيا: الله يعينك هههههههه
ملاذ: مايضحك امشي
رؤيا: ابشري ابشري هههههههه
وصلت ملاذ رؤيا و بعدها نزلت بيتها وتجهزت تطلع تقابل رسيل و توجهت ملاذ ل بيت رسيل و اخذتها معها
رسيل: هاايي
ملاذ: الناس تقول السلام عليكم
رسيل: معليش السلام عليكم
ملاذ: وعليكم السلام
رسيل: ايه عساك مستعده
ملاذ: استهدي بالله توك جيتي
رسيل: مااعندي صبر لازم اسمع القصه الحيين
ملاذ: طيب اصبري شوي
رسيل: طيب بس ليه طلعنا كان جيتي بيتنا وتكلمنا هناك اريح
ملاذ: لا اهلك بالبيت وشذى اكيد بتجلس معنا فا ماكنت ابغى احد يعرف السالفه لكن للاسف من سوء الحظ عرفتي انتي
رسيل: حبيبتي وش على بالك انا ماا يفوتني شيء
ملاذ: الله يستر منك
رسيل: ايه علميني القصه وش كنتم تقصدون ذاك اليوم
ملاذ: الله يعين عليك يويلك احد يعرف
رسيل: لا افا عليك سرك ببير
حكت ملاذ قصتها مع رواد والمشكله الي حصلت بينهم و اخر الأحداث الي بدا يتقرب فيها من ملاذ و رسيل الي قاعده تسمع ومصدومه ان كل الاشياء ذي صارت وكأنها تشوف مسلسل على ارض الواقع
ملاذ: وبس ذا كل شيء
رسيل: تمزحييننن!!! كيفف صار كل ذا وانتي ساكته حتىى ماحد حس عليك ولا عرف!!
ملاذ: كان الموضوع صعب اخبيه لكن الحمدلله قدرت عليه
رسيل: طيب الحين وش بيصير معكم ؟
ملاذ: كيف يعني
رسيل: يعني على اخر كلام قاله لك وش بيكون ردك وتصرفك؟
ملاذ: ماعرف والله اني محتاره
رسيل: خليك من جوابك له الحين ركزي بنفسك انتي وش تحسين ودك يصير ؟
ملاذ: ماعرف
رسيل: ملااذ وش ماعرف! انتي الحين تحسين انك تحبينه ولا لا تحسين انك تبينه ولا لا يعني في شي تحسينه له ؟
سكتت ملاذ و زمت شفايفها موجهه نظرها عكس اتجاه رسيل
رسيل: بنت!
ملاذ: يعنيي شوفي هو شوي يعني بس شوي
رسيل: عيني بعينك يابنت 😉
ملاذ: بطلي الحركات ذي (شوي تموت من الخجل)
رسيل: ااووووووهه اثاري عندنا حبايب واجدين وماحد يعترف عيب عليكم عادد 😉
ملاذ: ب توقفين ولا انزلك هنا
نطقت رسيل وهي تعدل جلستها ب كل ادب: خلاص خلاص اسفه. ( لفت بشكل مفاجئ على ملاذ) بسس علميني وش بتقولين ل رواد ؟
ملاذ: مادري احس ماودي اتسرع
رسيل: اي تسرع والادمي له فتره يترجاك
ملاذ: طيب وش اسوي
رسيل: انا اقول خلاص اعطيه الضوء الاخضر و لاعد تعاندين و هو بالايام بيثبت لك لو كان يستحق الفرصه ولا لا
ملاذ: تحسين ؟
رسيل: اييه صدقيني سوي كذا وكلكم بتحسون بالرضا
ملاذ: خلاص طيب بعدين
رسيل: مو بعدين وتسحبين! ترا بنشب لك واسأل كل شوي
ملاذ: خلاص ماعليك
رسيل: يالله يارب عقبال احضر زواجكم
ملاذ: تحمستي ياقلبي اي زوااج توني صغيره
رسيل: ماعليه الحب يغير مفاهيم 😉
ملاذ: هيا اسكتي
رسيل: روحي ماك عازمتك على العشاء عشان احفزك
ملاذ: تخفيز على ايش
رسيل: عشان تتخذين خطوة ايجابيه بعلاقتكم
ملاذ: إذا القصه كذا بجيك اتشكى كل يوم عشان تعزميني
رسيل: لاتفلينها تريني مطفره
ملاذ: بخيله من يومك
رسيل: خيرررر
ملاذ: خلاص امزح معك هههه
رسيل: امشي عالمطعم بس
ملاذ: سمي طال عمرك
