شذى: بنت وش فيك انتي من بدا الدوام وانتي مو على طبيعتك.. اللوو وين ضايعه أنتي
ملاذ: هلا
شذى: وينك فيه انتي وين ضايعه منتي طبيعيه اليوم
ملاذ: لا بس شوي مرهقه مانمت زين
شذى: مو عوايدك
ملاذ: اي تعرفين غبت اسبوعين وانشغلت الليل كله بالبحوث والمشاريع
شذى: هانت بقي محاضره وحده وينتهي دوامنا
ملاذ: اي قومي خل نروح القاعه لا نتأخر بقي عشر دقايق تبدا المحاضره
-
رواد: يمه انا طالع بغيتي شي؟
غاليه: وين رايح ؟
رواد: عندي شغله بسيطه وراجع
غاليه: الله يحفظك
خرج رواد وتوجه ل مدرسة نواف
بالمدرسه/
رواد: السلام عليكم
الوكيل: وعليكم السلام
رواد: اتصلتو علي عشان نواف ايش الحاصل
الوكيل: وش صلة قرابتك فيه ؟
رواد: عمه بحكم ابوه بالدوام و ماعنده اخوان جيت انا وش حاصل
الوكيل: والله مدري وش اقول لك لكن نواف ذا تعبنا معاه وصبرنا وصل حده وهو كل يوم متمشكل ويترجانا مانكلم اهله عشان لاتصير عليه مشاكل لكن المره ذي الموضوع كبر و صارت اصابات وكان لازم احد يتدخل من ذويه.
رواد: ايش الحاصل وش السالفه؟؟
وجلس الوكيل حكا لرواد الموضوع الي تعرض فيه ثلاث اولاد ل نواف لانه سبق وضرب اخوهم و واحد منهم ضربه نواف بالكرسي مما ادى ل رضوض بذراعه و ظهره تصرف رواد وحل المسأله مع اهل الطالب واخذ نواف من المدرسه وطلع
رواد: انت صاحي انت وش الي سويته ؟ لو ابوك درا والله مايفكك منه شي!
نواف: عشان كذا اتصلت عليه خفت يصير سالفه على رأسي
رواد: كويس اني كذبت وقلت اني عمك وفكيتك الا كان استدعو ابوك
نواف: والله مو ذنبي هم تعرضو لي
رواد: لو مو ماد يدك على اخوهم من الاول كان ماصار شي لكن حصل خير ولاتعلم اهلك عن حاجه بنفر شوي بالشارع عشان مايسألون ليه جيت بدري
-
بيت حمد/
ملاذ: يمه انا جيت
وفاء: يلا غيري و تعالي للغداء
ملاذ: لا مابغى بنام على طول هلكانه
طلعت ملاذ غرفتها ورمت نفسها على سريرها بدون ماتنزل عباتها... زفرت انفاسها و غطت وجهها بيدينها
ملاذ: يا الله بصدع من التفكير ليش صار كل ذا! افف
" Flash Back"
ملاذ: يا الله ذول دخلو وخلوني لحالي شلون بدخل الحين
قامت وهي تستند على الجدار تحاول تمشي وتدخل للبيت
ملاذ: يوه تعبت
بالجهه الثانيه كان رواد جاي من قسم الرجال لحاله ولمح ملاذ واقفه لحالها ما نساها ولا يمكن ينسى شكلها مهما بعدتهم السنين و كبرو بيبقى حافظ ملامح وجهها .. قرب منها و ورفعت نظرها لمن لمحت رجول الواقف قدامها
رواد: عرفتيني؟
ساكته وجافنه فيه و مستغربه جيته لها وكلامه معها مستغربه كل شي وعليها آلاف الاستفهامات...
رواد: الظاهر انك نسيتيني..
ملاذ: لا مانسيتك لكن ماتوقعت ترجع تكلمني بيوم..
رواد: الود ودي ماقطعت الكلام بينا لكن حدتنا الظروف.. كيفك ؟
ملاذ: الافضل انك تروح وانا ادخل لاحد يشوفنا ويفهم غلط
رواد: ليه مستعجله ما ولهتي ؟
ملاذ: قلت لك اخاف احد يشوفنا ويفهم غلط
رواد: ليه يا ملاذ تتهربين مني ؟ افهميني وحسي اني احبك وانا والله صادق بكل كلمه اقولها
ملاذ: رواد انت الي افهم النقاش ذا وقته غلط ومكانه غلط لا تخلي مصيبه تصير علينا الليله
رواد: خلاص براحتك عن اذنك
" End "
من تفرقو بلحظتها وملاذ غرقت ب افكارها الي عيت تجافيها بين التساؤلات و المشاعر الغريبه
ليه جاها بعد الوقت ذا كله ؟ ليه فتح الموضوع من جديد بعد كل السنوات ذي ؟ ليه وليه والف سؤال يدور ببالها ماتلاقي اجوبتها الا عند رواد..
جلست ملاذ ومسكت جوالها تطالعه بصمت وتفكر
ملاذ: ارسل له ؟ ازيح فضولي ولا اخليه ؟؟ يا الله وش اسوي...
استجمعت شجاعها وفكت جوالها وشالت الحظر وبادرت ب اول رساله
_ السلام عليكم...
إنتهـى .
البارت ذا قصير عشان التشويق وكذا 😘
