Unicode
" မောင့်ကို ခေါ်ပေး !!!! "
ဆေးရုံခန်းထဲ ဝင်ဝင်ချင်းပင် ကြားလိုက်
ရသည့် အော်သံကျယ်ကျယ် ။ ဆေးတိုက်ရန်
ပြင်နေသည့် Nurseလေးသည် မျက်စိပျက်
မျက်နှာပျက် ။
ကုတင်ပေါ်ကဆေးရုံဝတ်စုံနဲ့ ကောင်လေးက
တော့ သောင်းကျန်းကောင်းဆဲ ။ ဘေးဘီတွင်
ပစ္စည်းတချို့မှာလည်း အပြိုပြိုအလဲလဲ ။
" Jeon "
" မောင် !!! "
အခန်းဝက သူ့ကိုမြင်တော့ ဝမ်းပန်းတသာ
ကုတင်ပေါ်မှပြေးဆင်းလာပေမဲ့ခြေထောက်မှ
ဒဏ်ရာတွေကြောင့် ညည်းညူသံပြုကာ
ပုံခနဲလဲကျသည် ။
Jiminသည် အမြန်ပြေးပွေ့ကာ ကုတင်ပေါ်
ပြန်တင်ပေးသည် ။ Jeonမျက်လုံးတွေကို
သေချာစိုက်ကြည့်ရင်း Jiminသည် အခြေအနေကို နားလည်သွားသည် ။
" မောင် မောင်...မောင့်ကို စောင့်နေတာ..."
"ဟုတ်လား..ကိုယ့် Jeonလေးက....
ဒဏ်ရာတွေရော ဘယ်လိုလဲ နာသေးလား "
" နာတယ်..နာတယ်..အရမ်းနာတယ်...
ကျောတွေ အောင့်လွန်းလို့ လှဲအိပ်လို့
မရဘူး..ခြေထောက်တွေလည်း မထောက်
နိုင်အောင်ကို နာတယ်..."
ငိုမဲ့မဲ့လေး ပြောလာသည့် Jeonပုံစံက
တကယ့် သနားစဖွယ် ။ Jiminသည်
အရှင်းမပျောက်သေးသည့် Jeonမျက်နှာ
ပေါ်ကို ဒဏ်ရာတချို့ကို ခပ်ဖွဖွထိသည် ။
" မကြာခင် သက်သာသွားမှာပါ..မောင်ရှိတယ် "
" မောင် ရှိရင် ရပြီ..."
" SeokJin..သူ့ကို ဆေးရုံက ခေါ်လို့ရမယ်
မလား..."
" ငါ ဘယ်သိပါ့မလဲ Jimin..ဆရာဝန်
မေးကြည့်လေ..."
ဆရာဝန်နှင့် ပြောစရာကိစ္စများ ပြောပြီးလျှင်
Jeonကို တစ်ခါတည်း ကားပေါ်ကို တင်ကာ
အိမ်သို့ ခေါ်ခဲ့လိုက်သည် ။ ပြူးတူးကြောင်တောင်လေး Jeonက ဘယ်ကိုသွားနေလဲဆိုတာ စူးစမ်းနေပုံ ။
" Jeon..တကယ် ဘာမှ မမှတ်မိဘူးလားဟင်"
Jeonကား ခေါင်းကို တွင်တွင်သာရမ်းသည်။
" မောင့်ကိုပဲ သိတာ..တခြားဘာမှ တွေးမရဘူး.."
သူ့နာမည်နှင့် သူ့ကိုပဲ မှတ်မိတော့သည် ။
ဖြစ်ပျက်ခဲ့သည့် အကြောင်းတွေသာမက
Jeonကိုယ်တိုင် ဘယ်သူဘယ်ဝါဆိုတာကိုပင်
မမှတ်မိချေ ။
YOU ARE READING
Ashes Of Burning Desire
ФанфикP.J.M × J.J.K Desire is the ficere inferno that will burn you down, leaving nothing but ashes and ruins.
