Unicode
စျာပနပွဲတွင် ဂျွန်ဟွာအင်းသည် မျက်ရည်
တစမ်းစမ်းဖြင့် ရှိနေသည် ။ အဖြူရောင်
ပန်းတွေကြားက ဂျွန်မင်ဂျွန်း၏ ဓာတ်ပုံကို တစ်ချက်တစ်ချက်ငေးကြည့်ရင်း
သူမသည် အမှန်တကယ် ခံစားနေရပုံ ။
" သားကိုလည်း မတွေ့မိသလိုပဲနော်.."
" အော်..သား-သားက ပြည်ပရောက်နေလို့ပါ"
" အဖေရဲ့ စျာပနကိုတောင် မလာနိုင်လောက်အောင် အလုပ်ကြိုးစားတဲ့ပုံပဲ.."
ဂျွန်ဟွာအင်းသည် ထိုစကားကို ကြားပြီးတဲ့နောက် ဒေါသထွက်ပုံမပေါ် ။ သူမသည်
ဤသို့ကြားရမည်ကို မှန်းဆထားပြီးသား
ဖြစ်သည့်ပုံ ။
" ဆရာကတော်...ဟို ဂန်အိမ်တော်က
လာတယ်..."
စျာပနမှာ လာကူညီပေးနေတဲ့ အတွင်းရေးမှူး
လေးက တိုးတိုးလေး လာပြောသည် ။
" ဟုတ်ပြီ..ငါသွားလိုက်မယ်..."
ဂျွန်ဟွာအင်းသည် ယူဆိုရာတို့ ရှိရာဆီကို
လျှောက်သွားသည် ။
" အော် ဆိုရာ..နင်လာတာပဲ..ငါက မလာ
လောက်ဘူးတောင် ထင်တာ..."
" ငါလာမှာကို နင်သိနေသားပဲ..အပိုတွေ
မလုပ်ပြနဲ့.."
ဂျွန်ဟွာအင်းသည် အနေခက်သည့် အပြုံး
တစ်ခု ဆင်မြန်းလိုက်သည် ။
" အမျိုးသားနဲ့ သားရော.."
" အမျိုးသားနဲ့ သားက မအားဘူး..."
ဂျွန်ဟွာအင်းသည် နိုင်ကွက်တွေ့သွားသလို
ယူဆိုရာအား ခနဲ့ရန် စကားလုံးများကို
စီစဥ်လိုက်သည် ။
" အမျိုးသားကတော့ အလုပ်ကြောင့်
မအားဘူးပဲ ထင်ပါတယ်..သားကကျ
အလုပ်လက်မဲ့ မလား..ဘာတွေများ မအား
လည်း မသိဘူးနော်...ဟင်းဟင်း "
" သားမှာက အရေးကြီးတဲ့အလုပ်ရှိနေတယ်လေ...အဲ့ဒါက လူ့အသက်တစ်ချောင်းကို
ကယ်ရမှာ..."
ဂျွန်ဟွာအင်း၏ ခနဲ့မှုကို ယူဆိုရာက
အေးဆေးစွာတုန့်ပြန်သည် ။
" အရေးကြီး---"
ဂျွန်ဟွာအင်းသည် ထပ်၍ အချေအတင်
ပြောရန် ပြင်လိုက်ပေမဲ့ သူမ တစ်စုံတစ်ခုကို
သတိရသွားသည် ။
JungKook...
" ဟို ဆိုရာ ခဏလေးစောင့်ပေးပါနော်...
ကျွန်မ အရေးကိစ္စလေးတစ်ခုကြောင့် ဖုန်း--"
YOU ARE READING
Ashes Of Burning Desire
Hayran KurguP.J.M × J.J.K Desire is the ficere inferno that will burn you down, leaving nothing but ashes and ruins.
