Unicode
ဘယ်နေရာကြည့်ကြည့် စိမ်းနုနုမြက်ခင်းတွေက အဆုံးမရှိ ။ နေရောင်သည် ပူပြင်းစွာ မဟုတ်ပဲ ခပ်နွေးနွေးလေး ဖြာကျနေသည် ။
လေနုအေးသည်လည်း တဝှေ့ဝှေ့နှင့်မို့
သူ့ ဆံနွယ်ရှည်တွေသည် ခပ်လွင့်လွင့် ။
သူသည် ယခု အရိပ်ကောင်းသည့် အပင်အောက်တွင် ထိုင်နေခြင်းဖြစ်သည် ။
ပတ်ဝန်းကျင်ကို ကြည့်ပြီး သူ့ပေါင်ပေါ်ကို
ကြည့်လိုက်တော့ ငြိမ်းချမ်းစွာ အိပ်ပျော်နေသူ။
တကယ်ပါ ၊ စိတ်အပန်းဖြေရအောင်ဆိုပြီး
သူ့ကို ဒီနေရာလေးကို ခေါ်လာခဲ့တဲ့သူက
အခုတော့ ကိုယ်တိုင် စိတ်အပန်းဖြေပြီး
သူ့ပေါင်ပေါ် ခေါင်းအုံးကာ အိပ်ပျော်သွားသည်။
" Jeon..မောင့် Jeonလေး..."
ပေါင်ပေါ်မှာ အိပ်ပျော်နေတဲ့ အမျိုးသားလေးကို တယုတယ ငေးကြည့်ရင်း သူ့ရင်ထဲ ပီတိတွေဟာ အတိုင်းမရှိ ။ နှစ်နှစ်လောက် မမြင်တွေ့ခဲ့ရတဲ့ ထိုမျက်နှာတော်လေးဟာ ဘယ်အချိန်ကြည့်ကြည့် ကြည့်မဝခဲ့ပါ ။
ကြမ်းတမ်းတဲ့ ဘဝတဆစ်ကို ကြုံခဲ့ရခြင်းကို
သူတွေးမိတိုင်း အထပ်ထပ်အခါခါ တောင်းပန်ချင်မိသည် ။ သူ့အတွက်ကြောင့်နှင့် သူ့ချစ်ရသူလေး မည်မျှ အပင်ပန်းခံခဲ့ရပါသနည်း ။
ထောင် ဆိုတဲ့ ခက်ခဲကြမ်းတမ်းတဲ့နေရာမှာ
ဒီ နူးနူးညံ့ညံ့ မင်းသားလေး မည်သို့ နေထိုင်ခဲ့ပါသနည်း ။ နီနီရဲရဲလက်ဖဝါးလေးတွေက
ယခုတော့ အသားမာလေးတွေ တက်နေသည်။ ဖွေးဥဥ ကျောပြင်မှာလည်း အနာရွတ်တွေ ရှိလာတာကို တွေ့ရသည် ။
အခုလို ဖြစ်အောင်လုပ်ခဲ့သည့် ချွဲဟာယွန်းကိုလည်း သူ မုန်းလို့ မဆုံးပါ ။ ထိုမိန်းမကို
သူ့လက်နဲ့ကိုယ်တိုင် အဆုံးမသတ်ပေးလိုက်
ရတာကိုပင် သူ နောင်တရနေသည် ။
ရင်ထဲမှာ အတွေးဆိုးတွေကြောင့် ပူလောင်လာသည် ။ သို့သော်လည်း လေပြည်အေး
တဝှေ့မှာတင် အပူမီးတို့ ငြိမ်းကျသွားသည် ။
သူ့ဘေးမှာ ယိမ်းနွဲ့နေတဲ့ ပန်းရိုင်းလေးတစ်ပွင့်ကို ခူးလိုက်သည် ။ နောက်တော့ အိပ်ပျော်နေတဲ့ Jeon၏ နားကြားထဲကို မသိမသာ
ညှပ်ထားပေးလိုက်သည် ။ ပန်းတစ်ပွင့်နဲ့
Jeonဟာ နှစ်သက်ဖွယ်ကောင်းမှုအတိ ။
YOU ARE READING
Ashes Of Burning Desire
Fiksi PenggemarP.J.M × J.J.K Desire is the ficere inferno that will burn you down, leaving nothing but ashes and ruins.
