ليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،،
قصه ليست كما اعتدتوا عليه من القصص معي انا الكاتبه روح
حبايبي لاتنسون تابعون الحساب والتصويت على القصة والتعليق على الفقرات اريد همتكم، توصلون القصه الف
#طفولة مسروقة #بقلم روح
غير مبري الذمه من ينشر القصه بدون ذكر اسم الكاتبة
انه الماعندي حظ بهاي دنياي انه البس المصايب توگف وياي انه المايدري منه الدنيه شتريد انه الماعنده واهس حته بالعيد
يولاند:- من وكفت السيارة وشفته نفس الشخص الي يصيح علية البارحه، اول مكالي هاي بعدج هنا كاعده انه امس شحجيت، كبل بجيت كتله عمو اخاف سئلني من شنو تخافين بابا، شكد جنت مشتاقه لهالكلمه بابا صار هواي مفتقدتها، كتله هناك هواي سيارات اخاف اروح على الاقل هنا قريب على اهلي اذا صار شي اروح ركض، اشو هذا كام يضحك، صفنت انه شحجيت شبي هذا يضحك، بعدهه دعالي بالتوفيق وراح. شكد افرح من الناس تدعيلي اتوفق (للكاتبة روح)
وهيج مر الوقت كل شويه واحد يجي يشتري مني مي او كلنس لحد الظهر شفت سياره هذا الشب مرت من الشارع الي انه بي باوعلي وابتسم رديت الابتسامه بس اكيد ماشافني لان جنت منقبه، بعدهه رجعت للبيت ومر اليوم عادي وهكذا مر اسبوع بهاي الفتره مياسه بدون ماندري جانت مسجله وي فريق كرة القدم الي يخص مدرستهم بيوم من الايام اجتنا من وقت انه بوقتهه جنت مارايحه للشغل، فجأة اندك الباب طلعت ماما جان جاي علينه حارس المدرسه بسيارته وجايب مياسين ووياهه وحده من المدرسات وماسين تصرخ تخبلنه انه وماما عليهه بعدين المدرسه كالت وهي بالتدريب واكعه على رجلهه ومتأذيه، وكالت ماجنه ندري هي مكسوره رجلة قبل فترة بعدهه سلمت المدرسه وراحت ماما كامت تحجي عليه وتصيح ام يولاند:- الى متى تبقين مهمله احس تعيب رجلج ماتفكرين بينه منين انجيب فلوس علاج وين اوديج هسه اشو اختج صايره عظم وجلد وهلكدودتهه من التعب وانتي اريد واريد وكلنه صغيره وميخالف بس تجيني كاسره رجلج مره ثانيه شسوي هسه ولكم شسوي ربي رحمت ترى ظاكت الوسعه بيه عيني ماعندي والي ماما كلش عصبت وخفت عليه يرتفع الضغط انوب وين انطي الوجه لمياسه لو الما يولاند:- ماما فدوا اروحلج كافي لايرتفع ضغطج وين اروح اني ام يولاند:-مايطكني عرج لاتخافين عليهة ابقي انتي يم اخوج يمه وانه راح اخذ هاي للمستشفى اشوف شنو يسوولهه راحت ماما ومياسين وبقين انه على نار انتظرهم للمغرب كلش الا اجو تلكيتهم من الباب ها ماما بشرو ام يولاند:- شبشر يمه الدكتور كام يصيح علينه ليش مخلينه تشارك بالفريق، عبالك انه ادري بيهه ومخليتهه كعدت ماما ومياسين بس دموعهه تصب، رحت يمهه لميتهه لحضني يروح اختج مياسين:-يولاند راح اموت من الوجع شبكتهه وكعدت اقرى عليهه ايات اخذت علاجهه بس ماكو نفس الوجع فلوس ماكو عدنه احتاريت شسوي، مر اليوم بواجي مياسين وضغط امي المرتفع ولا غفت عيني اليل كله، ثاني يوم طلعت من الصبح للشارع ابيع،مر الوقت ماكو بس كم شخص اشترى مني مر الوقت وانه كاعدة والشمس تضرب بعيوني اباوع على ايدي من خلف الجفوف المهتريات بأيدي بس الفين دينار وافكر منين اجيب فلوس علاج لأختي الصغيره منين اجيب فلوس اكل شلون بيه اليوم اذا رجعت بلا ما احصل شي ياترى ليمتا راح يبقا الحال هيج يعني ماشفت من طفولتي شي حلو، وهس مراهقتي خلصتها بالشارع رفعت راسي واني انظر للسماء جانت صافيه بس توجد كم غيمه بيضاء ابتسمت واردفت ياريت العالم بلون هالغيوم ياريت الناس كلها گلوبهه بلون هالغيمة نزلت راسي وبعدهه سمعت وقع اقدام قربت مني باوعت شخص طويل وضخم حجب عني اشعه الشمس بجسمه انحنى مقابيلي وكال برهان:-شلونج بابا صار كم يوم مااشوفج بالشارع كلت سمعت نصيحتي وغيرت مكانهه،بعدهه صفنت بعيونهه شفته تبجي حجيت بتسأئل،ليش بابا تبجين احجيلي اكو احد متعرضلج؟محتاجة مساعدة؟ يولاند بجيت وانه اسمعة يردد بكلمه بابا كل شويه تمنيت بابا صدك موجود ويشيل عني هاي المسؤلية، مالكيت نفسي غير وانه احجيله شنو بيه عمو تعبت منين اتلكاهه من اختي المكسورة وماعندي فلوس اجيبلهه علاج لو امي العدهه ضغط وعلاجه راح يخلص لو الاكل الي ماعندي اجيبه بشنو احجيلك والله بعدني زغيره على هذا الحمل وين اروح برهان:- الكذاب والصادق من يحجي مبين من وجهه،البنيه جانت تحجي وتبجي ومبينه كسرتهه متت قهر عليه وهي تحجي،عبالك جانت منتظره احد يكولهه شبيج حت تحجي البگلبهه كلتلهه برهان:-كومي وياي يولاند:- من كال هيج خفت،كتله شنو عمو برهان:- بابا لاتخافين كومي وياي نرجع ناخذ اختج للمستشفى خو ماتبقى هيج حاله وانه اجيب علاج امج يولاند:-لا شكرآ عمو اسفه بس ماعرف ليش حجيت ماجان قصدي اثيرك،اقصد اثير شفقتك برهان:- لج ابويه انتي شتثيرين يمعودا ترا بالي راح بعيد، بابا مجاي اشفق عليكم بس مستحيل اعوف دموعج بدون ماسويلج حل ويلا عالسريع كومي نروح البيتكم يولاند:- صفنت هس هذا اذا رحت ويا للبيت ماما تموتني تكلي منين جبتي، حجيت بلاهيه، زين وماما شكلهه منو انت غير تموتني اذا شافتني وياك، انتبهت النفسي شحجيت بسرعه خليت ايدي على حلكي بس مايفيد بعد جفصت برهان:- من حجت ضحكت كلتلهه يلا يبوي روحي للبيت وانه امشي وراج بس خل اندل بيتكم وبعدين اجي وانه اعرف شلون احلهه يولاند:- ماجذبت خبر رحت للبيت وهو يمشي وراي ماجا بسياره ماعرف ليش وصلت للبيت ولتفتت اشوفه ماكو كلت بكلبي اكيد ايجذب عليه حجه هيج لان شافني ابجي غميت نفسي على غبائي شكو تحجين وهو منو يساعد بهذا الوقت،دخلت لكيت ماما كاعده وتقرى آيات ومياسين نايمه على رجله يولاند:- السلام عليكم ام يولاند:- هلا يمه اليوم راجعه من وقت يولاند:- ماما ضل بالي عليج وعلى مياسه وجيت ام يولاند:- الله يرضى عليج ماما بس سويلكن غده ولو انتي تعبانه بس تشوفين حالي كاعده وخليتهه بحضني بس اكو وكالت تعالي وكعدت تبجي يولاند:- حبيبتي مياستي شلون صرتي،باوعتلي وبرطمت دنكت عليهه بستهه ورحت للمطبخ احتاريت شسوي لكيت طماطيه وبتيتايه قطعتهن وخليت عليهن مي حت يصيرن هواي وسويتهن مركه وخبز عدنه لان اكو مريه جبيره بالعمر من شافت حالتنه كالت شرايج تخبزيلي باليوم بالفين لو تلاث الاف والباقي من العجين الكم ماما بوقتهه فرحت وكالتلهه هايهيه صار خليت المرگه على الطباخ الكهربائي لما استوت جبتهه الهم خلينه مياسه كوا تاكل حت تاخذ علاجهه بلكت يفيدهه اكلت واخذت العلاج رحت للمطبخ غسلت المواعين شويه واندك الباب رحت افتحه واتفاجأ ب....
#يتبع.....
#طفولة مسروقة #بقلم روح
حسابي الانستا r_25
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
