طفولة مسروقة

البارت الحادي عشر 11

كلش اعتذر منكم على التاخير جان لازم البارحه انزل البارت بس انشغلت عنكم

حبايبي لاتنسون تابعون الحساب والتصويت على القصة والتعليق على الفقرات اريد همتكم، توصلون القصه الف

#طفولة مسروقة
#بقلم روح

غير مبري الذمه من ينشر القصه بدون ذكر اسم الكاتبة

يولاند:- رجعت للبيت بالطريق مريت على السوك اخذت مسواك وعلاكه حلويات لمياسه وذكر الله وطلعت بوجهي للبيت وصلت دكيت الباب فتحته مياسه الي نزلت المسواك من يدي وحضنتهه طايره من الفرح وهيه تصيح
مياسين:-اسم الله اسم الله شبيج ولج شجاج
يولاند:- ولج استلمت الراتب وأخيرآ صار عدنه راتب راح نرتاح، دخلت لماما ومياسه راحت دخل المسواك
يولاند:- ماما استلمت الراتب حضنتهه وانه فرحانه،
ام يولاند:- اللهم صلي على محمد وآل محمد، توبس بيه وتكول ربي بناتي ماشافن شي من حياتهم مشيه عليك ابو الايتام علي وهنه يتيمات فرحنه بحياتهن

وكآن ابواب استجابه الدعاء كانت مفتوحه في تلك اللحضه، حتى صعدت تلك الدعوه الطاهره الى السماء،الدعوة التي خرجت من تلك الام التي كان همها كيف ستكون حياة بناتها القادمه، شاء الله تعالى آن يغير حياتهن الى الأفضل

يولاند:- دوامي جان بوقتهه صباحي رجعت ب12 الظهر حميت الاكل ورحت اصلي لكيت ماما كاعده على المصلايه وتدعي وكفت وراهه اصلي خلصت صلاة وشلت المصلايه ورحت للمطبخ احضر الغده تغدينه ومياسه غسلمت المواعين وانه رحت للغرفه تذكرت مانطيت الراتب لماما، رحت للجنطه اخذت الفلوس ورحت انطيهم لماما
يولاند:- تفضلي ماما هذا الراتب بس ترا اخذت منه تسوكت
ام يولاند:- لا يمه خلي عندج، انتي جاي تصرفين على البيت
يولاند:- لا ماما الراتب يضل عندج واحنه اذا نريد شي نجي ناخذ منج، اخذت ماما الراتب باسته وخلته على جبينهه وكالت

ام يولاند:- ربي بارك بهذا الرزق وضاعف خيره
بعدهه شالت 50الف وكالت (للكاتبة روح)
ام يولاند:- هاج يمه يولاند اشتريلج ملابس عندج دوام وخو ماداومين بتنوره وحده وقميص
بوقتهه ماكلت لا اخذت الفلوس وخليتهن يمي،

مرت الايام واستمريت بالدوام بس لاحضت شي، استاذ وليد عيونه عليه وين ما اروح اذا اجه يسئلني على شي يوكف يمي كلش بحيث ماتفصلنه الاشبر واحد دائمآ احاول اتجنبه واذا راد شي مني وتقرب مني احاول ابعد عنه يوم من الايام، جنت اشتغل ويمي ساره السكرتيره الي انه مساعدتهه، اجتي علينه حوراء مساعده استاذ ازهر هيه دائمآ تكعد يمنه، اجتنه تصيح

حوراء:-ولجن تعالن الحكلي راح يغمه عليه من الحلاوه ضحكتنه عليه سارة كالتلهه
سارة:- ها لازم هم شفتيلج حلو
حوراء:- افف يمه لو تعرفين منو يمنه هسه،
ساره:- منو مثلا
حوراء:- وهيه تحجي بحلمانيه، استاذ برهان
فزيت من يمي معقوله هوه نفسه بس جابه على هذوله همه محامين، معقوله متورط بشي وجاي يشوف محامي خطيه، ربي يبعد عنه كل مكروه مايستاهل هواي ساعدنه، فززني صوت حوراء
حوراء:- ها ساره اشو شفتج انتي راح يغمى عليج من سمعتي استاذ برهان هنا
ساره:- انجبي وكوليلي راح يجي يم استاذ وليد لو لا
حوراء:- اكيد يجي يا مره اجه وما مر بستاذ وليد
هسه يجي واشبعي منه شوف بس مو تروحين تحضنينه