لاتنسون التصوت ومتابعه الحساب والتعليق على الفقرات
#طفولة_مسروقة
#بقلم روح
يوزر الواتباد R_oh98
غير مبري الذمه من ينشر القصه بدون ذكر اسم الكاتبة
لقد كان عوض الله جميل حين وهبني قمرً وانا كنت اتمنى النجمة
يولاند:- كالو راح يدخل العريس احس الرجفه لزمتني رفعت راسي شفته دخل وتلكته عمتي بالهلاهل والهوسات ، جان طالع كلش انيق لابس قاط اسود وقميص بلون بدلتي سمائي، طالع يشق شق
وصل يم الكوشه الكاعده عليهه كمت وكفت تقرب مني خله ايده ورا راسي وسحبني اله باسني من راسي وكال
برهان:- الف مبروك النه يروحي
يولاند:- كوه كتله، الله يباركلك
برهان:- شبيج راح تموتين من الرجيف شجاج
يولاند:- هاا لا مجاي ارجف
برهان:- ايي واضح عليج
يولاند:- ضليت ساكته شويه وجابت عمتي الذهب وكالتله لبس عروستك بده يلبسني برهان لبسني الحلقه وباس ايدي واجه دوري اللبسه الحلقه مالته رفعلي ايده ولبسته اله للنص وكفت وهو كملهه
بعدهه لبسني محبس طلعه من حيبه جان هديه الخطوبه، وبده يلبسني الكلاده دنك يم رقبتي وسد القفل وبعدهه اخذله بوسه خطف من تحت اذني احس متت من المستحه، بعدهه قطعنه الكيكه وكالوله خلي تقرب منهه، حجيت بگلبي هوه لازك بيه شيتقرب بعد
خله ايدة ورا ظهري وانتبه لظهري عاري التفتلي مالتفتتله ميته من الفشل، النوب كام يمشي ايده على ظهري ويضحك بوقته گرصته من خاصرته اله فك مني
صورنه وطلع وبدت الحفله مات النسوان بنات اقاربهم ذبن لحم ومياسه تركص وياهن تكول عرس ابن عمي
امي واكفه يمي وكل شويه تبوسني وعيونهه مدمعه
خلصت الحفله وراحت الناس صعدت ابدل شويه اتصل مبايلي رقم، عفته خلصت الرنه وصلت رساله
لاتبدلين انتظريني شويه واجيج
عرفته برهان صدك ضليت انتظره، مرت عمي فراس بلشت بالعشه كامت وياهه مرت عمي وماما ومياسه كلهن تساعدن
انه ضليت فوك شويه واجتني مياسه تركض كالت برهان
ينتظرج بالاستقبال
يولاند:- كمت للمرايه رتبت نفسي استحيت انزل كدام ماما ونسوان اعمامي بس مياسه كالت بالمطبخ اطمني
نزلت ركض من الدرج لباب الصاله وطلعت بسرعه دخلت للاستقبال وسديت الباب وراي وانه حاطه ايدي على گلبي لمن التفتت واشوف برهان كاعد على القنفه ومبايله بيده صافن عليه متت فشل من شفته
كام واجه يمي دنكت راسي من الفشله وصل يمي وكال
شبيج منو راكض وراج،
يولاند:- محد بس استحيت احد يشوفني
برهان:- واذا شافوج غير جايه على زوجج، شو تعالي
أنت تقرأ
طفولة مسروقة
Romanceليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،، قصه ليست كما اعتدتوا عليه من القصص معي انا الكاتبه روح
