طفولة مسروقة

البارت الثالث عشر 13

گليباتي لاتنسون التصويت والتعليق على الفقرات

#طفولة مسروقة

#بقلم روح

#يوزر الكاتبه R_oh98

غير مبري الذمه من ينشر القصه بدون ذكر اسم الكاتبة

يولاند:- انتظرته هواي تأخر كلش ضليت اكل بأظافري اخاف تعاركو، وعيني على باب العماره شويه واشوفه جاي اله جريت نفس، صعد بالسياره وشمر الجنط ثنينهن بالكرسي الوره، شويه والتفتلي

برهان:- ارتاحيتي ست عجبج الي صار مو؟؟!
يولاند:-ضليت على سكتي ماحجيت ولا كلمه، ضل يسوق ويتأفف، شويه وكال اتعلمي بابا تعلمي من واحد اكبر منج ينصحج بشي اخذي النصيحه، اجيت وكفت على راسج وكتلج كومي امشي وياي،هذا المكان مو مناسب
الج، ماكو احجي وي الحايط جنت (للكاتبة روح)
يولاند:- ماحجيت ابد ضل يحجي هواي عليه لحد ما وصلنا لباب بيتنه قبل ما انزل درت وجهي اله وانه ابجي
بسرعه احجه
برهان:- بنيتي لا تخلين هذا الموقف يأثر عليج ابقي قويه تخيلي نفسج جنتي بحلم تجاوزي هاي المرحله لا تخليهه تكسرج
يولاند:- شكرآ عمو خليته ونزلت للبيت دخلت للبيت تفاجأت بيه ماما كالت

ام يولاند:- ها ماما يولاند شبيج صاير وياج شي
يولاند:- صفنت حته ما فكرت بجواب لأسئلت ماما
بعدهه كلتلهه هااا مو بطني توجعني گلش مجاي اتحمل الالم اخذت اجازه ورجعت
ام يولاند:-ياا يمه سوده عليه شبيج خاف متسممه ماكله شي من بره
يولاند:- هااا لا ماما مماكله بس مادري شبيهه
ام يولاند:- فويتي تمددي يمه بلكت هس تتحسن
يولاند:- ايي ماما هو انه راح اتمدد، عفتهه ودخلت للغرفه خليت فراشي وتمددت، اول ما خليت راسي على المخده نزلت دموعي بجيت بقهر وانه اتذكر لمساته على رگبتي طفرت من فراشي للحمام جلفت ركتبتي وجهي وكل ما اتذكر حركاته وهو فوكي اجلف اقوى وعيوني تصب ورا ساعه اندك بابا الحمام واجاني صوت ماما
ام يولاند:- ها ماما يولاند طولتي بالحمام، خفت عليج خاف طحتي بالحمام
يولاند:- مختنكه من البجي وكوه احجي، ما ما ما بيه شي هسه اطلع
ام يولاند:-اسم الله الزهره على اسمج بنيتي شبي صوتج مخنوك
يولاند:-ماما المي دخل بحلكي واختنكت، سكتت ماما، شطفت جسمي ولبست ملابسي وطلعت من الحمام بوجهي للغرفه رجعت لفراشي انام، بس منين يجيني النوم وانه اليوم لو ما ستر الله وبرهان جان الله اعلم شصار بيه اليوم وشنو حالتي هسه. نمت بش نومتي خلصت كلهه كوابيس، ساعه استاذ وليد اشوفه فوكي ساعه انه مربوطه ايديه وهو فوكي، ساعه انه بلا ملابس وهوه يباوعلي ويضحك، فزيت عركانه وريگي يابس كعدت شفت الساعه ب3 العصر شكد نايمه انه، طلعت كفشتي شكبرهه طلعت اسحل بروحي سحل من الغرفه، شفت ماما ومياسه وذكر الله كاعدين، حجت ماما
ام يولاند:- هايمه شلونج
يولاند:- الحمدلله ماما احسن
ام يولاند شو تعالي يمي اشوفج مصخنه، قبل شويه دخلت شفتج ماعندج صخونه