طفولة مسروقة

البارت الثامن عشر 18

كلش اعتذر على التأخير بس وضحتلكم السبب

كليباتي لا تنسون متابعه الحساب والتصويت على القصة +التعليق على الفقرات

#طفولة_مسروقة

#بقلم روح

غير مبري الذمه من ينشر القصه بدون ذكر اسم الكاتبة

يولاند:- من حجت عمه بسرعه رفعت عيني عليه شفته يباوعلي،
برهان:- ها بت عمي شفتي بت خالتي شرايج بيهه
يولاند صدك ضوجني من حجه هيج شبي هذا عنده انفصام شخصيه لو شنو، حجيت والله ماعرف شكللك بس البنيه حلوه ودارسه قانون بعد شتريد

عفته وكمت، من يومهه مرت عمي بدت تضغط على برهان حته تخطبله بت خالته وره فتره اسبوعين حسيت مرت عمي تغيرت وصار وجهه ثكيل علينه وخاصه انه، تحجي ويانه بثكل وصارت تنتقد على الشغل مره كالت

ام برهان:- عيوني يولاند تدرين بيه مره جبيره وماكدر على الاقل بين يوم ويوم شوفي الحديقه نظفيهه، هس اليطب علينه شيكول بيت متروس نسوان ولا وحده تكدر تنظف الحديقه

يولاند:- عمه الصبح نظفتهه
ام برهان:- ياااا شنو اجذب عويناتي غير هسه طبيت منهه وسخه كلش، انتن مثل بنياتي وآمر عليجن
يولاند:- ايي عمه صار هسه اروح انظفهه، حجيتهه وطلعت للحديقه، جانت نظيفه بس بيهه كم ورقه واجعه من الاشجار شكلت الصونده وغسلت الممر و الكراج كملتهن وجاي اسحب بالمي ودخل برهان

برهان:- اعبر لو تموتيني
يولاند:- لزمت الماسحه ورفعتهه، بس تدخل اذبحك
برهان:- اهون عليج
يولاند:- برهان والله انكسر ظهري بيهن
برهان:- يابعد گلب برهان ولايهمج هاي كعدتي بالباب لما ينشف البيت
يولاند:- ايي فدوه لمن ينشف وادخل
برهان:- طيح الله حظج بعد هالغزل تكليلي ابقه بالباب توقعتج راح تكول فدوه الك التعب ادخل وانه هسه ارجع انظف
يولاند:- ههههههه يلا ادخل
لا جديات ادخلي انتي وانه راح اسحب المي لبره، اخذ مني الماسحه وسحب المي وانه واكفه اباوعله
برهان:- ترا كلت ادخلي عن الحر مو توكفين تباوعيلي
يولاند:- ضحكت وكتله صار هسه ادخل

______________._____________

مياسه:- اليوم النتائج مالتنه وانه ميته من الخوف اعرف مجاوبه بس خايفه، امجد لحد هسه مايحجي وياي وبعده كالب الوجه ومن يشوفني يخزرني عبالك شو شمسويه كلش قللت الكعده وياهم اذا امجد كاعد اصلا ما اكعد

نزلت وانه افرك بايدي ومتوتره صاحت يولاند
يولاند:- تعالي مياسه نزلت النتائج وامجد جاي يبحث على اسمج، من الخوف مادري شسوي اجين ركض وكفت ورا امجد واباوع ويا على الشاشه بدون مافكر بشي ومن التوتر خليت ايدي على كتف امجد رفع نظره اليه باوعلي ورجع يركز بالحاسبه شويه وكال هاي مدرستج بسم الله، حجاهه وضغط عليهه انتظرنه ايحمل وانه رجليه كوه واكفه عليهن فتحت عنده ونزل الاسمي كال امجد
مياسه مصعب.... امممم ناجحه بمعدل 85
مياسه:-من كال معدلج 85 بلا شعور مني ولحد هسه افكر شلون سويتهه، لفيت ايديه على رقبته حيل
من لفيتهه دنك وياس ايديه وهنه ملفوفات على رقبته
جنت اكمز وما منتبهه الشي ماحسيت لمن حضنتني يولاند عفت امجد وحضنتهه شويه اجتي ماما حضنتني والبقيه يباركولي عمي اجه حضني وباسني من راسي
جان يوم سعيد كلش، بعدهه الكل كعد بالاستقبال شويه واتذكر الصار تذكرت شلون حضنت امجد من رقبته رفعت راسي وانه فاتحه عيوني من الصدمه باوعت لامجد يباوعلي بسرعه دار وجهه على برهان وسوه نفسه يسولف ومندمج، مدري هوه صدك جان يسولف وانه يتخيلي جان يباوعلي ، عفتهم وصعدتت فوك اغم بنفسي شلون سويت هيج شكد عيب، بس والله من فرحتي ما فكرت بشي ،