ليس اي طفوله.... هي طفولتي التي لطالما حلمت بتغييرها، طفوله أتمنيى لو آنني عشتها كباقي الاطفال لاهين في اللعب وشراء الحلوى،،
قصه ليست كما اعتدتوا عليه من القصص معي انا الكاتبه روح
تعالو معنا اليوم لنطرق الباب على احد البيوت العراقيه في احد المحافظات الجنوبية لنتعرف بذلك على قصة بطلتنا ، تلك الفتاة الصغيرة التي حاربت الفقر لتكون سنداً لعائلتها فهل ياترى تستطيع تحمل المسؤليه التي وكلها الله بها؟؟
#رواية طفولة مسروقه #بقلمي روح
غير مبري الذمه من ينشر القصه بدون ذكر اسم الكاتبة
-كاعد على الباب الداخلي للبيت وصافنه بالفراغ افكر شلون راح ندبر العيشه منين اجيب علاج لاختي المكسوره لو علاج امي الي راح يخلص فجأة انفتح الباب ودخلت خالة سعاد سعاد:- يمه يوله مايصلح تكعدين بعتبت الباب تتعطل قسمتج يولاند:- ضحكت وحجيت خاله هو شنو الي ماتعطل بحياتي حت قسمتي تتعطل سعاد:-يمه من سوالف انتي الحجي وياج ضايع وين امج اريد اشوفهه يولاند:-تفضلي خاله امي كاعده بالمطبخ يم الصوبه دخلت خاله سعاد وهي تحجي سعاد:-وانتي شعجب اليوم كاعده بالبيت مرايحه للشغل يولاند:-خاله امي ماقبلت اروح كالت ارتاحي اليوم كافي راح تموتين سعاد:-ايي والله يمه بلكت الله تحصليلج شغله زينه تعينج وتتخلصين من هذا التعب يولاند:-الله يسمع منج ااااامين خاله دخلت خاله سعاد يم امي سعاد:-شلونج عيوني خيال، مياسه شلون صارت اليوم ما هاد الوجع خيال (ام يولاند):-هلا بيج حبيبه شلونج والله شكلج خيه للفجر تبجي من وجع رجله سوده عليه فرفحت بنيتي سعاد:-الله كريم خيه حطو عينكم بعين الرحمن ام يولاند:-الحمدلله ماكول غير شي ____________________ يولاند:-ماما وخاله سعاد بالمطبخ يسولفن عفتهن ورحت اشوف اختي فتح الباب شفتهه نايمه سديت الباب و اتذكرت، البارحه اختي مياسة للصبح كاعده تبجي واني وماما مگابلينهه ونبجي عليهه مابيدنه شي نسويه الهه رجله مكسوره واخذناهه لمستشفى....... وهناك صبو رجلهه وانطوهه علاج واكو علاج مسكن كالو اطلعو جيبو من الصيدليه الخارجيه رحت اجيبه بس جان غالي واني ماعندي كتله للصيدلي ماكو ارخص منه انطاني غيره بس مافادهه وبقت الليل كله تبجي -عفتهه وطلعت للحديقه اني اسميهه حديقه بس هيه عباره عن مساحه مترين ونص بيهه كم شجرة ورد وشجره رمان كلش احبهن اروح اكعد بيهه وافكر بعيشتنه شلون راح ندبرهه المدارس راح تبدي منين اجيب مصاريفهه؟ وصلت لقرار ومامنه رجعه لان لازم اضحي علمود اختي لازم اترك دراستي. رجعت دخلت من باب المطبخ لاگتني خاله سعاد طالعه يولاند:-ها خاله رايحه سعاد:-ايي والله يمه اسلم عليكم يولاند:-الله وياج خاله رحت كعدت يم ماما شوي واذن الظهر صليت ودخلت للمطبخ احضر غده امي طابخه كعدت ارتب الاكل بعدهه كعدت مياسين من النوم لان عدهه علاج لازم تاخذه وصحت على اخوي ذكر الله يجي يتغده ذكر الله:-لولاند اني احبس بس اتبر انا استغل عنس ماخليس تعبين بعد (يولاند اني احبج بس اكبر اشتغل عنج ماخليج تعبين بعد ) يولاند:-اروح فدوه لليكول لولاند ويفكر بيهه شلته وابوس بي لما وصلنا للمطبخ تغدينه وغسلت المواعين رحت انام لان مستحيل افوت نومت الظهر عليه للمغرب كعدت لكيت امي مسويه طماطه گلي للعشه كعدنا ناكل، وهكذا خلص اليوم رحت رتبت البيت الي هو عباره عن غرفه وصاله صغيره ومطبخ وساحه خارجيه بيهه حديقه، فرشت النه يم ماما حت انام لان باجر عندي شغل ولازم اكعد من الصبح يولاند:-كعدت الساعه بالخمسه ونص صليت وقريت قرآن للساعه سته رحت للمطبخ خليت القوري على الطباخ وانتضرت يخدر صبيت جاي شربت ورحت انطيت علم لمي اني رايحه طلعت الجو يگص گص من البرد رحت للمعمل اشتريت منهم كيس كلنس واشتريت صناديگ ماي حت ابدي يومي ابيع وادعي ربي يرزقني حت اجيب اكل لهلي وعلاج لمياسين -وصلت للشارع الي ابيع بي نزلت الاغراض ورتبت صناديگ المي وبصفهن الاكلنس وكعدت انتظر بلكي احد يشتري مني شويه وكفت سيارة بيهه ولد شاب رفعن راسي اشوف شنو يريد اشو هذا صفن بوجهي، حجيت بگلبي كبر حت كبر شبيك صافن مشايف حلوات اوووي عيني شون عالم بعدهه كلت هو انتي وحده ملحه منيلج الحلاه اكيد الولد صفن يگول هاي الجلحه منو يشتري منهه بعدهه حجيت بصوت، تفضل اخي السايق:-اااااريد مي لا كلنس يولاند:-بقيت ساكته هس كلنس لو مي السايق:- ثنينهن لان عطشت حيل يولاند:-مافهمت شيحجي گبل طلعت باكيت كلنس وبطل مي وانطيته السايق:-شكرآ عيووني سكتت ومحجين شي لان هواي اتعرض لهيج مواقف بس شسوي العيشه تطلب اكول الحمدلله عاد شغله نضيفه وماتخليني انجرف عن الطريق الصحيح يولاند:-بعدهه وكفت عالم واشترت مني لحد الظهر خلص الكلنس وبقه عندي كم بطل مي رجعت للبيت وصلت للباب الحمدلله صفنت الحمدلله عدنه بيت ملك ولا نتبهذا بالايجار اصلا ماعدنه ندفع الايجار هو عيشتنه اني وعائلتي على الي ابيعه دكيت الباب طلعت ماما تفتح
ام يلاند:-هلا يمه هلا يبعد عيوني سوده عليه من الصبح لهسه بالبرد يولاند:-دخلت للبيت واني احجي يماما فدا الكم اهم شي انتو تاكلون وتشربون الحمدلله اليوم حصلت فلوس اكدر اجيب علاج لمياسه او يولاند:-اوووف يمه يمياسه ولا تكعد راحه لمن نكسرت رجلهه يولاند:-ماما عوفيهه تحس نفسهه بعدهه صغيره اصلا احنا شفنه من طفولتنه خليهه تونس روحه ام يولاند:-فوتي يمه اكيد جوعانه يولاند:-متت متت جوع يماما هيج بدي اكل نص عجل لا لا شو حميت ماما ايي شي عندج انطينيا لان جوعانننه ام يولاند:-بضحكه دفوتي يامي هس اصبلكم غدا يولاند:-احلى ام ام يولاند:-بحزن اوووف يماما كسرتي ظهرج علينه هاي سنه ونص يولاند:-من اشوف ضحكتكم هاي تسوى عندي الدنيه ام يولاند:-الله يوفقج ويدزلج اولا الحلال ويبعد عنج ولد الحرام يولاند:-بست ماما وكلتلهه احلى دعوه اسمعهه
بعدين رحت غسلت وتغدينا اني وماما واخواني وصليت ونمت الظهر لان گلتلكم ما افوت نومت الظهر ههههه للعصر گعدت لكيت خاله سعاد يمنه وكاعدات بالحديقه وماما ومياسين ومسوين عصروانيه جاي وكعك منين الكعك ماندري ههه اجيت يمهم صحت يولاند:-شنو هالخيانه تاكلون بدوني تعرفوني ام بطن مياسين:-تعالي تعالي يولا اصلا هاي يمي عزلت حصتج يولاند:-كفو من اختي الجميله الانيقه مو مثل بعض الناس احجي وباوع على ماما وخاله سعاد بسرعه خاله سعاد سحبت سلاحهه المعروف من يمهه وشمرته عليه سعاد:-الادبسزز يمته ناسينج وهاي الجذابه عزلتلج غير احنه من البدايه عازلين حصتج يولاند:-اجيت حضنتهه اوووي فدوا للخالات الي ماتنساني وهيج مرت كم يوم بسلام حتى ااجا.......
يتبع....
طفوله مسروقه #الكاتبة: روح
تابعو حسابي الانستا r_25oh
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
