❗This chapter may contain some sexual senses. Warning for readers under 16 .❗
Uni
"ငါ့ကို သတ်လိုက်တော့ "
"တကယ်လား"
နှင်းခက် အသံပြတ်ပြတ်နှင့်မေးလိုက်သည်။ လေတိုးသံ တစ်စိုးတစ်စိတောင် မကြားရပါပဲ လေထုသည် အလွန်အေးစက်လျှက်ရှိနေသည်။ သို့သော် စိမ့်စမ်းတွင် တုန်လှုပ်ခြောက်ခြားခြင်း အလျဉ်းမရှိ။
"အင်း သတ်လိုက် "
ထိုအခါမှ နှင်းခက်သည် စိမ့်စမ်း လက်ကိုလွှတ်ကာ အနီးအနားက ကုတင်ပေါ် ထိုင်ချပြီး လှောင်ရိပ်သန်းသန်း ရယ်နေလေ၏။
"စိမ့်. မင်းသေချင်တိုင်း သတ်ပေးရလောက်အောင်အထိ ငါသဘောမကောင်းဘူး "
"ဒါဖြင့် ဘာလို့ ငါ့ကို ခေါ်ခဲ့သေးလဲ။ နင်လိုလူမျိုးက ဒုက္ခပေးဖို့က လွဲပြီး ငါ့ကို သတိရမဲ့သူမျိုးမဟုတ်ပါဘူး "
"မှန်တာပေါ့ . ဘရဏီ့ကို တားစရာနည်းလမ်းက နင်ပဲ ရှိတာလေ "
စိမ့်စမ်း ၏ အကြည့်စူးစူးတွေ ဝိုင်သောက်နေတဲ့ နှင်းခက်စီ တန်းခနဲရောက်သွားတော့သည်။
"နင်တို့ဘာသာ နင်တို့ ဘယ်လိုပဲလုပ်လုပ်ငါနဲ့မဆိုင်ဘူး။ ငါ့ကို ဆွဲမထည့်နဲ့ ။ ဘာလို့အဲ့လောက် ယုတ်မာနေရတာလဲ နှင်းလက်သစ်လွင်? ဟမ် တိမ်ဝဿန်လည်း သူ့ဘဝနဲ့ သူပျော်ပါစေတော့လား? လွှတ်ထားလိုက်တော့ ဘာများ ထူးထူးခြားခြား ပြောင်းလဲသွားမှာမလို့လဲ "
နှင်းခက် သက်ပြင်းချလျက်။ ခပ်စိမ်းစိမ်းပြုံးလိုက်သည်။ ပြတင်းပေါက်ကိုဖွင့်လိုက်ပြီး လိုက်ကာစတွေနား သွားရပ်တော့ လေတွေက တဝေ့ဝေ့။
"အသွေးအသားက တောင့်တတဲ့ ဆန္ဒက လွန်ဆန်ဖို့ ခက်ခဲတယ် အချစ်ရဲ့ "
"အသွေးအသား ဆန္ဒ? အဟက်
နှင်းခက်သစ်လွင် ကိုယ့်ညီမကိုယ် ပြန်ကြိုက်မဲ့အစား ငါ့ကို စမ်းကြည့်ပါလား "
ဇက်ဇက်ကြဲ သွက်သွက်လေး။ အကြောက်
အရွံမရှိ ရဲတင်းတဲ့ အပြုအမူတွေဟာ နှင်းခက် အကြိုက်ပုံစံတော့မဟုတ်။
"တိမ့်ဝဿန့် နေရာကို အစားထိုးဖို့တောင်းဆိုနေတာလား "
ဝိုင်နီ တွေဟာ စိမ့်စမ်း ရင်တွင်းတစ်ခုလုံးကို ပူဆင်းသွားအောင်အထိ စွမ်းဆောင်နိုင်သည်။ ရီဝေဝေအကြည့်တွေ ကော့ဆင်းနေတဲ့ မျက်တောင် ထူထူနက်နက်တွေ။ မထူမပါး နှုတ်ခမ်းဖျားလေးက ပြုံးယောင်လေး သန်း လိုက်ရင်ကိုပင် မိန်းမချင်းတောင် စွဲမက်ဖွယ်။
YOU ARE READING
Candy?
Fantasy"သကြားလုံးမကြိုက်ပဲ ဘာလို့ သကြားလုံးစားနေတာလဲ " "တစ်စုံတစ်ယောက်ကို အလွမ်းဖြေဖို့ " "တော်တော်လွမ်းနေတယ်လား? " "အင်း တော်တော် လွမ်းတယ် " Friends to lovers ဇာတ်လမ်း လေးတစ်ပုဒ်ဖြစ်ပါတယ်။
