ភរិយាតំណាង

Ep10 : បើបងហ៊ានក្បត់អូន ខ្លួនប្រាណអូនក៏លែងជារបស់បងទៀតដែរ

How they look on this ep✌🏻

=============

ជុងគុកគីធ្វើមុខឡេងឡង់ ឈររេលរាលតាមសម្លឹងអ្នកម្ខាងទៀតដែលកំពុងដើរទៅបើកវ៉ាលីរើយកសម្លៀកបំពាក់។ ជីមីនត្រឡប់មកវិញជាមួយសម្លៀកបំពាក់មួយឈុតហុចឱ្យ និងមានអាវពណ៌សមួយកាន់នៅដៃផ្សេង។

«ប្តូរសម្លៀកបំពាក់ទៅ» កាយតូចងក់ក្បាលរហ័សទទួលសម្លៀកបំពាក់មកកាន់ មុននឹងដើរសំដៅទៅបន្ទប់ទឹកដើម្បីប្តូរវា។ បិទទ្វារបន្ទប់ទឹករួចរាល់ គេដាក់សម្លៀកបំពាក់នោះលើតុថ្មហើយលើកអាវមកមើលមុខ រួចទើបលើកខោមកមើលតាមក្រោយ។ វាជាអាវបិទឡេវកបត់ពណ៌ទឹកសណ្តែកដៃខ្លី និងខោកំណាត់ជើងខ្លីពណ៌ទឹកដោះគោ។ ជុងគុកគីមិនគិតច្រើនរហ័សប្តូរឈុត ពាក់អាវទើបស្លៀកខោតាមក្រោយទាំងមិនភ្លេចទីនុយ ដ្បិតអីអាវនោះធំទាល់តែពាក់ទីនុយទើបកើត។

ក្រាក..

សំឡេងទ្វារបន្ទប់ទឹកបើកធ្វើឱ្យជុងគុកគីភ្ញាក់ព្រើតរហ័សងាកទៅមើល ក៏ឃើញថាជីមីនកំពុងដើរសំដៅមករក។ ភ្នែកមូលក្រឡង់បើកឡង់ៗមើលទៅសម្លៀកបំពាក់ថ្មីរបស់នាយ។ ជីមីនប្តូរអាវក្រណាត់និងអាវក្រៅវែងពណ៌ខ្មៅចេញទៅជាអាវបិទឡេវពណ៌សរលុងធម្មតា មូលដៃអាវឡើងបន្តិចវិញ ជាយអាវនៅលើចង្កេះខោសាច់ក្រណាត់ពណ៌ខ្មៅមិនទីនុយ។