ពេលជីមីនរៀបចំខ្លួនរួច ពួកគេចុះទៅជាន់ក្រោមញ៊ាំអាហារពេលព្រឹកជាមួយគ្នា។ វត្តមាននៅតុអាហារលើកដំបូងរបស់ជុងគុកគី ធ្វើឱ្យអ្នកបម្រើគ្រប់គ្នាលួចមើលមុខរបស់គេឱ្យតែមានឱកាស ដ្បិតអីចង់ឃើញសម្រស់របស់លោកស្រីតូចម្នាក់នេះថាមើលនឹងភ្នែកផ្ទាល់ស្រស់ស្អាតយ៉ាងណា ស្អាតដូចរូបនៅក្នុងព័ត៌មានឬអត់។
ជុងគុកគីរៀបឫកពាមិនត្រូវទាល់តែសោះ ព្រោះយល់ថាការតុបតែងកាយរបស់ខ្លួនមានបញ្ហាធ្វើឱ្យគ្រប់គ្នាសង្ស័យ ដ្បិតអីម្នាក់ៗលួចមើលមកគេរហូតតែម្តង។ ការគិតផ្ទុយគ្នារវាងពួកគេ នាំឱ្យម្នាក់ៗចាប់ផ្តើមលេចចេញរឿងថ្មីៗក្នុងខួរក្បាល។ ជុងគុកគីគិតថាអ្នកបម្រើគ្រប់គ្នាកំពុងតែរកចាប់កំហុសគេ ចំណែកឯអ្នកបម្រើឯណោះបែរជាគិតថា ជុងគុកគីមិនត្រូវមាត់នឹងអាហារដែលចុងភៅធ្វើទើបញ៊ាំតិចៗបែបនេះ។
«លោកស្រីតូច អាហារមិនត្រូវមាត់មែនទេ?» សំនួររបស់អ៊ំចុងភៅធ្វើឱ្យជុងគុកគីភ្ញាក់ព្រើត ងាកសម្លឹងមុខគាត់។
«ពួកយើងនឹង..»
«អត់ទេ! វាឆ្ងាញ់ណាស់» ជុងគុកគីរហ័សកាត់សម្តីគាត់។ ពេលបានសន្ទនាគ្នាទៅមកបែបនេះធ្វើឱ្យអារម្មណ៍ម្ខាងៗមកល្អឡើងបន្តិច។ តាមពិតគ្រប់គ្នាសង្កេតមើលគេដោយសារខ្លាចអាហារមិនត្រូវមាត់ ឯគេឯណេះបែរជាគិតថាគ្រប់គ្នាកំពុងសង្ស័យលើទៅវិញ។
មនុស្សត្រូវកុហកលាក់បាំងអ្នកដទៃ ទោះជាគ្រាន់តែសម្លឹងមកតិចតួចក៏ភ័យ មានខ្លួន។
.......
«យើងមិនបានកំដរអូនដើរមើលជុំវិញទីនេះទេ អូនអាចដើរមើលដោយខ្លួនឯងឬពឹងអ្នកបម្រើបាន» ជីមីនផ្តាំផ្ញើមុនពេលឡើងឡាន។ ពេលនេះជុងគុកគីកំពុងឈរជូនដំណើរនាយនៅខាងក្រៅ។
«អូនដឹងហើយ» ជុងគុកគីងក់ក្បាលតិចៗនិងបិទភ្នែកពេលអ្នកម្ខាងទៀតឱនមកថើបមាត់របស់គេមួយខ្សឺត។ ជីមីនយកកាបូបធ្វើការពីដៃភរិយារួចឡើងឡានធ្វើដំណើរចេញទៅ។
ជុងគុកគីឈរមើលឡានបរចេញទៅមុននឹងក្រឡេកភ្នែកចាប់អារម្មណ៍ជាមួយទិដ្ឋភាពនៃបរិវេណជុំវិញខ្លួន។ ផ្ទះនេះធំណាស់ សំខាន់ពេលនេះមានតែខ្លួនមួយហើយមិនដឹងច្បាប់ទម្លាប់ទៀត។ ដើរទៅដើរមកតែម្នាក់ឯងខ្លាចតែនាំបញ្ហាដាក់ខ្លួន។
YOU ARE READING
ភរិយាតំណាង
Fanfictionជុងគុកគី បន្លំខ្លួនរៀបការជាមួយជីមីន អ៊ែលដេលមេន ជំនួសមិត្តសម្លាញ់ ដោះដូរដោយការចេញសងបំណុលទាំងអស់ដែលឪពុករបស់គេបានជំពាក់អ្នកចងការប្រាក់។ ជីវិតរបស់គេគ្មានន័យស្រាប់ទៅហើយ ទោះជារៀបការហើយជីមីនដឹងការពិត សម្លាប់គេបោះចូលសមុទ្រឱ្យត្រីឆ្លាមស៊ីក៏បានថ្វី យ៉ាងណាក៏ដ...
