مرحباً
اسمي ريم عمري ٢١ ساكنة بالمانيا.
طولي ١٦٠ وزني ٦٥ حنطاوية شعري بني وطويل.
عندي اخت (سارة) اصغر مني و اخ (اوس) اكبر منا وامي وابوية منفصلين واحنا يم بيبيتي عايشين من كركوك و امي وابوية كلمن بحالة ذابينة يم بيبيتي لااحد يجي ولا يسئل علينة واذا اجى ابوية يسمعنا انواع الاهانات والضرب وجانت توصل بي يربطنا ويبدي يضرب او يمنعنا من الاكل والشرب بحيث كرهت شي اسمة عائلة وحتى منعنا من الدراسة وامي نحاول نتواصل وياها ترفض تكول اني اسست حياتي ابتعدو مني خلوني سعيدة!
مرت ايام وضع البلد صار من سوء الى اسواء والعالم بدت تهاجر وتبيع كلشي بسعر رخيص حتى يصير الهم مبلغ ويهاجرون وجنت اتمنى اهاجر وياهم واخلص من حياتي مع عائلتي المتفرقة.
يوم من الايام ابوية شافني بالسطح اشر ملابس مااحس الا ابوية لازمني من شعري ويسحل بية ونزل بية ضرب يكول ويامن فوك! وين ضميتي ؟ بابا بس دقيقة خلي افهمك بدون تفاهم حبسني وضربني وجبر اخوية يضربني وحتى حرق اجزاء من جسمي وخلاني بدون اكل وشرب وراح يم صاحبتة.
واني كمت وغسلت وجهي وبقيت افكر لحد
مااجى اليوم الي اتخذت اصعب واحلى قرار بحياتي!
قررت اهرب واني ماعندي لاجواز ولافلوس وعمري اقل من ١٦ سنة
بيبي: ريم كومي اكلي شي اغسلي وجهج لاتتقهرين يضل ابوج
ريم: لا بيبي عادي انتي روحي نامي اني اكل بعدين.
انتضرت الكل تنام وجبت جنطة مدرستي وخليت كم قطعة ملابس ورحت ع القاصة مالت بيبي واخذت ذهبها وفلوسها واخذت جنسيتي وتوجهت لغرفتنا رحت ودعت سارة وشفتها نايمة ومن تقربت عليها كعدت
سارة: ريم شبيج تبجين ليش تبوسيني
ريم: لا حياتي ماابجي مجرد حبيت ابوسج شنو مايصير ابوس بزونتي الحلوة
سارة: ريم اني احبج ابد لاتعوفيني اخاف من كلها حتى من اوس لان بابا علمة يضرب بينة.
ريم: لا لا حياتي بالعكس اني راح اطلعج من هذا العذاب
سارة: ريم شنو هاي الجنطة وليش مغيرة ملابسج.
ريم: سارة حبيبتي بزونتي لاتخافين اني راح اطلعج من هذا العذاب راح ننقذ نفسنا اني راح اسافر وبعد فترة اجي اخذج
سارة: ريم ريم لاتعوفيني ماكدر وحدي بدونج ريم اخاف من بابا وين تعوفيني.
ريم: والله مااعوفج اروح فدوة لدموعج اجي اخذج بس خليني اروح ولاتكولين لااحد شفتيني والا راح يرجعوني وهم يضربوني
سارة :لا لا ماكول لااحد بس لاتعوفيني وتطولين علية
بعد الوداع رحت توجهت لكراج الشمال وطريقي الى زاخو وبوجهي كعدت ويا عائلة على اساس اني بنتهم حتى لااحد يسئلني وين اهلج والعائلة سئلتني انتي وين اهلج بصوت ناصي كلت اني بنت السايق وبعدها مشينا والطريق عبارة عن سيطرات وتشديد وتفتيش واني اضم نفسي بضهر العائلة ويشوفوني طفلة محد يكول هاي منو عبالهم بنت العائلة وصلت زاخو ضليت صافنة وافتر وين اروح واني دموعي ماوكفت طول الطريق وبقيت ادعي الله ينقذني ويطلعني من الي بي وظلم اهلي بعدها شفت عائلة طلعت وبيدها جنط ملابس بقيت اراقبهم وشفتهم مشو نص الطريق وراها صعدو سيارة هنا انهاريت بجي حسيت نفسي ضعت وراها شفت مجموعة وصار عندي امل راقبتهم وتوجهت ويا بعض ناس جانو يعبرون بصورة غير شرعية الحدود عن طريق الغابات وبقيت امشي وراهم اتبعهم بدون علمهم ووصلت الحدود التركية وكلها عبرت الا اني شافوني حرس الحدود بقيت اتوسل بيهم يعبروني حجيت قصتي ماصدكوني ورادو يخابرون الشرطة هنا كلت خلص ريم انتهيتي راح ترجعين وابوية يقتلني بعدها بسرعة اجتني فكرة...
يتبع....
