الو..... الوووو
احجي بصوت رجفة وجسمي يرتعش
ريم : بزونتي حبيبتي روحها لريم عمررري تسمعيني يابعد روحي!
الو بزونتي سارة عرفتيني.
واخيرررآ كدرت اوصلج بعد معاناة
سارة: منو انتي شتريدين ؟
اعتقد ماعرف وحدة بهل اسم؟
ريم: سارة اني ريم اختج شنو نسيتيني
اني اجيت اهنا علمودنا راح اخلصج حياتي
سارة: ماعندي اخت ماتت من زمان!؟
ولاتتصلين بعد!
ريم : سارة شدتحجين... الو. الو
نسد الخط.
شوف امير سدتة بوجهي ارجع اتصل شبيها سارة ليش هيج صارت شنو الي صار حتى هيج تتصرف وياي
امير: سارة اهدي شوية شبيج انفعلتي دقيقة خلي نفتهم شصاير! اخاف احد يمها وماتكدر تحجي!
هسه اخابر ابن خالتي (علي) ونفتهم اكثر.
الو ها علاوي شصاير ليش سارة رفضت تحجي.
علي : ها حبيبي امير والله مادري جانت رافضة قطعيآ تحجي ويا ريم الا نور (زوجة علي) ضغطت عليها يلة قبلت
ريم: انطيني الموبايل... علي الله يخليك ابوس ايدك اشبيها اختي
علي: اني ماعرف شي نور جانت يمها
ريم: انطيني نور ابوس ايدك
نور: هلاو حبيبتي والله ياريم دخلت لبيت اهلج ماكو احد بس بيبيتج واختج واني موظفة بدائرة الكهرباء وبحجة عطل بساعة بالكهرباء دخلت لبيتكم وطلبت من بيبيتج اوراق ووصولات حتى الهيها واستغل الفرصة ويا سارة.
ومن حجيت لسارة كلت اختج ريم راح تحجي وياج نصدمت وكالت اني ماعندي اخت بهل اسم وماعرف تقصدين منو.
وكل ماجنت احاول اجيها بغير طريقة ترفض
لحد ماكلتلها اختج بالغربة بس اسمعي شتكولج
وسمعت صوتج وسدت الموبايل وكالت بعد لاتجين وخلي هاي تديح هناك لاتتصل بعد ولاتحاول تتواصل وياية كوليلها ماتت من زمان.
ريم: سديت الموبايل وبدون كلام دخلت جوة ودموعي تجري وامير حاول يحجي وياي رفضت احجي وسديت الباب بوجهة ودخلت ع البيت كسرت كولشي من الصدمة بقيت اصيح وابجي وااحاول افتهم سارة ليش رفضتني! ؟
بقيت افكر اني طول هاي السنوات تعذبنا سوية واجيت للغربة علمودها وجنت منطيتها امل.
شنو الخلاها ترفضني اني لازم ارجع اتصل بيها حتى اعرف شنو الموضوع مستحيل استسلم!
بعد مرور اسبوع
امير: سارة افتحي الباب ترا هذا مو حل هيج تسوي ليش ماتجاوبين ع اتصالاتي ورسائلي.
ريم:فتحت الباب امير اني اسفة حضنتة وبجيت
وهو حضني حسيت انتمي لهذا الشخص حسيت راح تربطني علاقة بي حسيت شعور ماحسيتة من قبل.
امير :( دكات كلبي تزيد اني اول مرة كلبي يدك هيج لاابنية احس شعور غريب يمكن بديت احب)
ريم اهدي لاتبجين خلص!
راح نرجع نتصل ونتصل لحد مانفتهم السالفة
ليش تفكرين بسلبية.
وبعد محاولات ومساعدات من علي كدرنا نوصل لسارة عن طريق نور.
نور: الو ريم وياج وكت قليل احجي ويا سارة وتفاهمو اني راح الهي بيبيتج.
ريم: يابعد عمري سارة تسمعيني...!
شنو الي صار وغيرج علية
ولج اني اجيت لااهنا علمودج علمو نخلص من عذاب ابونا وظلمة.
سارة: لاتحجين على ابوية هيج.
اصلا انتي عفتيني ورحتي وانتي وحدة جذابة.
خلصتي نفسج وعشتي حياتج.
اصلا ابوية كال انتي سبب طلاق امي.
وانتي سرقتي فلوس بيبي
وانتي نزلتي راسنا
وانتي رحتي وعفتينا.
وانتي عار علينة
انتي ميتة بالنسبة النا.
ريم : بقيت مصدومة..
سارة شنو هذا الكلام والله جذب حياتي شنو ماتصدكين بية.
الو. الو
نور: الو ريم.
اختج رافضة قطعيآ تحجي وياج الظاهر ابوج وبيبيتج تارسينا حجي ومغيرين عقلها.
ريم : امير اني لازم ارجع للعراق.
اني تحملت هذا العذاب كلة علمود اختي وبالاخير اخسرها لا لا مستحيل.
امير: انتي شدتحجين اصبررري شبيج
راح تخسرين الاول والتالي بهذا تصرفاتج.
وثانيآ جايبلج خبر حلو
ريم: والله مالي خلك اسمع كولشي
امير : متاكدة! ؟
ريم : كول بلكي شي يريح كلبي.
امير : بس استاهل بوسة.
ريم : (كولش خجلت) هاي شبيك امير احترم نفسك
امير : ترا انتي كل شوية ناسية نفسج و حاضنتني
يلة ماطولها
الخبر الحلو....
موعدج بعد كم يوم حتى تستلمين بريد قرار الدولة بخصوص اقامتج صح!؟
ريم: اي اي داحجي شكو
امير : بوسة هاا!!
اشاقة اشاقة
صديقي غششني وكال اخذتي اقامة 5 سنوات
ريم: احلف كول والله حضنتة قوي جريت خدودة وانطيتة بوسة
امير : الله هاي احلى بوسة من صديقتي. يلة هسه بدلي خلي نطلع.
وراها لازم نختار يوم حتى تكملين دراستج تتعلمين لغة وتبدين تشتغلين.
ريم : حسيت مشاعري قوية تجاه امير واريد اكولة بس اخاف اخطو هيج خطوة.
رحت بدلت....
يتبع......
