بعد ماخلصنا مهمتنا الاكبر وكلنا متوترين وننتضر خبر من سارة بس ماكو لااتصلت ولا شي.
ريم : امير حبيبي ليش لحد الان ماردت خبر سارة وماتصلت اخاف احد عرف بخطتنا؟
كولش متوترة وخايفة يارب مايصير شي لسارة.
امير : ريومتي شبيج ياروحي خايفة خلي عندج ثقة بية اني اجيبلج سارة لو اعرف شيصير خلي يصير
بدت علاقتنا تقوة اكثر واكثر ووتطور اكثر صارت عدنة ميانة اكثر حب اكثر طلعاتنا كثرت وتعرفت على سامر اكثر وطبعة كولش حباب مثل امير صرنا أصدقاء وميانة بيناتنا.
سامر : ريم صار كم يوم متوترة زيادة عن اللزوم.
ريم : افكر باختي.
سامر : والله عندج اخت و امير عندو اخ اقصد صديق افتهمتي مو هههه بقينا نضحك
كلتلة ميخالف بس خلي توصل وتفوت بحضني الله كريم بهذاك الوكت.
بعد شوية اتصلت سارة.
امير امير تعال سارة تتصل!
ريم : الو الووو سارة.
اوس : اني مو سارة هاي وينج شنو ماناوية تجين
ريم : لا ماجي غيرت قراري
اوس: هسه ذبحج صار حلال
ريم : ماسويت شي غلط كل الي ردتة امان اخلص بي منكم ومن عذابكم!
سديت الخط.
وراها بساعات اتصل نفس الرقم يارب هاي سارة لو اهلي. امير كال اسمعي الصوت بعدين احجي اذا سارة جاوبي ؟
الو ريم اني سارة
ريم : عيون ريم وين مختفية.
سارة : ماعرف استخدم الكامرة ثبتتها ونضربت عدت مرات وجنت اجي مقابيل الكامرة اوكف واخليهم يضربون بس مادري صورتني لو لا ماعرف استعملها.
ريم : عفية عليج حبيبتي هانت مابقت شي لاتخافين صورت لان هاي تلقائيآ تصور.
سارة : يمت تساعديني مضال شي ويجي الشايب يزفني.
ريم : خلي موبايل يمج بلكي اليوم كدرنة نطلعج بليل.
سارة : لا ريم بليل ماكدر ابوية من يوم الانهزمتي صاير يقفل الباب علية بقفل والمفتاح بس يمو يخاف لاانهزم.
ريم : تمام نحلها بس خليج ع تواصل.
سديت الخط وامير خابر ابن خالتة وحجالة الي صار وامير طلب ياخذ سارة ويا وجان كولش متردد ورافض الفكرة.
علي : امير مستحيل اذا اهلها عرفو اني يتهموني بتهمة الخطف مستحيل وهيا قاصر؟
امير :هيا عدها دليل قوية تتعنف من قبل اهلها لاتخاف بس حاول توصلها لااربيل.
بعد عدة محاولات وتوسل مني ومن امير وافق.
اتصلت ع سارة ماجاوبت بعد وقت قصير رجعت اتصلت بية
الو.
الو : سارة يمت يطلعون بابا و اوس
سارة : الظهر اغلب الوقت برا.
ريم : حضري نفسج هيج وكت يجي ابن خالة امير وياخذج.
سارة : ريم عفية كولش خايفة لا انلزم ويموتوني.
ريم : تريدين تتزوجين الشايب؟ تريدين تبقين تتعنفين وتنضربين؟ ماتريدين تجين يم ريومتج؟
سارة : بلي شون ماريد اصلا يومية ابجي عليج.
يلة ريم اني اروح ماعرف منو اجى.
بعد تخطيط طويل وامير اتواصل ويا مكان مادري شيكولولة هذا المكان الي اهلها يعنفونها والي حياتهم بخطر يجون لهذا المكان حتى يلكون الهم حل واذا ماالهم حل يطلعونهم خارج العراق حتى يامنون على حياتهم!
جنا كولش متوترين يارب بس هاي هم تخلص اصعب شي مريت بي يوم هروبي ويوم محاولة سارة للهروب.
اني ماريد اطلعها هجرة غير شرعية ماريد تشوف الي شفتة.
امير : حبيبتي لاتخافين كلتلج خلي عندج ثقة بية
ومابقى بس يومين على عرس سارة.
اجى الوكت حتى سارة تصير يمي.
اتصلت سارة
الو ريم ماكدر احجي بعدهم محد طالع من البيت
ماناوين يطلعون يلة باي
الو.. سا.. سدت الخط
اميررر اليوم ماتكدر تطلع من البيت اهلي بلبيت
امير : الو علي الخطة اليوم تاجلت.
ارجع ومن انطيك خبر روح
ريم : حبيبي والله كولش خايفة عليها
اخاف مانكدر نساعدها ولانكدر نجيبها يمي
امير : ريم باوعي علية اني اريد تصيرين حلالي و توافقين.
والله اني فلا امير اذا ماجيب سارة لحضنج.
تقربتلة وحضنتة وبقيت ابوس بي بحنية واباوع بعيونة بكل حب
ريم : حبيبي وصلني على بيتي ماريد اصير ثكيلة عليكم اكثر
امير : شنو هذا الكلام حبيبتي هذا راح يصير بيتج.
ريم : حبيبي مو صار كم يوم عايفة البيت وحدة مايصير ينترك اكثر واكثر.
امير: تمام حياتي ورا الغداء اوصلج.
وبعدها اروح لان عندي شغل راح انفصل من وراج هههه يومية اغيب ساعتين.
ريم : مو ذنبي انت تجي هههه
امير : شسوي عقلي وفكري كولة يمج اروحلج فدوة
ريم : فدوة لعمرك حياتي
يلة تعاي ننزل ناكل.
الاكل شنو الي بنفسك تلكي على الميز من فواكه ومن حلويات ومن مشويات وانواع العصائر والمشروبات انواع واشكال
ام امير : ليش تريد تروحين والله تونسنة وياج عليح الله عيديها.
ريم : ماقصرتو خالة الله يسلمج ياروحي الله يحفظج انتي وامير ولايحرمني منكم.
خلصنا وطلعنة بوست خالة وغميت سامر ههه لان صارت بيناتنا ميانة قوية
سامر : الا اكسر عينج واخذ اختج منج
ريم : من توصل هاي اذا كدرت هههه
امير فتحلي الباب صعدت مشينا اول مانداريت شفت باقة ورد.
امير : هاي باقة الورد لاحلى ورد.
ريم : اوووي حبيبي فديت ذوقك الله يخبلن شوف ريحتهن
امير : تستاهلين عمري.
وصلني للبيت وامير راح للشغل واني بقيت انضف وارتب وحضرت غرفة الثانية لسارة واني متأملة توصلني وفرحانة كولش بس اريد يجي هذا اليوم بعدها دخلت سبحت ورحت نمت
ثاني يوم بليل اجاني امير. طلعنا للمول واخذلي كم قطعة ملابس ومكياج ماقبل ادفع
رجعنا للبيت بقى يمي سهرانين وضحك وعركات وراها رتبت الميز جان جايب كيك وحلويات بيدة..
ثاني يوم الصبح سارة تتصل
الو ريم اني حاضرة بسرعة خلي يجي محد اكو هاي اخر يوم باجر يزفوني
ريم : اهدي حبيبتي هسه امير يخابر علي بس لاتنسين الكامرة
امير : علي يلة توكل.
علي : 10 دقايق واني اهناك.
توتر وخوف امير اكثر مني خايف ننتضر خبر شي.
يتبع......
