رحنا حتى يوصلني للبيت وطول الطريق لازم ايدي يبوس بيها ويتغزل بية جنت بسعادة ماتنوصف
يارب لاينتهي هذا اليوم فتح اغنية حب وكاعد يغنيلي خليت ايدي ع وجهي واضحك خجلانة
امير : يمة فدوة حبيبة كلبي خجلانة ولج شكد يلوكلج الخجل انتي وين جنتي مني فديت الضحكة وصاحبة الضحكة.
ريومتي اني اعشقجج ولج جنت خايف اكول اني احبج واريد تصيرين مرتي.
ليش ماكلتيلي احبك خليتي هاي الايام تروح
ريم : ع اساس قصرنا هههه
جنت خجلانة اكولك اخاف ماتحبني وتريدني لو تفكر بغير وحدة!
امير : صحيح قبل جان عندي ماينعدن يبو لاخليت السورية والالمانية والفرنسية والعراقية كل دول العالم مالكيت بيهن طعم وراحة
بس يمج لكيت راحتي
ريم : اميررر شبيك شون تحجي هيج كدامي هم جانو حلوات هم لزمت ايدهن وحضنتهن؟
امير : ريم شبيج تغارين هسه اني كلي الج.
وصلنا للبيت وتمنينة الطريق مايخلص نزلنا امير فوت تفضل
امير : لا ريم اروح مااكدر اتحمل اشوفج تحضرين ملابسج واني صافن ماكدر امنعج ولااكدر اسوي شي باجر اجي من وكت واخذج للمطار.
ريم : امير دنزل الله يخليك احس هاي الليلة صعبة علية خلينا واحد يواسي الثاني
قنعتة كوة ينزل دخلنا جوة
امير : ريوم الله يخليج فكري زين شون وثقتي بهالسرعة وتريدين تروحين اني هم اجي وياج ماخليج تروحين وحدج
ريم : امير شبيك بلكي الله هداهم علية ليش تدخل افكار سلبية بعقلي
وثانيآ شون تريد تجي وياي بلكي حجو شي يمس سمعتي منو راح يصدكنا
امير : ريم اجي بس اراقبج من بعيد اخليج كدامي عيوني من فدوة لعيونج اخاف عليج والله ماعندي غيرج اني مو بس حبيتج لا عشقتج ياروح امير
ريم : امير حبيبي ياروحي اني وعدتك ارجعلك اني بعمر صغير وصلت اهنا زلم سباع ماكدرو يوصلون لمكاني وعرفتني شكد قوية
تدري شكد مشتاقة لسارة شكد مشتاقة انومها بحضني وابوسها واوكلها بايدي ياترا كبرانة بس راح تضل نفس ماهية بعيني
امير : يلة اقوي نفسي واساعدج نلملم غراضج
يارب شيخلص هاليلة
بقيت اطلع جنطي واسفط ملابسي وهو يساعدني يخليهم بالجنطة خلصنا اجينا كعدنا بالمطبخ
طلعت كيك وعصاير ونمنميات
ريم : امير اني كولش سعيدة وياك جاي احس بسعادة ماتنوصف
امير : اني هم حبيبتي اصلا مرتاح وياج ياكل راحتي مادري يمت تخلصين سفرتج وترجعين يمي لحضني.
بقينا نتذكر ايام ماتعرفنا وواحد يضحك ع ثاني
عبالك اخر يوم راح نكعد سوية حسيت كلبي يعصرني ويوجع اكثر واكثر كلما اقترب وكت سفري!
امير : ريم والله مامرتاح لروحتج كلبي ديوجع اخاف مايخلونج تجين يمي لو ياذونج؟
ريم : وعدتك ارجع لو اعرف اجيك تهريب ههه اصلا حفظت الطريق حبيبي عادي سهل صار
امير : اي مو بهالسهولة هيا لعبة رايحة جاية مرة صادف وياج الحظ مرة ثاني الله يعلم شيصير بيج
راحت ساعة اجتي ساعة وامير عينة ماوكعت من الساعة.
بقينا نكص صور نحتفظ بيهم للذكرى ولازمة نفسي كوة حتى لاابجي وهو كذالك كوة مسيطرين على نفسنا اجيت تقربتلة كعدت بصفة حبيبي امير شبيك هيج متضايق ترا كلها كم يوم واجيك
امير : بلكي مااجتيتي وماكدرتي ترجعيلي
لو سارة ماخلتج تعوفينها مرة ثانية
ريم : لاامير حبيبي صدكني حتى لو مارضت اني اقنعها مستحيل اعوفك ترا انت دنيتي وسعادتي انت ابوية وانت امي انت عوضتني عن كولشي انحرمت منة اني باختصار الك.
امير : احبج حياتي ريومتي مرتي وحبيبتي ان شاءالله انتي من قسمتي ونصيبي ياروح امير.
اجى وكت الي اروح بي للمطار.
كولش جان صعب كوة طلعت جنطتي من الغرفة اخذها من امير وعيونة حمر كوة لازم نفسة.
صعدنة بالسيارة حبيت الطف الجو امير شوف هذا الفلتر ابو حلك ههه بقينا نصور ونضحك بس بداخلنا واحد يجر حسرة ع الثاني.
بالطريق شفنا محل مال هداية امير طبك ع صفحة كال هسه اجي
ماعرف شنو اخذ وصعد
ريم : امير شخذت حبيبي
امير : من نوصل تعرفين حياتي
وصلنا للمطار...
دخلنا لصالة الانتضار جان باقي وكت للطيارة
امير طلع الهداية الاشتراها
امير : ريومتي هاي الدب كل ماتحضنينة تذكري حضني وهاي الاسوار نسخة يمج ونسخة يمي.
هاي تبقى ذكرى يمنا.
وهاي الوردة الحمرة...
نزل للكاع ولزم ايدي تقبلين تتزوجيني
ريم : بقيت مصدومة وفرحانة ماكو شي يوصف هاي الفرحة الي اني بيها
امير اروحلك فدوة من ارجع راح اجاوبك على هذا سؤالك وحضنا بعض.
وصار الوكت حتى اروح!
باقي دقايق اطلع للطيارة موبايلي دك اهلي.
الو ؟
سارة : ريم الو! ؟
يتبع...
