رحت لبست...
بنطرون وبدي ابيض وجاكيت طويل لون قهوائي فاتح وضربت مكياج خفيف وعطر وفتحت شعري طويل.
وامير جوة ينتضرني نزلت
اول مافتحت الباب شفت امير صفن بية
امير: (انتي فتحتي الباب لو فتحتي باب كلبي ياربي بديت احبها)
هاي شطالعة ريومة تخبلين.
ريم : شكرآ من ذوقك.
امير : هسه اول شي نروح نفتررر واوديج احلى مكان بالمانيا.
رحنا بسيارتة واول ماصعدت انطاني وردة حمرة
بصراحة بديت احبة بديت اتعلق بي ياربي هذا الشخص منين طلعلي اجى اليعوضني عن ايام عمري الراحت اجى الي راح يسعدني.
مشينا وكفنا يم مطعم ماكدونالدز اخذنا كم قطعة وجبات سريعة ودخل للماركت اخذ عصاير ونمنيات وطلعنا.
كل الطريق مشغلي اغاني المانية واني مثل الأطرش بالزفة
ريم: امير ياعيوني والله ماجاي افتهم على هذني اغانيك.
امير : اي متعمد فاتح هيج حتى تاخذين نمط لغتهم.
وبقينا نتناقش ونضحك ونغني سوية
الطريق عبارة عن جهة اشجار وجهة بحر وجنت فرحانة اول مرة بحياتي احس بطعم الفرح
ياربي هذا شنو الي جاي احسة هو هذ طعم السعادة لو شنو!
امير :ريم تعرفين تسوقين.
ريم : لاوالله ماعرف اصلا اول مرة اصعد كدام.
امير : تعاي اعلمج
ريم : لا لا الله عليك خلينا نوصل بسلامة لا اذبك بنص البحر هههه
امير : عيوني فديت الضحكه شكد تلوكلج
نزلنا ع مكان شاطئ هادئ محد اكو ناس قليلة
خلينة حبشكلاتنا وكعدنا ناكل
امير: ريم غمضي عيونج وافتحي حلكج
ريم : امير ليش اخاف صرصر تخلي بحلكي
امير : يلة لعد سدي حلكج بس غمضي عيونج
غمضت عيونج حسيت نسمة هوة
نسمة نفس دافي بي حنية
اشتميت عطر فات بكلبي قبل خشمي
باسني من خدي
مامنعتة ولا كلتلة ليش
فتحت عيني وابتسمت بوجهة.
ردت احسسة بااعجابي وعندي مشاعر اتجاهة
امير: ريم تصدكين جنت اريد اخلي جبس بحلكج ومادري شنو الخلاني ابوسج اني اعتذر.
ريم : لا لا عادي وابتسامة خفيفة
رحنا تقربنا للبحر وامير دفعني للماي
ريم : اميرررر اخاف من الماي ليش هيج تسوي و ليش هيج ماجايبة ملابس هسه ابرد
امير : لاتخافين اني يمج ماعوفج
(هاي الابنية ماصارة مدة اعرفها شبسرعة دخلت بكلبي وحبيتها)
ريم : هو امي عافتني تريد انت ماتعوفني
امير : هاي شدتحجين ولج ليش تعصبيني ليش كل الناس ناقصة مثل اهلج.
اعتذر اتعصبت بس اني مو رجال اذا اعوفج بدون سبب
ريم : امير اني اخاف من هاي الي دنعيشة لان كولشي حلو مايديملي
وتصدك هاي او مرة احس بسعادة وفرح اليوم كلة كلبي يدك من الفرح.
اني اشكرك هواية وماريد نخرب يومنا.
لزمت ايدة وكلتلة اني اتمنى نبقى سوية
اصدقاء سوية دوم
(اوووف ياريت لو انت حبيبي والله كلبي ذاب بنضراتك)
امير : ريم اني اول مرة ارتاح الابنية
اني طبعي مااثق بالبنات ولاعندي وقت الهن
بس انتي فرغتلج كل وقتي.
ريم : (كولش فرحت من هيج كالي حسيت عندة مشاعر اتجاهي ارتاح كلبي).
ها امير! يعني انت ابو البنات.
امير : امشي نروح تاخر الوكت مو كت غيرة ههه
ريم: اوكف ياغيرة تعال امير وهو يركض واركض ورا وعثرت ووكعت فوكا.
تمنيت ابقى بحضنة مااكوم ضليت صافنة بوجهة وهو صافن بوجهي.
يارب هذا الشعور شنو.
كمنا نضفنا نفسنا من الاتراب وصعدنا للسيارة.
ريم : لزمت ايدة وباوعت بعيونة.
امير شكرآ ع هذا اليوم هذا احلى يوم اعيشة طول حياتي! ؟
مااعرف شون راح اردها الك.
امير : مو عيب عليج ان شاء الله دوم تلكيني يمج
ريم : امير خلي نحاول نتواصل ويا اختي.
والله كلبي مكسور منها
امير : باجر نحاول نتصل اليوم روحي نامي ارتاحي لاتخلين شي يخرب يومنا الحلو.
ريم: تمام تصبح على خير.
امير : ماكو بوسة هههه
ريم: تعلمت؟! يلة روح
رحت لاافراشي وابتسامتي واصلة لااذاني اني عاشقة لو شنو مجرد مااتذكرة اضحك
من وكعني بالماي انطاني جاكيتة
حضنتة وبقيت اشتم بي اوووف شنو هاي الريحة يارب بديت احب عبدك.
كعدت الصبح على ريحتة اباوع جاكيتة بحضني.
ابتسمت ورجعت حضنتة.
فتحت موبايلي شفت رسالة
مااوصيج لاتنسين تحضنين جاكيتي!
اميرر شنو هاي رسالة اصلا جاكيتك مويمي
امير: ها صدك؛ لو ناسية وين مخليتة!
وبعد نقاشات طويلة وضحك تاكدت بيناتنا مشاعر
ريم:امير انت وين
امير :اني بالشغل ومامسموح اراسلج وكت الدوام خلصت استراحتي اروح اني
باي.
باي.
ورا كم يوم
وصلت اوراقي ع البريد ومكتوب قبلوني اقامة ٥ سنوات طبعآ عادي مافرحت بالخبر
لان امير بشرني هههه
الباب يندك اروح افتحة اشوف منو.
اووو ورد منو ورا الورد امير انت ماكو غيرك
امير: ها عجبج.
ريم : جاي تبهرني يوم ورا يوم.
يتبع....
