امير : ريم اسمعيني اني....
اهو تلفون مايوكف منو يدك خلي اجاوب واجيج
ريم : هسه وكت تلفونك ياربي غير يحجي ويفضها شلع كلبي!!!
اجى امير متوتر وخايف.
امير : ريم اني لازم اروح خابروني امي بالمستشفى وضعها متدهور.
امشي اوصلج بالاول بعدين اروح
ريم : لا لا امير انت روح اني ارجع وحدي لاتتاخر.
خلا مبلغ ع الميز مال دفع الحساب وراح
واني طلعت وطول الطريق اتمشى واكول لو رايحة ويا. بس لا ليش اروح بصفتي شنو.
بقيت امشي مسافة طويلة افكر بسارة واهلي الي شالو كرهم الية وخلو حقد بمكانة! ؟
بقيت افكر امير شنو جان يريد يكولي معقولة يعترف بحبة الية لو موضوع ثاني
طول الوكت تفكيري شكل.
بقيت امشي وامشي بدون وعي لحد ماوصلت مكان صاير جوة جسر عبارة عن سكارة بنات وولد كلمن بيدة مشروب كحولي .
كل واحد يسحبني يكول تعاي اكعدي ويانا ويحجون بلغتهم مافتهم بالضبط شيحجون
التمو علية مثل الوحوش كلمن يجر بية واني احاول اطلع نفسي وامنعهم ماكو فايدة حتى انشك جزء من ملابسي بديت اخاف بالزايد واصرخ وادفع بيهم دخل خوف بكلبي بس اريد ابتعد منهم بأي طريقة كانت حتى ماينطون مجال اطلع موبايلي واخابر امير تعرضت لخدش والضرب حاولو يغتصبوني ضليت ادفع واضرب واصرخ وسحبت نفسي بينهم.
بهاي الدقيقة ماعرف شون الله خلصني منهم بقيت اركض وابجي بالشارع والناس تباوع علية وملابسي مشككة وجسمي خدوش واثار الضرب
لحد ماوصلت للبيت دخلت وسديت الباب وقفلتة وكعدت ورا الباب ابجي واضرب على وجهي.
نفسيتي تعبت ياربي افرجها يارب تعبت ماضلت عندي طاقة وعلى كعدتي اني نايمة.
كعدت الصبح على صوت الباب احد يدكة قوي
اخاف افتحة لا هذولاك الوحشية.
اباوع من الشباك شفت امير.
فتحت الباب بسرعة.
امير : ضليت اتصل ماكو خبر ماتجاوبني بالي ضل يمها رجعت لو لا بقيت ادك الباب شنو ماتسمعني
فتحتلي الباب انصدمت ودمي فااار
ريم شنو هذا منظرج شبيج!!!
شنو هاي الاثار على وجهج شبيهن ملابسج احجي
ريم :ركضت على حضنة وابجي اميرررر لاتعوفني امير تعبت اريد اموت واخلص اني ماعندي احد بهل حياة كلهم تخلو عني.
امير: اش اش حياتي لاتبجين بس احجيلي شنو الصار
(يارب محد سوالها شي كولة بسببي خليتها بنص اليل ترجع وحدها)
ريم : حاولو مجموعة يغتصبوني وبلكوة خلصت نفسي منهم
امير : اخ كلة مني كولة بسببي كام وضرب ايدة ع الحايط قوي اني اعتذر ريومتي اني اسف
ريم : بقيت ابجي وحاضنتة بدون واعي تعبانة كلبي يوجع امير اني تعبت مليت من هاي حياتي مابيها طعم.
اششش اششش لاتبجي امير ضرب ايدة بالحايط قوي اتاذت حيل .
امير : ريومتي اني ماعوفج ابد وعد مني سامحيني والله كولة مني خليتج تعيشين هيج موقف
سحب ايدي ويبوس بيها
امير اني اريد اسبح وانام اريد اتخطى موقف البارحة
امير : اني هنا ماعوفج لو تطرديني ماروح
رحت دخلت للحمام فتحت الدوش على ماي حار يحرك الجسم بدون احساس دخلت جوا وجسمي احترك صار احمر وبديت ابجي بدون صوت من كل كلبي.
لحد ماامير بقى يصيحني اتاخرتي اطلعي يخاف لااسوي شي بنفسي! ؟
طلعت ايدي حمرة ووجهي تعبان دايخة من الحرارة
امير : ريومتي ليش هيج جسمج حار ليش هيج تسوين بية ماتفكرين بية.
ريم : اريد انام عوفني وانت روح يم امك خطية تحتاجك
امير : امي الحمدلله زينة طلعناها من المستشفى واليوم عطلتي ماعندي شي انتي روحي نامي اني ابقى اهنا
رحت دخلت غرفتي عندي تمثال مال عائلة اشتريتة حتى يذكرني بسارة و اوس شفتة تعصبت لزمتة ضربتة بالكاع وشكو شي بالغرفة كسرتة اجى امير ع صوت اششش اششش اهدي اهدي عمري اهدي شبيج لاتخوفيني عليج
اميررر تعبت اني تعبت مليت مادري شنو طعم حياتي ماجاي احس بكولشي
امير : اني يمج اني امج وابوج اني كولشي الج اروحلج فدوة بس لاتسوين هيج بية
ريم : جرني امير ع فراشي خلاني اتمدد واجى حضني وتمدد وياي وابد مامنعتة ولاكلتلة ليش هيج تسوي بالعكس جنت محتاجة حنية محتاجة حب محتاجة احد يحن علية لان محرومة من هذا الشي
امير : ريومتي تدرين ريحتج ماكو مثلها ريحة شعرج تخبل اوووف ماريد اكوم من حضنج
مجرد ابتسمت ماحجيت شي واخذتني النومة وهو كذلك نام.....
يتبع....
