الوو.
ها سارة حياتي اني بالمطار راح اطلع
سارة : ريم اخذت الموبايل بالبوكة ابوية جبرني احجي وياج هذاك اليوم ريم ديربالج تجين ترا هاي خطة جانت رادو يجيبونج حتى يكتلونج!
ريم : بحالة صدمة بقيت شدتحجين سارة اكيد تتشاقين؟
سارة : لاوالله ياريم اني بعدني انضرب واتعنف من ابونا ريم ساعديني راح يجبرني على الزواج من واحد اكبر مني ب ٢٧ سنة علمود عندو فلوس
وراها كبل سدت الخط يمكن احد اجى او سمعها مادوي بقيت صافنة رجلية ماتشيلني.
ماعرف شصارلي من هيج كالت كبل اغمى عليه هم زين امير جان يمي فتحت عيوني لكيت نفسي بالمستشفى.
امير : ريوم حبيبتي شبيج شنو الصار وياج
شكالتلج سارة ليش تبجين احجي
ريم : اميرر تدري توقعك طلع صح واني الغبية كل ضني سامحوني ويريدوني قريبة عليهم طلع كلة تمثيل في تمثيل جاي احترك امير تفهمني داخلي جاي يحترك تعبت نفسيآ.
امير : اشش كافي محد يستاهل تنزلين دموعج علمودة يلة اسكتي صيري زينة حتى اوديج مكان عمرج ماشايفتة
ريم : امير مو وكت هذني السوالف اني لعبت نفسي من كولشي ما اريد احد يمي.
اليوم اهلي غدرو بية ياترا باجر انت هم تغدر بية
امير : ريم لا تقارنيني ويا اهلج انتي تعرفين شدتحجين تسمعين شنو جاي يطلع من حلكج! ؟
ريم : اسفة والله مو قصدي بس ثقتي نعدمت من كلها.
حسيت كلامي جان ثكيل على امير طلعنة من المستشفى وداني على بيتهم.
ريم : حبيبي هاي وين جايبني ليش موعلى بيتي اخذتني
امير : عمري ماريد تبقين وحدج اريدج كدام عيوني واني اذا ماكو كدام عيون امي.
نزلنا استقبلتنا ام امير بكل حب واحترام.
ماما ريم شوية مريضة ماحبيت تبقى وحدها بلبيت جبتها هنا
ام امير : عفية عليك وليدي زين سويت حبيبي
شوف منو يمنا اليوم.
امير : سامر لك هاي يمت رجعت من امريكا حبيبي مشتاقلك
(سامر صديق امير المقرب وام امير مربيتة من هما صغار سوية سامر اسمر طويل معضل عمرو ٢٦ كولش حلوة ملامحة)
سامر : اجيت اشوفك سمعت صايرة تطورات بحياتك وغمز لاامير
امير : سامر اعرفك هاي حبيبتي وزوجتي المستقبلية ريم
اهلا اهلا خوش صاير تختار حبيبي وجروها بضحة
ريم : امير تعبانة اخذني لمكاني
امير : ريوم ابقي نكعد ويا سامر تتعرفون اكثر
والله اعتذر تعبانة انت تعرف غمزتلة امير وين انام اريد ارتاح ماعندي خلك اسهر.
اخذني امير لغرفة الضيوف هاي فندق لو غرفة تخبل سويت كامل من حمامات وثلاجة واثاث اخر موديل وفراش جديد نضيف.
ريم : بيتكم يخبل حيل حلو شكد حلوة هاي الغرفة عبالك فندق
امير : باجر اخذلج جولة بداخل البيت
احنا عائلة كولش غنية بس داخلنة بسيط مانحب نتظاهر بالمال.
ريم : تمام امير روح يم سامر.
بعد شوية راجعلج ها؟
ضليت صافنة بكل حايط رسمة شكل ونقوشات شكل.
رحت دخلت للحمام بانيو يخبل بي انواع الماركات من الغسولات والشامبوات واني كولشي ماشايفة بقيت صافنة وافتر بس الحمام بكد غرفتي.
فتحت الكوميدي انواع المناشف وعطرهن شايل الحمام.
اخذت دوش واجيت تمددت حتى استوعب الي صار وياي.
واني بصفنتي فزيت ع حيلي تذكرت سارة من كالت ابوية راح يزوجني وبعدة يضربني.
بسرعة طلعت صحت امير امير ممكن تجي.
امير : خير حياتي شكو.
ريم : تدري ابوية راح يزوج سارة واحد اكبر منها ٢٧ سنة!؟
تدري ابوية بعدو يعذب سارة
امير : حبيبتي اهدي خلي نفكر بحل
ريم : امير اوافق على زواجنا بس بشرط؟
تجيبلي سارة.
امير : وشون اجيبها هيا لاجواز لاعدنة تواصل وياها لا شي.
ريم : بمساعدة ابن خالتك.
امير : لو اعرف تريدين اجيبلج الكمر هم اجيبة حتى تصيرين حلالي
حضنتة قوية وضليت اخذ نفس قوي من حضنة
اروحلك فدوة حبيبي الله لايحرمني منك
ثاني يوم الصبح امير كال خابري شوفي بلكي سارة تطلعلج حتى نلكي فد طريقة
خابرت محد يجاوب
رجعت خابرت سارة طلعتلي
الو الو ماكدر احجي
سارة حبيبتي راح اجيبج يمي من يصيرلج مجال خابريني.
اوس : هاي ويامن تحجين بنت الكلب (سارة)
سارة : ها بصوت توتر وخوف ريم ع الخط تكول فاتتني الطيارة
اخذ تلفون من سارة
اوس : اسمعي ولج ننتضرج احنا اذا لعبتي بذيلج تخسرين هاي الفرصة والااندمج وحياتج كلها ماتسمعين صوتنا وسدة.
بعد ساعات طويلة اتصلت سارة.
سارة : الو ريم صار عندي مجال دقايق بيبي راحت ع الاسواق واوس نايم وبابا برا طلع جان متزقنب سكران.
ريم : حبيبتي هاج امير هو الي راح يساعدج.
امير : الو حبيبتي سارة تسمعيني
اي اي اسمعك.
تكدرين تروحين لااربيل تشتكين يم العنف الاسري بس لازم دلائل وياج هناك عندي معارف واسحبج يمي.
سارة : لا مستحيل ابد ماكدر اخاف اطلع وحدي.
امير : راح ادزلح ويا ابن خالتي كامرة صغيرة تشبه دكمة ماتبين كامرة ثبتيها بمكان وراح يصور كولشي حتى يصير عدنة دليل قوي وتكدرين يمنا تصيرين اهم شي من يضربونج حاولي تجين كدام الكامرة واذا كدرتي عصبيهم وعانديهم حتى يمدون ايدهم عليج.
سارة : ريم وامير حاولو تساعدوني اسبوع الجاي راح يزوجني.
وسدت الخط مادري منو اجى.
اتواصل امير ويا ابن خالتة واشترو الكامرة.
ومن خلال نور وصلناها لسارة.
يتبع....
