بعد فترة ومراسلات ومكالمات ازداد حبي وبديت اعشقة حسيت هذا الشخص الية ينتمي
جنا يومية ماننام الا الخط مفتوح.
وراها بديت ادور على شغل شفت اعلان يريدون موضفة مبيعات ولكيت شغل بمكتب توصيل بضائع وكذا شغلات.
امير ماحب اشتغل بس اني اصريت على الشغل واعتمد على نفسي حتى لغتي تقوى اكثر!
رحت اول يوم امير وصلني وشاف شباب هواية وياية منها عراقيين ومنها سوريين.
نار ودخلت بيناتنا عيونة صارن حمر
ريم : امير شبيك تعصبت كمت تصيح علية.
امير : هاي شنووو؟
شنو هاي الشباب كل عقلج اخليج هنا تشتغلين سحبني من ايدي ويريد نطلع
ريم : امير شبيك على كيفك شنو قابل تغار علية
امير : لا اني مااغار عليج انتي مجرد صديقة بس ماحب تشتغلين
ريم : اني اريد اعتمد ع نفسي راتب الحكومة مايكفيني قابل انت تصرف علية!
امير : اي اصرف عليج وماخليج تحتاجين عود
ريم : جنت اشاقة تسلم مااحب احد يدخل بقراري وليش رافض فكرة الشغل
امير : ريم افتهمي اني مااقبل تشتغلين اهنا
واصلا جنت رافض تشتغلين
(مااحب غيري يشوفج اخاف تحبين غيري!)
انتي صديقتي العزيزة ومااريد تتعبين وعندج درسة انتبهي لهدفج.
ريم : خلص امير عوفني اليوم اول يوم ماريد اتاخر ويطردوني.
سحبني من ايدي قوي ويطلعني برا.
اميررر شبيك العالم تباوع علية اوكف هاي شبيك
جرني قوي وبعصبية
امير : اي اغار اني اغار افتهمي ماقبل غيري يشوفج اخاف احد ياخذج مني افتهمتي.
ريم: اول مرة اشوف امير عصبي وعيونة حمر ورجفة بصوتة. وفرررحت حيل من هيج كال وكلبي يدك يريد يطلع من صدري
امير انت ليش تغار اني مجرد صديقتك
امير : منو يكول.
ريم : انت كلت
امير : ريم خليني ساكت. ولاتعصبيني تعالي وياية
ريم : مااروح شتسوي سوي
امير : ريم صدكي اشيلج كدام كلها واخذج غصب
ريم : اميررر رجآ لاتدخل. خليني فرحانة بشغلي اول مرة راح اشتغل انت صديقي وابو الوكفات بس لاتمنعني بصفتك شنو!
امير : ريم وغلاوتي عندج اذا مااجيتي هسه وياي اني لااعرفج ولاتعرفيني ولهنا صداقتي تخلص وياج.
اني شنووو من كالي هيج كلبي وكع انعل ابو الشغل مستحيل اعوفك بهل غربة ماعندي احد غيرك.
ريم: امير كولشي بحياتي يروحلك فدوة مو بس اعوف الشغل.
اعوف كولشي ورا ضهري علمودك يااحلى صديق
امير : صديق د امشي ام الصديق بهاي كلامج تذوبين كلبي من فدوة لكلبج
ورحت للمدير لغيت الاتفاق وطلعت ويا
وبنص الطريق كالي عندي خبر يغير مزاجج!
جبت رقم بيبتج راح نتصل
ريم : امير صدك تحجي وداعتي ماجاي تجذب مو
يلة اتصل
اخذت الموبايل واتصلت طلع رجال.
الو منو وياية
(ياترا هذا صوت اوس يمة فدوة كبران)
الو.
الو اسمعج انتي منو.
اوس حبيبي اني ريم.
اوس : ياكلبة ياعار الا اذبحج وين مااشوفج بس توكعين بيدي اموتج انتي موتج على ايدي يصير ياوشمة عار علينة نزلتي راسنة ياسا.. قطة
ريم : اوس شنو هل كلام اني مو عار اني من وراكم نهزمت اسمعني شوف شنو احجي
اوس : احجي وين انتي يادبسز بحضن منو هسه.
دموعي بدت تجري وابجي لاتظلمي انت ابوية غير شخصيتك انت وسارة ليش هيج تسون بية.
شنو نسيتو شكد جان يعذبنا
اسمع صوت واحد يصيح طلع ابوية سحب الموبايل
بنت امج ياكلبة انتي وين اليوم موتج على ايدنا
امير سحب تلفون وسدة
واني بقيت مصدومة لاكلام ولاشي وبس دموعي تجري.
امير : ريومة حياتي لاتنقهرين اني يمج اشش اش امسحي دموعج فدوة اروحلهن
ريم : امير سمعت شكالو علية
اني وحدة ساقطة وعار عليهم
امير : سمعت اش اش لاتضلين تحجين انسي كولشي اني يمج واصدكج واعرف انتي شنو ماشنو
ريم : امير وديني للبيت اريد ابقى وحدي تعبانة احس نفسي مو بوعي ومن صدمة مااشوف كولشي
رحنا للبيت وامير دخل وياية ماحب يعوفني وحد خاف علية واول مرة يفوت لبيتي ضليت ابجي واجى حضني ويواسيني لحد ماغفيت ونمت بحضنة.
يتبع....
