رحت بسرعة واني اتأمل موبايلي اهناك.
بقيت ادور بمكان الي وكعت اوراقي وماكو!
لزمت راسي وافتر.
واسمع واحد وراية. يكول تدورين على هذا وياشر على موبايلي.
اخذتة وشكرتة عرفني على نفسة اسمو امير
وعزمني على قهوة رفضت كال احسبيها قبلتي اعتذاري.
عرفني على نفسة واني هم.
امير : اني امير عمري ٢٧ موضف بالقنصلية. اجيت لاالمانيا بعد ماتهددنا عدت مرات لان ابوية ضابط جبير ومعروف وتعرضت للاختطاف وقرر ابوية نهاجر وقبلونة كلاجئ سياسي وهسه اني عندي الجنسية الالمانية واعتبر مواطن الماني. وبعدها كملت دراستي بامتياز وحصلت على وضيفة اهنا!
انتي عرفيني على نفسج.
ريم: ضليت صافنة مادري بجمالة مادري باسلوبة وثقافتة مادري بطريقة كلامة.
امير: ريم تسمعيني؟ (هاي شبيها صافنة) بس والله شايلة جمال ذوبت كلبي بجمالها ونضرات عيونها.
ريم: ها امير اي وياك.
اني ريم عمري راح يصير ١٨ سنة! وماكملت دراسة ابوية ماخلاني اكمل رغم جنت شاطرة كولش. وخلص!
امير: انتي ليش اجيتي وحدج للقنصلية جان سوية اجيتو انتي واهلج.
ريم: (ماعرف شحجي وشكول حسيت ضربني على حلكي من كال وين اهلج).
اني وحدي اهنا بدون اهلي واجيت من السويد لاالمانيا حتى اخذ اقامة لان السويد رفضتني.
امير: صدك تحجين بهذا عمرج شون وحدج اهلج وين شون خلوج تجين وحدج وكفتي عقلي بكلامج! واصلا شون كدرتي توصلين اهنا وحدج وانتي صار ٣ سنوات باوربا.
ريم: امير لاتسئلني ليش وثانيآ انت منو حتى احجيلك تفاصيل حياتي. لا اعتذر مو قصدي شي بس تعجبت واني اعتذر على سؤالي.
اخذت موبايلي وتشكرتة وطلعت.
ضليت امشي وافكر اكول ياترا الي سويتة غلط لو لا. ليش هيج تصرفت.
مرت اسابيع واجى موعدي ويا دائرة اللجؤ شفت امير وياهم كاعد ومن شافني توتر اني هم توترت وجان وجهة ثكيل علية ماعرف بسبب تصرفي لو شنو.
حجيت قصتي كامل وحتى ذكرت اختي سارة كلتلهم بعدها تنضرب وتنهان ماكدرت اسوي شي اساعدها كالولي عندج دليل على هذا كلامج كلت لا. كالو نراجع الملف ونرسلج الرد بالبريد.
باوعت على أمير شفتة تاثر بقصتي حيل وحس بندم لان فاهمني غلط اني طلعت برا.
اجى وراية ركض
امير : ريم ريم اوكفي.
ريم : نعم شتريد.
امير : صدك هاي قصتج يعني كل هاي المعاناة والعذاب شفتي من والدج واجى عذاب اوربا.
ريم : امير رجآ لاتسئلني والله كلبي خلصان تعبانة مشتاقة لااختي اريدها يمي وفقدت بجي ووكعت بحضنة ابجي هو هم حضني بدون مااحس.
امير: كولشي راح ينحل اني راح اساعدج بس ثقي بية وحتى اذا رفضتج المانيا اني راح اتدخل واخليهم يقبلوج.
ريم: صدك تحجي. ماتكدر تخليني اتواصل ويا اختي سارة والله مشتاقتلها ميتة عليها صار ٣ سنوات ماعرف شي عليها اريد اسمع صوتها واحضنها وابجي اصلا اني اجيت اهنا علمودها
امير : احجيلي اكثر حتى اكدر اساعدج. وين بيتكم عنوانكم
ريم: اني من كركوك. وبيتنا بفلان منطقة يم فلان شارع مقابيلنا مدرسة.
امير : صدك تحجين اني هم من كركوك واندل هذا المكان ولحسن حظج عندي ابن خالتي بالاستخبارات واخلي يجيبلي معلومات اختج او يخلينا نحجي وياها
ريم : يالله صدك اجى هذا اليوم يارب امير ابوس ايدك اذا سويتها اصيرلك ممنونة الك طول عمري وبدأ اعجابي يزيد اكثر عليه. واخذت رقم امير واخذ رقمي وبرامج التواصل فيس وانستكرام وبقينا يومية نتواصل ونحاول نوصل لااختي.
بعد مرور فترة امير يتصل بية. خير ان شاء الله
امير: ريم انزلي بسرعة عندي خبرررر يخليج تطيرين من الفرحة اني انتضرج جوة.
ريم: يالله بلكي على سارة وكلبي يدك بسرعة
امير: راح اخليج تحجي ويا اختج.
كدرنة نوصللها ابن خالتي بمساعدة زوجتة دخلت على بيتكم بحجة موضفة بالكهرباء وراح تنطي الموبايل لااختج وتحجين وياها
ريم: امير صدك تحجي حضنتة وابوس بي لااراديآ فقدت.
واني كلبي يدك يدك من الفرحة ودموعي تنزل وايدي ترجف اخذت الموبايل.
الوووو....
الو.
يتبع...
