فتحت عيني لكيت امير صافن بوجهي
واني بحضنة (ماريد اكوم من حضنك جاي احس بالامان احس بمشاعري المختلطة اني بديت اعشقك)
امير : نمتي على كتفي وماحبيت اكعدج ولاكدرت اتحرك خفت لاتكومين لهذا السبب بقيت يمج اليوم.!
ريم :اعتذر مادري شون غفيت ماحسيت على نفسي.
امير : اني طالع هسه اجي.
رحت للحمامات وغسلت وجهي وسنوني وبعدني مصدومة من البارحة احس اني بحلم!
اهلي لاقبل سندوني ولا بعد.
رفعت راسي على الامراية اشوف عيوني بيها تعب.
وعندي هموم حتى جبال ماتكدر تشيلة!؟
والوجع الي بكلبي ماعتقد احد حاس بي.
بقيت صافنة على نفسي وقت طويل بالحمام
سمعت الباب يندك امير رجع
امير : ريم بالي بقى يمج ليش طولتي بيج شي!
اني رحت ورجعت وانتي بعدج جوة
ريم : فتحت الباب لزمني من ايدي واخذني للمطبخ كالي صباح الورد لااحلى ورد وبيدة وردة حمرة.
تغير مزاجي بديت اضحك وكل دقيقة يمزق علية ام خشم شكبرة خشمج وابدي اتعصب
امير : يلة ريومة تعاي نحضر ريوك اني وانتي.
ريم : امير مالي نفس انت اكل
امير : ترا اخذ الوردة.
ريم : جريتها بضحكة وبدينة نحضر ريوك اني سويت الجاي هو فتح ثلاجة طلع البيض و الاجبان لكيتة جايب فطاير وكيك ومعجنات
رتبنا الميز وكعدنة ناكل! ؟
امير : ريم اليوم بليل امر عليج ونطلع عازمج على مكان.
ريم : امير الله يخليك ماعندي خلك اطلع لمكان نفسيتي تعبانة
امير : راح اغير نفسيتج ولاتكسرين خاطري
خلصنا ريوك ورحت اغسل مواعين
اسمع صوت موسيقى وفاتح اغاني سلو.
ريم : امير شنو هاي الصوت نصي عدنة عرس
امير : فتحت تلفزيون وربطتة على موبايلي تعاي ريم بسرعة
رحت يم امير لزم ايدي وسحبني من خصري وبوسة من خدودي
امير : اميرتي ممكن نركص سوية!
ريم : امير مالي خلك
امير : ي عرفتج موافقة
اش اش ولاكلمة
بديت اباوع بعيونة ونركص سلو وجسمة يطخ جسمي ومشاعر مختلطة.
حسيت راح يغمى علية من هذا الاحساس
ودكات كلبي تتزايد اكثر واكثر!
احس كلبي يريد يطلع من صدري.
تاكدت امير هم عندو مشاعر اتجاهي من نضراتة
امير : اليوم من نطلع راح اكولج شي
بس لاتنسينة طول عمرج
ريم : مثل شنو ياترا!
امير : بليل اكولج مايصير هسه.
اني بعد شوية طالع وانتي ارتاحي وبعدها جهزي نفسج
ريم : ابقى وياي ع الغدة.
امير: لا والله ماكدر عندي شغلة اكملها واجيج بليل
راح واني نزلت ع الماركت اتسوك!
شفت اب وبنتة حاضنها ويخاف عليها من الهوة
ياربي ليش اني ابوية مايشبه البشر ولايشبه احد
ماجاي احس بضيقة الغربة لان اني جنت بين اهلي وعايشة غريبة بس اختي كسرت ضهري
ضليت اتمشى بشوارع المانيا!
شفت فستان بينسل رصاصي كولش عجبني
اشتريتة ورجعت للبيت حتى اجهز الغدة وبعدها اجهز نفسي.
رحت ضربت مكياج خفيف وحمرة ماروني وسرحت شعري وفتحتة كولش طويل.
ولبست الفستان ويا بوت اسود قصير طلعت واو
جنت بس افكر أمير شنو راح يكولي.
امير : الو ريم انتي حاضرة اني بمسافة الطريق ويمج
ريم : اي اي انتضرك.
يمة يمة كلبي راح يطلع من صدري لزمني وجع من التوتر!
امير وصل ونزلت اول ماشفني ضل صافن مانزل عينة
ريم : ها امير شونك!
امير اموري ع شنو صافن شنو شكلي موحلو
اروح امسح مكياجي!!
امير : ولج وين تعالي ذوبتي كلبي طالعة حيل حلوة انتي راح تخبليني بجمالج.
كولش خجلت بس هل مرة امير غازلني بجرائة
وصعدت اخذني لمكان صاير مطعم ع شاطئ البحر كولش حلو.
والميز عبارة عن ورد احمر واطرافي ورود
امير : شرئيج بالمكان ريومتي
ريم : يخبل يخبل هاي اول مرة اشوف هيج مكان يخبل والبحر بي اضوية كولش حلو
امير : يلة نطلب الاكل
نزل المنيو ضليت حايرة شنو اطلب
امير طلب روست بالصلصة كلت اني هم مثلك
ورا ماخلصنا اكل.
امير لزم ايدي
امير :ريم اني اريد اعترفلج بشي!!!
ريم :لزمني خوف والم بطني ودكات كلبي تتزايد احس كلبي وكع بين رجلية لزمت ايدة قوي
ها أمير اسمعك
امير :احنا صار مدة نعرف بعض ومرينا سوية ع الحلوة والمرة بهاي الفترة صح
ريم : اي اي صح
(ولك دااحجي مو كلبي راح يطلع من صدري)
امير : اني...
يتبع ....
