واحنا نايمين اسمع صوت موبايل يدك
فزيت شفت موبايلي يدك
والرقم مفتاحة عراق.. كولش خفت وتوترت
تذكرت اني دكيت ع بيبيتي من هذا رقم من اوس طلعلي كلت خلي اجاوب بس خايفة اجاوب وامير يباوع علية ونضراتة تكول لاتجاوبين.
فتحت الخط... الو ريم
الو بصوت رجفة وخوف
اوس : الو ريم ماريد اطول وياج وسارة يمي واكفة
تريدين نسامحج! ؟
ريم : ياعمري انتو اروحلكم فدوة بزونتي تسمعيني.
اي اكيد اريد تسامحوني والتقي بيكم .
اوس : ترجعين للعراق يمنا.
سارة : وبابا هم راح يسامحج تريديني انتي تجين يمي.
ريم : اني ماعرف شكوللكم احب نرجع مثل قبل بس بدون ابوية وظلمة!
اوس : لعد ارجعي.
بس يااوس اني..الوو.. سد الخط.
رفعت راسي اباوع لاامير نضراتة تكسر بالكلب
امير : ريم بس لا صدكتيهم وناوية ترجعين
ريم : امير اني ماريد اخسر اختي واخوية اني ماجنت اتوقع يخابروني اكيد مشتاقيلي ويريدوني يمهم
امير : انتي كل عقلج بهل سهولة بين يوم وليلة صارو يحبونج ويشتاقولج فكري شبيج.
ريم : شبيك امير تدخل شك بكلبي تريد تخرب بيناتنا لا هما حسو على نفسهم غلطو بحقي لهذا السبب اي لهذا السبب
كولي شون اكمل اجراءات الجواز اني اريد اليوم قبل باجر التقي بيهم صار كم سنة محرومة من سارة اريد اشوفها واحضنها مشتاقتلها موت.
امير سحبني من ايدي وكعدني بصفة
امير : ريوم اني كلتلج اساعدج واوكف وياج بكولشي بس رجآ لاتكسريني فكري بية شنو ناوية تكسرين كلبي بروحتج شنو نسيتي شسوو بيج! ؟
ريم: امير والله اني هم مايهون علية افارقك بس شسوي ماتكولي ماطالع شي بيدي هاي فرصة اجتني اخاف اضيعها.
امير : تمام براحتج اني رايح.
امير وين رايح اوكف دقيقة امير...
ماجاوبني وسد الباب وراح واني بقيت افكر بكلامهم رغم كلبي مامرتاح صحيح كلام امير ليش يخابروني فجئة وصارو يحبوني معقولة اكو سبب؛!
اي اي ماكو سبب هما يحبوني.
ليش امير هيج طلع بدون كلام شنو زعل...
راحت ايام اجت ايام كملت اجراءات الجواز واني مامتواصلة ويا امير طول هاي الفترة راسلتة كم مرة مايرد.
خابرت ع رقم بيبي طلعلي اوس.
ريم : اوس حبيبي اني راجعة بهل يومين اني يمكم
اوس: اي زين خوش كلنا ننتضرج على نار حتى عمامي
ريم : عمامي ليش
اوس : هما هم مشتاقيلج وسد الخط.
بقيت افكر وكلبي يعصرني عمامي شعليهم شجابهم بالنص هما ليش منتظريني معقولة يريدون... لا لا مستحيل ماريد افكر بشي سلبي خليني افكر من التقي ببزونتي سارة شراح اسوي يارب منتظرة هذا اليوم على نار.
اخابر امير مايجاوب. امير شبيك ليش ماتجاوب
قررت اروح ع مكان شغلة واودعة بس اول شي اروح للماركت وراها اسبح وابدل واروح يم امير
رحت لبست كيلود كابوي وبلوز ابيض وخليت عطر ومكياج خفيف وفتحت شعري سويتة كارلي
صعدت بالباص وصلني لنص الطريق الباقي كملتة مشي واني كلبي يدك اكثر واكثر.
وصلت للمكان. امير وين انت مختفي
امير : هاي شجابج اهنا شتريدين؛.
امير هاي شبيك اشو تحجي وياي بهاي الطريقة يين يوم وليلة تغيرت علية اكو شي
امير : لا ماكو شي يلة روحي عندي شغل
اباوع علية يتنفس بثكل واعصابة فايرة وداير وجهة علية.
ريم :امير اسمعني شنو اكولك اني اجيت هنا حتى
امير : ريم عندي شغل مو وكت حجي هسه يلة روحي
حسيت داخلي مردني كلبي كام يوجع لازمة دموعي كوة يعني هذا الشخص الشفت منة كل الحنية والحب هذا هم هيج تغير! ؟
تقربت علية وحضنتة اني رايحة باجر ارجع للعراق. اني كلت هاي الكلمة لو تخبل
امير : ريم شنو هذا الحجي ماكو رجعة ماقبل سحبني برا صعدني بسيارتة ويسوك بسرعة فضيعة.
امير على كيفك شبيك اوكف شبيك اميرررر كمت اصيح باعلى صوتي عليه وكف سيارة بمكان يشبه الغابة. نزلنا
امير : ريم اني اريد اكولج شي
اني احبج اموت عليج وماكدر افكر حياتي بدونج لاتروحين الله يخليج وعيونة متروسة دموع
ريم : بديت ابجي امير اني هم احبك واموت عليك وكولش صعب علية افارقك بس مجبورة اكو من ينتضرني سارة واوس.
امير : لاتصدكين بيهم هذولة عدهم شي وياج
ريم وداعتي محبتنا لاتروحين
تقربت علية ولزمتة بايديني من وجهة واعيوني بعيونة امير حبيبي اني ماراح اعوفك وعد راجعتلك حبيبي وصار بيناتنا بوس وحضن
يلة امير تاخر الوكت خلي نرجع طريقنا بعيد
وطول الطريق لازمني من ايدي ويكولي اخاف عذا اخر يوم اشوفج.
امير : خليني اجي وياج حتى اطمئن اكثر فترة ونرجع سوية.
ريم : لا حبيبي مايصير هسه يفتهمونها غير شي.
امير : ريومتي راح اوديج على اهلي اعرفج عليهم.
جنت كولش خجلانة منهم اول ماوصلنا حراس ثنين على الباب وحديقة جبيرة ومسافة مشينا بسيارة يلة وصلنا للبيت.
البيت فلة جبيرة ومتروسة حرس وخدم.
امير : ماما ماما شوفي منو اجتي تشوفج اليوم.
ام امير : ياهلا ياهلا منو هاي الحلوة تعاي بصفي كعدي ياعمري ابني امير شهل جمال منين لكيت هاي الحلوة.
ريم : كولش خجلت من هيج حجيت وياي.
عيونج الحلوة خالة تسلميلي
امير : ماما هاي راح تصير جنتج قريبآ اتزوجها .
ام امير : ياااا خير ان شاء الله يوم الهنا والسعد اصدك امير يتزوج.
ريم : اباوع ع امير خزرتة شنو زواج ولك
امير :ترا اختطفج اسكتي
ام امير : وينكم حضرو انواع الاكل والحلويات اليوم وردة ابني يمنا.
اباوع ع البيت شنو اني بقصر ديزني اباوع ع الاكل ماعرف شختار يارب اني بحلم لو بعلم
خلصنا اكل وطلعنا لبيتي حتى احضر غراضي
يتبع....
