التوتر يزيد اكثر واكثر واحنا مابيدنة شي غير ننتضر.
مرت اكثر من ساعة وماكو خبر
ريم : امير كولش خايفة اخاف لزموهم لو سارة ماكدرت تطلع من البيت
امير : حياتي اني اكثر منج خايف و متوتر لهذا اهدي وخلينا ننتظر.
مرت اكثر من ساعتين واحنا نفس الحالة وماندري شصار بسارة كدرت تطلع لو لا.
وامير يخابر ابن خالتة ومايجاوب صار عندي مغص وهبوط من الخوف وامير يواسي بية لاتخافين راح اجيبها اني كد كلمتي بس خليج هادية باختصار جان اصعب يوم بحياتي والساعة تمشي والوقت يمي مايمشي بس انتضر احد يجاوبنا ويطمن كلبي ماكو...
بديت ابجي امير اكيد صار شي ليش محد يجاوب وين سارة.
راح اتصل على بيت اهلي!؟
امير : ديربالج سارة تدخلين الشك بقلوبهم بس خلي نتحمل فد ساعة و ساعتين.
ريم :امير ماضل عندي صبرر
بس راح انتظر عسى ولعلى هسه يتصلون.
بعد ٤ ساعات خابر ابن خالة امير.
علي : الو امير تمت المهمة.
امير : الله يبشرك بالخير وين هيا هسه.
علي : سلمتها والباقي يمك.
امير: ماراح انسالك هذا الفضل طول حياتي اردها الك ان شاء الله.
اخذ راحتك عزيزي. وسد الخط.
ريم : امير داحجي راح اموت شكالك.
امير : اول شي بوستي وين.
ريم : لك مو بس ابوسك اموتك بالبوسات هم بس كولي شكال.
امير : نجحنا حبيبتي بس بقى نخابر معارفنا ونحاول نحصللها فيزة شنغن.
ريم : يعمررري اموت عليك تقربتلة وبقيت ابوس بي لحد ماوكعنا بالكاع اصلا نسيت نفسي من الفرحة.
امير : ريومتي اني مو معروف بكثرة بهاي الاماكن ودوائر الهجرة الي بالعراق
ريم : اي وشنو يعني
(لا امير بس لاتسحب نفسك بعد هاي الخطوة)
امير : شبيج حبيبتي خفتي اني كلتلج ماعندي معارف ماكلتلج اغلس على اختج! ؟
جنت اقصد اخابر ابوية وهو يتصرف بالباقي
ريم : ابوك!؟
امير :اي ابوية ليش
ريم: ماجنت اعرف عندك... اقصد ماحاجيلي على ابوك او عندك اخوات لا
امير : اكيد حاجيلج بس ناسية
ريم : لا ماناسية.
هسه مو وكت نقاشات يلة خابر اخاف اهلي يعرفون بالسالفة لازم ننقذ سارة.
امير : الو بابا حبيبي مشتاقلك صار فترة طويلة ماراجع للبيت ماتكول عندي ولد ينتضرك.
بقى يحجي ويعاتب اني افتهمت السالفة بيناتهم مشاكل خليتهم ع راحتهم يحجون رحت لغير مكان بقيت افكر بسارة واحجي ويا نفسي بزونتي ياروحي ماضل شي وتصيرين بحضني بقيت اتخيل اذا التقينا شراح نسوي وشنو موقفنا.
امير : ريم خليني اكون صريح وياج ابوية رفض يساعدني بس بعد محاولة اقناع طويلة وافق لهذا خلينا متأملين تمام عمري.
ريم : امير شوكت تخلص هل ايام بس اريد اضمن اختي يمي حتى ارتاح.
بهالاثناء اتصلو علية من البيت واني ارفض اخر شي جاوبت.
ابوية : ياساقطات يابنات الكلب هل مرة ذبحكم حلال عارات وين اخذتي اختج
ريم : هاي تربيتك مو تربية احد.
ثانيآ شدتحجي مافتهم عليك.
ابوية : من وراجن امي نجلطت واختج شلعبتي بعقلها جان ازفها باجر بس لوتريدينها مثلج بحضن هذا وهذاك ماكو واحد مالعب بيج.
ريم : عيب عليك ياظالم اذا ماسحلك بالمخافر والاسجونة مايطلع اسمي ريم سديت الخط بوجهة
امير : امشي ريم نغير جو لحد ماابوية يخابر.
ريم : بقينا نتمشى واني صافة والدنيا ضاقت بية مخنوكة من كولش متاملة اسمع خبر يفرحني
بعد فترة اتصل ابو أمير
ابو أمير : حبيبي امير تواصلت وياهم ودليلها قوي كالو نسجن الاب والاخ وهيا تحت حمايتنا تبقى ويكتبون تعهد يعني ماتكدر تجي هنا
امير : لا بابا فدوة مستحيل لخاطري حاول تجيبها
مستقبلي واكف عليها
ابو امير : ليش بابا هلكد تلح
امير : احب وحدة عاشقها وشرطت اجيب اختها يلة توافق ع الزواج
ابو امير : اي كول هذا الحجي.
لاتخاف بابا راح احاول اكثر وياهم ديربالك على نفسك
بعدها رحت للبيت بدلت وامير وداني لشاطئ البحر.
امير : عشقي انزعي حذائج وخلي رجلج على الرمل يسحب كل طاقتج السلبية
ريم : نزعنا احذيتنا وتمشينا على الرمل ولازمين ايد بأيد.
امير حبيبي هم تحب الاطفال
امير: اي كولش احب الاطفال بس ماحب اخلف هواية يحتاجلهم تربية واهتمام ونخاف نقصر بحقكهم كولش ولد وابنية
ريم : اي بس اني اسميهم ههههه
امير : بس خلي نفض شغلة سارة اريد اليوم قبل باجر اتزوجج اوووف اريد اخليج بحضني يومية
ريم : هانت ماضل شي اني هم اتمنى نعيش سوية بس امير وين تبقى سارة
امير :ريوم كل هل قصر والغرف مو بعينج اكيد ويانة بيتنا جبير وبي غرف خير من الله ماراح نخليها تحتاج شي.
ريم : وكفت لزمت ايدة شفتها باردة فتحت جفوف ايدة وبستهن حبيبي اروحلك فدوة انت عائلتي واهلي من بعد اليوم اني اهلي ميتين.
امير : فدوة لكلبج بنيتي
ريم : يلة نروح بردت انت خلي نرجع.
وصلني امير وهو راح لبيتة عندو شغل
واني اليل كلة مانايمة طلع الصبح واني بس اريد اعرف سارة شتسوي نامت لا هم خايفة لو لا
تذكرت منظرها بيوم الانهزمت من كامت تبجي علية وشعرها المنكوش. مرت ساعات تقريبآ جان عصر والجو غيم ومطر كولش كئيب الجو.
امير خابرني
الو حبيبتي كاعدة
ريم : الو حياتي ليش اني نمت حتى اكعد.
امير : بمسافة الطريق واني يمج.
خير ان شاء الله يارب خبر يخص سارة
وصل امير وكعدنة
ريم اريد اكولج شي بس لاتتقهرين...
ريم: دحجي ولك بس لا ماقبلو سارة تجي
امير : اي وهذا الي طلع بيدنة
ريم : بديت ابجي الا ارجع اني اجيبها ماعلية اريد سارة.
امير: اهدي حياتي اشاقة حصلنة موافقة اختج حصلت لجؤ انساني سارة راح تصير بحضنج.
ريم : ياحقير ليش هيج سويت بية وبديت ابجي اكثر كمت ماكدر اسيطر على دموعي.
مرت ايام اجى يوم الانتظاررر...
بدلت لبست احلى ملابس عندي سرحت شعري مكياج طوخ اجى امير وراية وتوجهنة للمطار.
ريم : امير كولش خايفة كلبي راح يطلع من مكانة.
امير : لازم تفرحين اولا تشوفين اختج من بعد سنوات وثانيآ راح تصيرين حلالي
لزمت ايدة قوي واريد الوكت يمشي حسيت كولشي واكف ببطئ يمشي
خابر سامر على امير.
سامر : امير وينك
امير : اروح اجيب سارة من المطار
سامر : ليش ماكلتلي اني هم جاي
وصلنا للمطار بقينا نباوع يمين يسار وين سارة
امير : اني مايحتاج ادور ماشايفها حتى اعرفها ههه
ريم : اوكف وياي وماعليك.
بعد شوية وصل سامر وبيدة باقة ورد احمر ضخمة
امير : اووو شنو هالورد اثكل اخوية.
سامر : ماعليك انت
ريم : امير امير هاي هاي س سا سارة (مادري شصارلي ولساني نلزم وجسمي اشتعلت بي حرارة)
سارة سارة بزونتي ركضنا وحدة على الثانية وسوية حضنا بعض ونبجي دموعنا ماوكفت حتى العالم بجت ويانا.
اباوع عليها وارجع احضنها وابوس بيها
سارة ضلت تضرب بية ليش عفتيتي بين هذولة الظلام شسويتي بية انتي.
ريم : اعتذر ياروحي والله يومية جنت ابجي عليج
سامر : احم احم مو كافي بجي راح تبجونا احنا هم بدون زحمة ريم ابتعدي هاي الورد لااحلى ورد
سارة : اوي شكرآ امير
سامر : اني سامر مو امير
سارة : اعتذر ماشايفتكم حتى اعرفكم
امير : ها بزونتنا واخيرآ شفناج اني امير نسيبكم قريبآ
سارة :امير كولش اشكرك لولاكم ماكدرت اوصل لهنا واخلص من اهلي والحمدلله نسجن بتهمة ممارسة العنف
( تسريع احداث )
بعد فترة امير عزمنا على مكان كولش حلو كلو ورود وشموع لبست فستان احمر وحمرة حمرة وشعري سويتة سرح وخليت
وسارة لبست بنطرون وبلوزة سودة ومكياج خليتلها اول مرة اخليها
ريم : ياعمري بزونتي كبرانة ولاعرفتج من شفتج الحمدلله صرتي بين حضني
امير يدك هورن يصيح يلة انزلووو
ريم : اشكت فضحتنا هسه الجيران يشتكون علينة هههه
امير جان جايب سامر ويا ورحنا لهذا المكان الي عبارة عن ورود
ورا ماخلصنا عشا وركصنا وتونسنا نطفت كل الاضوية اشتغل بس ضوة واحد متجه علينة
شفت امير طلع خاتم الماس يخبل
امير : حبيبتي اني وفيت بوعدي وهسه انتي توفين بوعدج.
تقبلين تتزوجيني وتصيرين ملكي وحلالي
ريم : اي اي موافقة نزلت حضنتة بكل حب وبدت دموعنا تنزل ولبسني الخاتم.
بعدها توجهنة لبيت امير.
امير : ماما راح نتزوج اني وريم
ام امير : الحمدلله الله استجاب دعائي واشوفك عريس يارب اشوف ولد ولدك.
رحنا بسنا ايدينها
وتعرفت على سارة وحبتها
وسامر ابد مانزل عينة من سارة كام بكل طلعة يجي حتى يحاول يتقرب لسارة بس جنت مااسمح اخاف عليها
ريم : امير وين ابوك اشو ماكلتلة
امير : ريوم اكول لاابوية بس ماعتقد يجي لان متزوج وحدة بكد بنتو مكسيكية ومسافرين لهولندا صارلهم اشهر وبيناتنا مشاكل خليهم بعيدين علمود امي.
ريم بعد أيام حددنة موعد العرس وبدينة نجهز وتحضيرات مانلحك نروح هيج ونجي هيج
رحنا واختارينا بدلات. وجهزنا غرفتنا وغرفة سارة بصف غرفتنا.
اجى اليوم المنتظر اصير حلال امير
ام امير جابت ماكيرا للبيت هما ضربولي مكياج بغرفتي حسيت نفسي أميرة حتى هما لبسوني البدلة طلعت كولش حلوة.
لسارة هم خلو مكياج ولبست فستان اسود طلعت تخبل
بعدها صار وكت العرس اجى امير ياخذني وعيونة كلهن حب ودموع اول ماشافني طالعة تخبلين حبيبتي كبل بجيت وبسنا بعض وتوجهنة للقاعة
جان احلى عرس كلها تحجي بي بعد القاعة توجهنة للشيخ كطعلنا مهر.
ورحنا للبيت دخلنا لغرفتنا حسيت دخلت ققص ذهبي من صدك مو كلام كولش سعيدة جنت وبقى طول اليلل امير يسمعني كلام حلو وكل شوية يحضن يية ويبوس
وثاني يوم العرس رحنا شهر العسل لليونان جان مكان يخبل منتجع سوينة الي بنفسنا تونسنا ورجعنا.
بعد فترة حسيت سارة توددت لسامر وهو كذالك خليتهم براحتهم خفت امنعها اكثر اذا هو رجال مثل اخو
بعد مدة جنت امشي واوكع بس ادوخ
اكل شي نفسي تلعب امير اكو شي بالاكل ليش هيج احس
امير: لا بالعكس كولش طيب اخاف مريضة
ريم : لا لا مو مريضة. اهو هم نفسي لعبت توجهت ركض للحمامات استفرغ
طلعت تعبانة دايخة
امير : ريم اخاف حامل
ريم : لا امير ماعتقد
امير : نحلل ونشوف شخسرانين
رحنا لااقرب مختبر وطلعت النتيجة بوزتف يعني ايجابية
من الفرحة امير بدا يصيح ويشيلني كدام العالم يمشي يلزم راسة ويرجع يحضني
وبشر اهلة كلهم فرحولنة جان خايف علية من كولشي.
بعد فترة سامر طلب سارة مني كال اني احبها وهيا هم بس تخجل تكولج واريد اخطبها نخلي بيناتنا شي رسمي سئلت سارة وافقت.
والحمدلله تم كولشي على خير
وبعد تعب ومعاناك وعذاب لفترة طويلة ارتاحينا والله عوضنا الي ماشفنا بيت اهلي
.
لهنا وتنتهي القصة ❤️
