Winter and Her

အပိုင်း(၁၀)

Unicode

လူတွေကပြောတယ် အချစ်ကခါးတယ်တဲ့
တကယ်တော့အချစ်ကမခါးပါဘူး
ခံစားတတ်ခြင်းနဲ့သာဆိုင်ပါသည်။
ချိုမြိန်စွာခံစားတတ်သူတွေအတွက်ကတော့ အချစ်ဟာပျားရည်‌ထက်တောင်ချိုနေမှာပဲမဟုတ်လား။

"ပါပါး အန်ကယ်မင်းသူကတမိသားစုလုံးလာပါတဲ့"
"အော်လဝန်းရှင်ဆိုတဲ့ကောင်မလေးအဖေလား...... မျက်စိအထူးကု"
"ဟုတ်တယ်ဟုတ်တယ်....ဒီနေ့သူတို့ anniversary လေ(၆)နာရီမခွဲခင်အရောက်လာပေးပါတဲ့ အဖြူနဲ့အနက် နှစ်မျိုးထဲကတမျိုးဝတ်ပါတဲ့"
"ဟုတ်ပြီ ဟုတ်ပြီ။သိမ့်ရေ"
"ကြားတယ်ရှင်ရေ"
"အေးအေး အခု5နာရီထိုးတော့မယ်ဆိုတော့ သမီးလဲပြင်တော့လေ သာယာရောလိုက်မှာလား"
"လိုက်မှာပေါ့ ဖေဖေကလည်း"
"လိုက်ရင်လုပ်လေ ဒီကောင်မလေးအားနေဖုန်းကြီး"
"ဟုတ်ကဲ့ပါ မေမေရယ်"
"လာမပြောင်နဲ့ တံမြက်စည်းနဲ့ကောက်ရိုက်လိုက်မယ်"

အန်ကယ်မင်းသူက တမိသားစုလုံးလာရန်လဝန်းကိုထက်ပြီးဖုန်းဆက်ပြောခိုင်းလိုက်ခြင်းဖြစ်သည်။
ဘယ်လိုဝတ်ရမှန်းမသိတာနဲ့ အဖြူရောင်suitနဲ့3လက်မလောက်သာမြင့်သည့်ဒေါက်ဖိနပ်ကိုစီးလိုက်သည်။
<<<<<>>>>>
ပါပါးက ဝီစကီပုလင်းဝင်ဝယ်နေတာနဲ့ ညနေ(၆:၁၅)လောက်မှဟိုတယ်ကိုရောက်သည်။မှောင်နေပြီမလို့ novotel၏မီးများကထိန်လင်းနေသည်။ဟိုတယ်အဝင်ဝတွင်လည်းပွဲရှိတာမို့အလှဆင်ထားသည်။ဟိုတယ်အရှေ့ရေပန်းများတွင် အလှဓာတ်ပုံရိုက်သူများကရိုက်၊စကားပြောသူကပြောနှင့်တွေ့ရသည်။သူမတို့ကားရပ်တော့ ကားတံခါးလာဖွင့်ပေးသည်။
"Good evening sir"
"Good evening...ကိုလှမျိုးကားရပ်ထားလိုက်နော်...ကျွန်တော်တို့ပြီးရင်ဖုန်းဆက်လိုက်ပါမယ်"
"ဟုတ်ကဲ့ဆရာ"
ပါပါးက ကားဒရိုင်ဘာ ဦးလှမျိုးကိုပြောလိုက် ယတော့ဒရိုင်ဘာကလည်းအိန္ဒြေတို့ဆင်းပြီးတာနဲ့သူ့အလုပ်အတိုင်းလုပ်သည်။

လဝန်းဖေဖေကပွဲကိုကြီးကြီးကျယ်ကျယ်ကိုလုပ်ထားသည်ဆိုရမည်။စားစရာဆိုလည်းဘူဖေးထားပေးသည်။ထို့အပြင်သီချင်းဆို ဖျော်ဖြေသည့်stageပါရှိသေးသည်။ဒါပေမဲ့ခုံမှာထိုင်နေကြတဲ့လူအတော်အများရဲ့မျက်လုံးကအိန္ဒြေ့ဆီမှာ။
မိန်းကလေးsuitဝတ်တာမမြင်ဖူးကြလို့လား၊ဒါမှမဟုတ်သူမမျက်နှာတခုခုများပေနေလား။အကြည့်ခံရတာလည်းသိပ်တာ့မထူးဆန်းပါ၊ခဏခဏကြည့်ခံရတော့နေသားကျနေပြီတောင်ပြောလို့ရသည်။နောက်တော့လဝန်းကရောက်လာသည်သူရောက်လာတော့မှစိတ်အေးရသည်။
"အိန္ဒြေ suitတွေဘာတွေနဲ့....အောင်မယ်"
"ငါဝတ်တာမြင်ဘူးရဲ့သားနဲ့"
အိန္ဒြေ suitကိုခုမှဝတ်တာမဟုတ်ပဲ16နှစ်ပြည့်မွေးနေ့ကတခါဝတ်ဘူးသေးသည်။
"ရော့သမီး...မတွေ့တာတောင်ကြာပြီ"ဟုဆိုကာ ပါပါးကနှစ်ပတ်လည်အတွက်ဝယ်လာတဲ့ ဝီစကီပုလင်းကိုပေးသည်။
"သမီးတို့ဟိုနေ့ကလာသေးတယ်...အန်ကယ်အလုပ်မှာဆိုလို့
ကျေးဇူးနော်အန်ကယ်ဟီးဟီး....အန်တီကလည်းလှနေပါလား"
"ကျေးဇူးပါသမီးရယ်"
"လာလာ....သမီးနေရာလိုက်ပြပေးမယ်။အိန္ဒြေခဏနော်"
"အေးအေး"