"ငါကြည့်တောင်မကြည့်ရဲတော့ဘူးကွာ"
"ငါကတော့အေးဆေးပဲ။ချစ်စုလွင်ပဲလေ band 6တော့ရတယ်"
ဒီနေ့က IELTS exam results ကိုကွန်ပြူတာနှင့်ကြည့်လို့ရပြီဖြစ်တာကြောင့် စစ်ညီတို့ကရင်ခုန်နေခြင်းဖြစ်သည်။ချစ်စုကလည်းအေးဆေးဟုပြောနေပေမဲ့ မျက်လုံးတွေဂနာငြိမ်မနေ။လဝန်းနဲ့ကောင်းဆက်ကတော့အသံကိုမထွက်တော့
"တူတူကြည့်ကြမယ်"
"အေး"
အကုန်လုံးကပြောကာ ကွန်ပြူတာကိုပြိုင်တူဖွင့်ကြသည်။
"တွေ့လား။ချစ်စုလွင်ပါ။7ဟ"
"ငါလည်း 7"
"ငါက 7.5"
"ငါလည်း7.5"
"ကောင်းကြီးရော"
"6.5ပဲရတယ်...အဟဲ"
ချစ်စုနဲ့စစ်ညီက7.0ရပြီးအိန္ဒြေနဲ့လဝန်းက7.5ရသည်။ကောင်းဆက်ကတော့ဖြေတုန်းက အာရုံပျံ့နေသည်ဟုဆိုသည်။
"တော်တယ်။တော်တယ်"
"ပိုးမြတ်အိန္ဒြေထွန်းပဲမလား"
"ဟုတ်ပါ့ဟုတ်ပါ့"
သွင်က'တော်တယ်'ဟုဆိုကာခေါင်းလေးကိုပွတ်သပ်ပေးသည်။နောက်တော့ဗီဗီလေးနဲ့သွားဆော့နေသည်။
သူမတို့အဖွဲ့ကတော့ထုံးစံအတိုင်း ဘာစားမလဲငြင်းနေကြဆဲ။
"ဟဲ့ကြေးအိုးလုပ်ကြစမ်းပါ"
"ဟာမစားချင်ပါဘူး။အကင်စားမယ်အကင်"
"ကော်ဖီဆိုင်ပဲသွားရအောင်"
"ကဲပါ ထစ်ခနဲရှိစားစရာလုနေတာပဲ။ဒီလိုလုပ် တို့တွေပျော်ပွဲစားထွက်ကြမလား ဆောင်းကုန်ခါနီးလေးဆိုတော့ရာသီဥတုလေးကကောင်းသလားလို့လေ"
"ဟုတ်တယ်နော်။မမသွင်ပြောတာမဆိုးဘူး"
"စားချင်တာတွေဝယ်ခဲ့လိုက်ကြ။ဒီနေ့တော့.....မင်းတို့တော်လို့မမသွင်ကဆုချမယ်လေ"
စစ်ညီတို့ကထအော်ကြသည်။သူမတို့လည်းပျော်ပွဲစားဆိုမထွက်ကြတာကြာပြီဆိုတာကြောင့်ပျော်နေကြသည်။နောက်တော့မုန့်တွေခြင်းတွေအစုံထည့်ကြသည်။
KAMU SEDANG MEMBACA
Winter and Her
Romansaဆောင်းရာသီမှာ တွေ့ခဲ့ကြ။ဆောင်းရာသီမှာ ချစ်မိခဲ့ကြ။ ဆောင်းရာသီမှာပဲ....အရာအားလုံးဟာဆောင်းရာသီမှာ..မထင်မှတ်ထားတာတွေလည်းဆောင်းရာသီမှာပဲ။ ဆောင်းဟေမာန်သွင်နဲ့။ ေဆာင္းရာသီမွာ ေတြ႕ခဲ့ၾက။ေဆာင္းရာသီမွာ ခ်စ္မိခဲ့ၾက။ ေဆာင္းရာသီမွာပဲ....အရာအားလုံးဟာေဆာင္းရာသီမွ...
