"အဲ့တာဘာကြီးလဲ အိန္ဒြေ"
"Face maskလို့ခေါ်တယ်ကိုမော်။ကပ်လိုက်ရင်အသားအရည်ကောင်းတယ် အကုန်ကပ်ကြမယ်လေ"
"အဆန်းပါလား ကပ်မယ်ကပ်မယ်"
ကိုကြီးတို့ရယ် သွင်ရယ်အိန္ဒြေရယ် ယူလာတဲ့ face maskတွေကိုကပ်နေကြသည်။ကြီးမှုန်ကတော့ ဆယ့်တစ်နာရီထိုးနေတာတောင်ဘာဇာတ်လမ်းတွေကြည့်နေလဲမသိ။
"အေးသွားတာပဲ ဟီးဟီး"
"မိုက်တယ်မလား"
"အိန္ဒြေနဲ့မှပဲဒါတွေကိုကပ်ရတော့တယ် ဟေမာန်ဆိုယူလာတာတောင်မဟုတ်ဘူး"
"လာပြီလာပြီ။ဟေမာန့်ကိုပဲခလုတ်တိုက်နေကြတယ်"
သွင်ကသူ့ကိုကြီးတွေနဲ့ဆို ကလေးဆန်သလိုထင်ရသည်။အသံကအစပြောင်းနေ၏။တင်းမာမာအသံဟာနူးညံ့နေသည်။
"အမေ့ ကပ်ပေးရအောင်"
"ဟုတ်သားပဲကြီးမှုန်ဆီသွားရအောင်"
ကြီးမှုန်ရှိတဲ့အပေါ်ထပ်ကိုတက်လာတော့ ခေါင်းကြီးစောင်းပြီးအိပ်ငိုက်နေသည်။တီဗီကသရဲကားလာေနသည်ထင်သည်။အမေလို့ ကိုကျော်ကလှမ်းခေါ်လိုက်၏။
"ဟီးဟီးအမေ"
"အောင်မလေး ရုပ်ရှင်ထဲကသရဲလေးကောင်ထွက်လာတယ် လာကြပါဦးတော်"
ကြီးမှုန်က မျက်လုံးဖွင့်တာနဲ့တန်းအော်သည်။face maskတွေကြောင့်ဖြစ်မည်။ဖြူဖြူကြီးဆိုတော့ရုတ်တရက်ဆိုသရဲနဲ့တူသည်။ကိုကျော်က ကြီးမှုန်အော်တာနဲ့ပုဆိုးကိုမပြီးအပြေးသွားသည်။
"အမေ အမေ"
"အီးဟီး မလာနဲ့မလာနဲ့ ကယ်ကြပါဦးသရဲကငါ့ကိုအမေတဲ့ ငါနင်တို့အမေမဟုတ်ဘူးအီးဟီး"
ကိုမော်ကပါပြေးသွားတော့သည်။ကိုကျော်ကလည်း ကြီးမှုန်ပခုံးကိုလှုပ်ပြောနေ၏။ကြီးမှုန်ကလည်း လည်ပင်းကပုတီးကြီးကို လက်ဝါးနဲ့ထည့်ကာဘုရားစာတွေရွတ်တော့သည်။မျက်လုံးကိုလည်းတင်းကြပ်စွာစုံမှိတ်ထားသည်။
"အောင်မလေး ဘုရားကယ်ပါတရားကယ်ပါ"
"အမေ သားတို့ပါသားတို့"
YOU ARE READING
Winter and Her
Romanceဆောင်းရာသီမှာ တွေ့ခဲ့ကြ။ဆောင်းရာသီမှာ ချစ်မိခဲ့ကြ။ ဆောင်းရာသီမှာပဲ....အရာအားလုံးဟာဆောင်းရာသီမှာ..မထင်မှတ်ထားတာတွေလည်းဆောင်းရာသီမှာပဲ။ ဆောင်းဟေမာန်သွင်နဲ့။ ေဆာင္းရာသီမွာ ေတြ႕ခဲ့ၾက။ေဆာင္းရာသီမွာ ခ်စ္မိခဲ့ၾက။ ေဆာင္းရာသီမွာပဲ....အရာအားလုံးဟာေဆာင္းရာသီမွ...
