صباح الخير حُبًا..!
((ما تخلي مشاعرك تتحكم فيك!))
إنت عندك عقل يومي بديك إشارة إنو الحاجة البتعمل فيها دي غلط ما تصِر على غلطك عشان بعد يروح الإحساس الحلو دا حتندم.
حتندم على التصرف العملتو في لحظة زعل ..!
على القرار الإتخذتو وإنت مبسوط أو زعلان ..!
عشان ما تصل المرحلة دي خليك دايمًا سامع لصوتك الداخلي البقول ليك:
_الموضوع دا ما ماشي لقدام ما تتعشم.
_الإنسان دا ما الشخص المناسب.
_الموقف اللي بتتجاوزو الليلة دا حيتكرر تاني لو ما أخدت موقف.
_كفاية تنازلات عشان بكرة حتتفرض عليك.
((إتحكم في مشاعرك عشان ما تتحكم فيك ..!))
_الزعل البيسحبك عشان تعيشو أسأل نفسك هل فعلًا بيستاهل؟
بيستاهل الدموع والصداع وكتمة النفس ووجع العيون دا؟
بيستاهل العزلة والوحدة وخراب الوش والإكتئاب دا كلو؟
_القرار المتمسك بيه شديد هل بتتحمل نتايجو؟
هل بستاهل كل المعافرة والتعب دا كلو؟
حتكون راضي لما تخسر حاجات كتيرة قُصادو؟
أها وبعداك؟
حتحس بالراحة بعد كل التعب دا؟
_الشخص اللي بتتنازل عشانو هو عمل شنو عشانك؟
وفر ليك شنو مقابل تنازلك دا؟
هل يا ترى هو مُقدر تنازلك دا وشايف إنك عملت شي عظيم عشانو؟
_الشخص اللي زعلان شديد عليهو وفارق معاك غيابو هو زعلان عليك؟
وقف حياتو عشانك؟
ليه إختار يغيب ويزعلك لو كُنت بتهمو؟
لمتين حتفضل زعلان وحزين على قصص إنتهت؟
لمتين حتوقف حياتك وتكتئب وتنعزل من الناس وتبعدعن أصحابك؟
لمتين كل يوم بالليل تبكي وتنوح وتشيير بوستات حزينة تزيد على روحك؟
أوعى على نفسك الزعل المبالغ فيه ضُعف .. أزعل في حُدود المنطق.
الحزن والكئابة حتخليك إنسان بائس وحتضيع أيام كتيرة من عُمرك ما حترجع.
#على_الهامش:
لو خُيرت أن تكون هشًا أو قويًا أيهما ستختار..!؟
#Morning_Message"9"
#نُودين_بِت_مِن_حُب
