صباح الخير حُبًا ..!
مرة سمعت جملة في مسلسل بعد حصلت لي كم مواقف إستحضرتها الجملة كانت في حوار واحد حزين وزعلان بحكي لزول معتبرو قدوة في حياتي فرد عليه:
"غالبًا في عمر الشباب بنشوف المشاكل ما إلها حل"
فحقيقي لو ما حصلت ليك كل المشاكل العشتها دي ما كُنت عرفت الحل وكنت فاكر إنو كل المشاكل الفي حياتك ما ليها حل .. !
عشان كدا خليك دايمًا مُمتن للصعوبات .. للخيبات .. الخذلان والعقبات الإعترضت طريقك لأنو هي الصنعتك.
إنت الآن بتفكر إنها حاجات صعبة بس هي بتهيئك للجاي ما حقول الأصعب لأنو بعد فترة حتكتشف إنو الحيجي برضو ما كان صعب.
#على_الهامش:
اليوم تقول إنك مهزوم وغدًا ستكتشف إن الأمر أتفه من أن يُطلق عليه معركة ..!
#Morning_Message "13"
#نُودين_بِت_مِن_حُب
