صباح الخير حُبًا ..!
على الأرجح ..
كُل واحد فينا جواه حتة مطفية .. في قرارة نفسه عارف إنو هو الوحيد المسؤول من إنها تفضل مطفية ولا يعافر ويحاول يخليها تضوي.
هو عارف كويس إن الموضوع ما حيكون ساهل.
ما عاجبو يكون مُتخبط وما عارف يعمل شنو ولا يمشي لمنو.
بس مع كل دا خليك مُتأكد إنو أي حزن ما بتواجهو ما حتعرف تتخلص منو..!
المواجهة ممكن تكون في شكل فضفضة لشخص إنت واثق إن حيفهمك وحياخد بيدك ويوريك تعمل شنو.
ممكن تكون في شكل بكي ودموع .. في ناس بترتاح لما تبكي وتطلع الجواها لو عارف دا حيخفف عنك ما تكابر ..!
ممكن تكون في شكل رحلة إستشفاء أو عُزلة أو رياضة ..!
أعمل أي شي حاسس إنو ممكن يخفف عنك بس ما تهرب..!
ما تمثل شعور ما شعورك ..!
ما تلبس قناع ..!
ما تبتسم وإنت مطفي لأنو بيظهر فيك..!
ما تضحك في الوقت اللي مفروض تبكي فيه ..!
ما تقول أنا سعيد وإنت في أوج حُزنك لأنو السعادة بتتحس ما بتتقال ..!
والأهم الأهم ما تقحم معاك شخص في معمعتك دي .. لأنها معركتك براك .. وأسوأ أيامك إنت ما أيام شخص غيرك ..!
وحاول أطول وقت تكون فيه مع نفسك ما عشان ما عندك أصحاب .. بس عشان إنت شخص يُعتمد عليه وبيقدر مهما صعُب الأمر..!
#على_الهامش:
"ما من إهانة أَكثر قسوة توجهها لإنسان، من رفضك التصديق بأنه يعاني"
#Morning_Message "20"
#نُودين_بِت_مِن_حُب
