حُب الأقنعة

البارت السابع

جوري: اخذت الحلويات وطلعت للصالة قدمتلهم
حسام : الف مبروك ان شاء الله زواجة الدهر
خديجة : مبروك زواجة الدهر
جوري ومصعب : الله يبارك بيكم
- يلا نترخص اخذو راحتكم عرسانا الجدد
- الله وياكم همزين حسيت (بهمس )
- راحو حسام وزوجتة ورحت الجوري بالمطبخ دتعزل بالماعين
- اخذت جوري من ايدها وكلتلها تعالي وياي
جوري: وين؟
- تعالي للصالة اريد احجي وياج
-اخذتها للصالة كعدتها على القنفة وجبت كرسي كعدت كبالها
-شوفي جوري راح اكول كلام وهل كلام هو اساس علاقتنة راح يكون.... صح صار كلشي بسرعة مالحكتي تتعرفين علية ولاتعرفين صفاتي ولااني شنو
اول شي اني رجال خايف الله صايم امصلي وعمري ما قسيتلي على مرة الا اذا هية جرت اعوج ثانيا بحكم اني اكبر منج سناً وعندي تجارب وهل شي مدااستنقص منج بي وانو صغيرة ماتفتهمين لابالعكس احترمج واحترم قراراتج لكن التجارب تعلم اجيبها الج مثال
هسة انتي اول مابديتي تحطين مكياج حلو مثل ماهسة حلو ؟
جوري : ههههه طبعا لا
- هذا المثال فهمتي لان بي مكياج مع العلم بدون مكياج صاروخ ويا المكياج قذيفة
-المهم جوري جديات التجارب تعلم ومن اكلج هل شي لسوي مو لان اني مااريدج اتسوي بسبب غيرة او شك لا بسبب حب وخوف اولاً قبل الغيرة انتي بنتي قبل لاتكونين زوجتي اني احتويتج قبل لاافكر بيج بحب ومشاعر ...ولخ
اعرف دينج عن ديني فرق من السما للكاع لكن هل دينج اذا شافج علة خطأ ممكن ماينصحج ويخليج تنضرين؟
جوري: لا
-من اكلج هل شي ممنوع هل لبس ممنوع مو لان اتفاخر بفرض قيودي عليج اعرف اني حبيتج وانتي لبسج هيج  وحبيتج وانتي دينج يختلف عني لكن اذا شفت عين قذرة بالشارع تباوعلج اسكت واكول اني من اخذتها هيج ؟ زين اذا تحرش احد بيج تقبلين ابقى ساكت وعبالك حايط؟ جاوبيني تقبلين مااغار عليج؟
جوري: بلعكس احب غيرتك
-بعيدا عن انو اني رجل شرقي غيور بالاساس اني اخاف عليج اذا جان ابوج ميعرف عنج ميعرف وين ترحين وين تجين شلابسة شطالعة وين رايحة هل هاي حرية ام اهمال؟
جوري: اهمال
مصعب : اذا حاسبتج بيوم على لبسج راح تكليلي جنت بيت ابوية كلشي البس ؟ ترديني اصير مهمل مثل ابوج؟
جوري: لا طبعاً
- كعدت بصفها وفتحتلها ايدي اجت بحضني وكملت كلامي
-شوفي بوية هاي المناقشة والكلام كلة  حتى لو في يوم من الايام حرمتج من شي ماتكولين مصعب حرمني كولي خاف علية كولي مصعب ماهملني ومايدري عني شي
- الله بكتابة الي عدنا القرآن تدرين  شكال
بسم الله الرحمن الرحيم
-وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ.
جوري: شنو معناها
مصعب : من انفسكم معناها المرأة انخلقت من الرجل لأن امنا حواء انخلقت من ضلع سيدنا ادم عليهما السلام
لتسكنو اليها معناها انو النساء مسكن الكم
وجعل بينكم مودة ورحمة معناها حب وعطف على الاخر ماكو قسوة وجحود
جوري: كلامك حلو
مصعب : ثانياً الماضي مالتي صار مو مهم اذا انفتح بس يسببلج غيرة وقلق الماضي جان اجبار وعاملتها بالحسنى والله اخذ امانتة لكن عندي منها طفل وهل طفل بذرة سليمة ما الة اي علاقة بالموضوع فما اريد ابني يتأثر انو هو ابن غيرج وتعيشين بقلق من تشوفي وماريدج تفكرين من اشوفة راح اذكر امة
-جوري ابني من اليوم هو ابنج واني راح اشوفة ابنج واعرف حتربي احسن تربية بغيابي وواثق منج
-ثالثا عصبيتي نار لكن مو على شخص احبة ممسويلي شي اجي اتعارك ويا واطلع عصبيتي بي لاهنا اصير زعطوط وماافتهم لكن من تشوفيني معصب عالجي هل شي بعدم المجادلة واطالة النقاش اني اهدء تهدء اعصابي اناقشج
-رابعا مو معناها انو زوجتي انو صرتي مسؤلة عن بيت وعائلة ودراستج تنهمل لا اني ماازوجتج حتى اتعبج اولاً الحياة الزوجية مشاركة ومثل ماكتلج مودة ورحمة
واني شريكج بالحلوة والمُرة وثانياً دراستج اريدج تتفوقين بيها وتصيرين فدشي بالمجتمع واكول فلانة مرتي المهندسة ولة الدكتورة ولة المحامية  اي تخصص راح تختاري راح افتخر بيج